^*simi/o ^UV

Iu el simioj, mamulo kun pli malpli rekta teniĝo, prenkapablaj manoj, nudaj man- kaj piedplatoj, vizaĝo kaj oreloj: venadis la ŝipoj el Tarŝiŝ, alportante […] eburon, simiojn, kaj pavojn [1]; simioj sidis supre en la arboj kaj grincigis siajn dentojn [2]; li ludante kun juna simio aŭskultis la kontojn, kiujn legis al li lia skribisto [3]; la homo […] laŭ la aranĝo de sia korpo havas la plej grandan similecon je la fruktomanĝanta simio ^FK ; prezentadi dresitajn simiojn ^QuV ; grandaj grizaj himalajaj simioj, plej scivolaj, venis la unuaj ^IKr ; „silentu, eŭrope edukita simio!“ – mi ekkriis ankaŭ tremante, pro kolero ^Ĉukĉoj ; simio al simio plaĉas pli ol ĉio ^PrV .

Subordo el la ordo de primatoj (Haplorrhini), kies supra lipo ne estas kunkreskinta kun la nazo aŭ la gingivo kaj kiuj perdis la kapablon mem produkti vitaminon C: anatomie la homo, kune kun la prasimioj kaj simioj, apartenas al la grupo de primatoj ^Ret ; ĉe kelkaj specimenoj de homsimilaj simioj, la ĉimpanzoj, estis trovitaj virusoj gene proksimaj al la plej disvastiĝinta viruso (HIV-1) [4].

(tr)

Kvazaŭ simio imiti: mallerte simii nobelan sintenon; kadruloj filmas sin simiantajn sindikatistojn ^MD11 ; efektivigi militajn ekzercojn, kiuj simias armitan konflikton ^MD14 ; [ili] simias „kolĥozan kunvenon“: kiu pro kio ploras, tiu pri tio parolas [5].