tradukoj: cs de en es fr he hu pl pt ru sk sv

datum/o SPIV

datumo KompLeks  

1.  
SCI Fakta materialo por scienca esploro, politika diskuto, administra decido (rezulto de eksperimento, historia teksto, statistikaĵo ktp): observitaj datumoj, fidinda datumo, prognoza datumo, datumoj pri tiu persono mankas; akiri, kolekti datumojn. oftecodistribuo estas funkcio, kiu indikas por ĉiu mezurita datumo, kiom ofte la datumo ekestis [1].
2.  
KOMP Informo konsiderata kune kun la maniero en kiu ĝi estas esprimita; precipe informo komputile traktebla: la signoĉenoj "33", "XXXII", "tridek tri" estas diversaj datumoj esprimantaj unu saman informon; datumoj ― de nefakula vidpunkto ― povas esti la literoj de teksto aŭ eble iuj ciferoj, sed eblas ankaŭ turni homan paroladon en fluon de ciferecaj datumoj [2]; la poŝtelefona reto mem transportas nur datumojn kaj tute ne la paroladon mem en la formo, kiel ĝi alvenas de la mikrofono [3]; asociaj tabeloj simple ligas parojn da datumoj, tiel ke unu estas la indico (aŭ ŝlosilo) por trovi la alian [4]. SUB:donitaĵoVD:informo

Rim. 1: Ofte la vortoj „informo“ kaj „datumo“ estas interŝanĝeblaj: la celo de komunikado estas transdoni informon, sed reale oni povas fari tion prezentante la informon materie per datumo. Do, ricevi informon kaj ricevi datumon povas esti samsignifaj. Tamen iam la diferenco ja gravas, ekz. kiam oni esploras diversajn prezentomanierojn, aŭ se datumo estas seninforma.
Rim. 2: Multaj esperantistoj, influate de sia nacilingvo (kaj etimologio de „datumo“) uzas la vorton „donitaĵo“ en la ĝenerala senco de „datumo“. Tio estas iom ĝena se temas pri datumo akirota, kiu estos rezulto de komputado aŭ parto de plano. Por eviti la komikan efekton en tiaj situacioj iuj uzas vortojn „ciferoj“, „indikoj“ ( planitaj ciferoj, projektaj indikoj) ktp, kie fakte pli konvenas „datumo“.
Rim. 3: Multaj uzas nur la multenombran formon „datumoj“, kvankam ĉe aliaj aŭtoroj ne maloftas ankaŭ la ununombra uzado.
Rim. 4: Konsiderinda parto de la okcidentaj komputikistoj preferas la formon „dateno“, supozeble por eviti konfuzon kun iom nebulsenca verbo „datumi“ (proksimume „datiĝi, deveni de koncerna tempo, komenciĝi iam“). La formo „dateno“ restas malpli vaste uzata (kaj geografie kaj sence) kaj malpli tradicia (je la momento kiam estis tajpataj ĉi tiuj linioj, serĉo en TTT donis 26% por „dateno“ kaj 74% por „datumo“). La formo „datao“ estas ankoraŭ pli malofta. HOM:dat/um/o

datumbanko

KOMP Kolekto de datumoj (datumbazoj, dosieroj) pri iu aplikkampo: interreta portalo kun vasta datumbanko pri pra- kaj fru-historio [5]; datumbanko pri tertremoj de 2150 a.K. ĝis nun [6]; ekzistas ankaŭ la lingvoj, kies rolo estas limigita al plenumo de certa tasko: mendo al datumbanko (SQL) [7].

datumbazo  

KOMP Kolekto de interligitaj datumoj uzateblaj en diversaj aplikoj per datumbaz-manipulilo: MySQL estas datumbazo, kiu estas konata por sia rapideco [8]; rilata datumbazo estas datumbazo, kies strukturo baziĝas sur la rilata modelo, ĝi do konsistas el datumaj opoj, kiuj esprimas rilatojn inter la datumoj [9].

datumbaz-manipulilo (DBM)

