tradukoj: be de en es fr hu it la nl ru sk tr

⁸animal/o

animalo

1.

Vivulo, t.e. vivaĵo sin nutranta per organika materialo kaj kies ĉeloj ne estas fortikigitaj per celulozo. Plejparte animaloj kapablas senti kaj sin movi: eble temas pri atavismo, reveno al tiu epoko, kiam la praulo de l' homo ne estis ankoraŭ animalo socia kaj vivis izole en sia kaverno [1]; nun imagu ke malantaŭ la muro homoj portadas ĉiajn objektojn kaj figurojn de homoj kaj aliaj animaloj, faritajn el ŝtono kaj ligno kaj ĉia materialo [2]; la nomaro de animaloj kaj vegetaĵoj [3]. besto¹, homo

2.

(evitinde) = besto, bruto: ŝi rapide respondis al ĵurnalistoj, ke ŝi amas la animalojn, ne estis ŝi kiu mortigis la vulpojn, la ĉinĉilojn, la mustelojn aŭ vizonojn cetere breditajn de la homoj [4].

animala

Rilata al la animaloj, plej ofte kontraste al „vegetaĵa“: animala regno; animalaj fosilioj; animala graso (ekz-e butero), kontraste al vegetaĵa graso (ekz-e oleo).

animaloj

Unu el la regnoj de la vivaĵoj (Animalia).