*17special/a

*speciala  

Destinita por iu aparta celo, neĝenerala, nekomuna: pri tiuj ĉi kaŭzoj, kiel tro specialaj, ni tie ĉi detale ne parolos EE ; kiam nia lingvo estos oficiale akceptita de la registaroj […] kaj tiuj ĉi registaroj per speciala leĝo garantios al Esperanto tute certan vivon […] [1]; homo de tute speciala speco [2]; lin atakis la sento de ia speciala maltrankvileco, kia atakis lin ofte en liaj pli junaj jaroj [3]; vi estas tiel malbela, ke vi havas specialan belecon kaj plaĉas al ni [4]; vi havas specialan talenton por vagado [5]; tute specialan gravecon li atribuis al la historio [6]; ĉiu havas sian specialan bonecon, ĝi diris, ne ĉiuj povas esti nobelaj, iu devas plenumi la laborojn [7]; se oni forliberigus ŝin por tiu lernohoro, tio ĉe la aliaj infanoj eble povus veki malkontentecon kaj iajn specialajn pensojn, tial ŝi restadis [8]. ANT:ĝenerala
Rim.: Kp aparta, faka, precipa: Speciala montras destinon por difinita celo: oni uzas por tio specialan maŝinon; mi venis speciale por la festo. Aparta montras malkunecon, diferencon: ni pritraktos la du aferojn aparte; li tenis sin aparte. Ofte ĝi montras elstarecon, eminentecon, distingindecon: la lasta ero en la programo estis aparte (precipe) ŝatinda. Precipa rilatas al grado de kompara graveco: mi atentigas vin precipe pri tio; mi ŝatis precipe lian lastan verkon; ĉiuj devos iri, sed precipe la plej junaj.
angle:
special
beloruse:
спэцыяльны, адмысловы
ĉeĥe:
speciální, výběrový, zvláštní
france:
spécial
germane:
speziell
hispane:
especial
hungare:
speciális, sajátos, külön
katalune:
especial
nederlande:
speciaal
perse:
ویژه، مخصوص، خاص
pole:
specjalny, szczególny, specjalistyczny
ruse:
специальный
slovake:
výberový, zvláštny, špeciálny

*speciale

Laŭ speciala maniero: certe, mi alportis arĝentan vazon speciale por tio, por doni trinki al tiu ĉi sinjorino [9]! lingvo internacia apartenas speciale al neniu nacio FK ; li iris hejmen, preskaŭ speciale por esti batmortigita [10]; por ili kvazaŭ speciale pretigita [11]; al miaj konstruaĵoj mi aldonos ankoraŭ speciale konstruitan etaĝon, por montri mian genion [12]; li ekkriis, malrapide elparolante ĉiun vorton kaj speciale akcentante [13]; pureco estas por mi tute speciale sentebla [14]; mia patrujo mi nomas tiun regnon, aŭ en granda regno ankoraŭ speciale tiun provincon, en kiu mi naskiĝis [15].
beloruse:
спэцыяльна, адмыслова
ĉeĥe:
obzvláště, především, zejména, zvláště
france:
spécialement
germane:
speziell, besonders
hispane:
especialmente
hungare:
speciálisan, sajátosan, különösen, külön
katalune:
especialment
nederlande:
speciaal
perse:
بویژه، بخصوص
pole:
specjalnie, w sposób specjalny, szczególnie, w szczególności
ruse:
специально
slovake:
hlavne, obzvlášť

specialiĝo, specialo

Aparta, malĝenerala eduko; fako: la […] egipta popolo, dividiĝis en du klasojn: terkulturistoj kaj metiistoj […], produktantaj la vestojn, meblojn kaj instrumentojn […], ĉiu el tiuj specialoj, precipe la arĥitekturo, bezonis fortojn movantajn kaj tirantajn [16]; labordivido kaj specialiĝo [17]; la merkato estas decida por la grado de specialiĝo [18]; la nuna scienco ŝajnas esti neeviteble limigita pro ekscesa specialiĝo [19].
germane:
Spezialisierung, Fachausbildung

specialisto   Vikipedio

Profesia fakulo: li faris en Jerusalem maŝinojn, elpensitajn de specialistoj [20]; estas bone havi inter la juĝantaro unu specialiston [21]; ĉiu laboris en sia metio, kiel lertaj specialistoj ili havis grandan klientaron [22]; aŭskulti teatraĵojn kaj kantojn multe pli bonajn kaj plenumatajn ne de nespertaj diletantoj, sed de plej perfektaj specialistoj [23]; li verkas pri tiu temo, estante ne specialisto VivZam ; tiujn ĉi vortarojn devas ellabori nepre specialistoj, ĉiu en sia specialeco [24].
angle:
specialist
beloruse:
спэцыяліст, адмыJerusalemсловец
ĉeĥe:
odborník, specialista
france:
spécialiste
germane:
Spezialist, Fachmann, Profi
hispane:
especialista
hungare:
szakember, specialista
katalune:
especialista
nederlande:
specialist
perse:
متخصص، کارشناس، ویژه‌کار
pole:
specjalista
ruse:
специалист
slovake:
odborník

administraj notoj