KOMP Programaro ebliganta difini la fizikan kaj logikan strukturojn de datumbazo, enigi kaj ekstrakti ĝiajn informojn: datumbaz-manipulilo „Access“ [10]; Ingres estas libera kaj komerce subtenata rilata datumbaz-manipulilo uzebla en grandaj komercaj aŭ registaraj organizaĵoj [11].
Rim.: La plena formo de la termino estas iom longa, tial oni povas preferi mallongigon: DBM.

datumportilo  

KOMP Fizika objekto destinita por konservi datumojn, ekz-e magneta disko: videbligi tekston konservitan kiel dosiero sur datumportilo [12]; disketo estas speco de ekstera [...] datumportilo en malmola plasta kvadrata ŝelo [13]; komence por transporti estis uzitaj paperaj trubendoj kaj trukartoj kaj poste aperis magnetaj kaj optikaj diskoj, kaj datumportiloj surbaze de icoj [14].

datumstrukturo  

KOMP Maniero kunigi plurajn datumojn en unu tuton kaj aranĝi ilin en la memoro: listo estas tre elasta datumstrukturo prezentebla kiel sinsekvo da objektoj [15]; en komputado, la datumstrukturo tabelo estas [...] kutima maniero realigi abstraktan tabelon [16]; duuma arbo estas arba datumstrukturo, en kiu ĉiu vertico havas maksimume du infanojn [17].
Rim.: Kontraste al la ofte sinonima nocio datumtipo, datumstrukturo ne estas limigita per la kadro de programlingvo kaj aplikeblas al individuaj objektoj.

tradukoj

anglaj

~o : datum, data; ~banko: data bank; ~bazo: data base; ~baz-manipulilo: data-base management system, DBMS; ~portilo: data medium, data volume; ~strukturo: data structure.

ĉeĥaj

~bazo: databáze, soubor dat; ~portilo: datový nosič.

francaj

~o : donnée; ~banko: banque de données; ~bazo: base de données; ~baz-manipulilo: SGBD, système de gestion de base de données; ~portilo: support; ~strukturo: structure de données.

germanaj

~o : Datum, Daten (pl); ~banko: Datenbasis, Datensammlung; ~bazo: Datenbank; ~portilo: Datenträger; ~strukturo: Datenstruktur. duuma arbo: Binärbaum.

hebreaj

~o : נתון; ~banko: מאגר מידע; ~bazo: מסד נתונים; ~baz-manipulilo: מערכת ניהול נתונים; ~strukturo: מבנה נתונים.

hispanaj

~o : dato; ~banko: banco de datos; ~bazo: base de datos.

hungaraj

~o : adat; ~banko: adatbank; ~bazo: adatbázis; ~baz-manipulilo: adatbázis-kezelő; ~portilo: adathordozó; ~strukturo: adatszerkezet, adatstruktúra.

polaj

~o : dana (l.poj), dane (l.mn); ~banko: bank danych; ~bazo: baza danych; ~baz-manipulilo: system zarządzania bazą danych; ~portilo: nośnik danych; ~strukturo: struktura danych.

portugalaj

~o : dado (informática).

rusaj

~o : данные; ~banko: банк данных; ~bazo: база данных; ~baz-manipulilo: система управления базами данных, СУБД; ~portilo: носитель данных; ~strukturo: структура данных.

slovakaj

~bazo: databáza; ~portilo: dátový nosič.

svedaj

~o : data; ~banko: databank; ~bazo: databas.

fontoj

1. Vikipedio, Oftecodistribuo
2. Monato, Pejno Simono: Prefere pakete
3. Monato, Pejno Simono: Prefere pakete
4. Vikipedio, Lua
5. Vikipedio, Prahistorio
6. Vikipedio, Tertremo
7. Vikipedio, Programlingvo
8. Vikipedio, MySQL
9. Vikipedio, Rilata datumbazo
10. Vikipedio, Unikodkapabla programo
11. Vikipedio, Ingres
12. Vikipedio, Bitlibro
13. Vikipedio, Disketo
14. Vikipedio, Datumportilo
15. Vikipedio, Listo
16. Vikipedio, Tabelo (datumstrukturo)
17. Vikipedio, Duuma arbo


ℛevo | datumprotekto | datum.xml | redakti... | traduki... | artikolversio: 1.23 2017/03/05 14:10:13