tradukoj: be cs de en es fr hu pl pt ru sk sv

*17energi/o

*17energio

1.  
Forto de la volo, streĉita al iu celo, kaj persista por ĝin atingi: ekzistas diverseco de energioj, sed la sama Dio, kiu energias ĉion en ĉiuj [1]; Dio estas Tiu, kiu elfaras en vi la volon kaj la energion laŭ Sia bonvolo [2]; la energio de Satano kun ĉia potenco kaj kun signoj kaj mensogaj mirindaĵoj [3]; petego de justulo multe efikas per sia energio [4]; oni povis samtempe admiri en li forton kaj energion [5]; en la azia lukso dronis la energio de l' faraonoj [6]; viroj altaj, kun fiera mieno kaj vira energio en la vizaĝo [7]; voĉo, en kiu oni sentis la retrovitan energion [8]; sufiĉe da energio, por kontraŭbatali ĉiujn malfacilaĵojn [9]; tiu virino certe havis multe da energio, se ŝi povis sen larmo, sen ĝemo, elaŭskulti la severan verdikton, kiu kondamnis al morto ŝian karan esperon Marta ; esti plena je fajra energio BdV ; energidona manĝaĵo.
2.  
FIZ Fizika grando, esprimanta la kapablon fari laboron: la dimensioj de energio estas `ML^2T^-2`; ĥemia, potenciala, kineta energio; varmoenergio; muskola energio; renovigebla energio, […] ventoenergio [10]; atomenergio [11]; provizado per elektra energio [12]. VD:ĵulo.

*energia  

1.
Posedanta energion: nia urbo havas bonajn policanojn, sed ne sufiĉe energian policestron [13]; la vorto de Dio estas viva kaj energia [14]; Egipto prosperis, dum la unuigita popolo, energiaj reĝoj kaj saĝaj pastroj kunlaboris [15]; li havis noblan kaj energian karakteron [16]; homo matura, energia kaj sperta [17]; energiaj batalantoj EE ; energia propagandisto de nia afero [18]; energia kaj sindona dudek-jara laborado [19].
2.  
Forte impresanta, drasta : energia esprimo; la ostaj manoj akompanis la frazojn per energiaj gestoj IK ; kun energia protesto ni forĵetas tiun ĉi postulon [20]; la muziko fariĝis pli energia kaj la dancoj iris en pli viva takto BdV .

*energie  

Per energia maniero: kaj kontraŭ la ektuŝo de tiu ĉi principo ili volu ĉiam energie batali [21]; mi devas energie peti, ke vi ĉesu [22]; nun mi energie min enmiksos [23]; ni, Esperantistoj, devas labori pli energie ol iam [24]; ni protestas plej energie, ni protestas per ĉiuj fibroj de nia koro [25]; mi per mia mano energie lin frotadis FK ; ju pli energie vastiĝos kaj riĉiĝos la literaturo de la lingvo internacia, des pli baldaŭ ni havos unuforman pli malpli plenan vortaron DL .

akvenergio, akvoenergio

EKOLTEK Energio portata de naturaj akvomovoj aŭ akvovarmeco, kaptebla per turbinoj aŭ aliaj aparatoj: akvoenergio el ondoj de la maro aŭ el riveroj [26]; la Baraĵo Tri Gorĝoj estas akvoenergia baraĵo en Ĉinio, […], la plej granda akvenergia baraĵo el mondo [27].

kernenergio, atomenergio, nuklea energio

EKOLTEK Energio eligata de atomkernoj, precipe dum ilia fendiĝo, uzata en nukleaj centraloj: la procezo de fisio estis renkontita plurfoje dum la esploroj pri kernenergio dum la tridekaj jaroj de la 20-a jarcento [28]; Germanujo estas 100 procente dependa de uranio-importoj por la atomenergio [29]; mi estas forta kontraŭulo de nuklea energio [30].

fosilia energio  

EKOLTEK Energio produktata per bruligo de fosiliaj substancoj: tergaso, karbo, naftoderivaĵoj: tutmonda klimatŝanĝiĝo daŭras kaj fosilia energio ankoraŭ elĉerpiĝas [31]; dikti la ĉiam kreskantajn prezojn por fosilia energio [32]; oni klopodas redukti la importadon de fosiliaj energiportantoj kaj pli uzi biomason, sun- kaj vent-energion kaj tervarmon [33].

renoviĝanta energio, renovigebla energio  

EKOLTEK Energio provizata de fonto, kiun oni rigardas senlima, ne elĉerpiĝonta, kiel vento, suno... kontraste al fosilia energio: leĝo pri renovigebla energio [34]; ĝis 2030 Eŭropo havas devigajn celojn altigi la procentaĵon de renovigebla energio [35].

sunenergio

EKOLTEK Energio portata de sunradiado, kaptebla kaj reuzebla per diversaj aparatoj, interalie sunĉeloj: paneloj por generi varmon aŭ elektron el sunenergio sur tegmentoj [36]; fotoelektra sunenergio [37]; sunenergia forno […] ne bezonas brulaĵon [38].

tervarma energio, geoterma energio  

EKOLTEK Energio el la internaj tavoloj de la tero, spontane disponebla en naturaj varmaj akvoj aŭ kaptebla per diversaj subteraj ekipaĵoj: nun, ventoenergio, sunenergio, tervarma energio […] estas uzataj en ĉiutaga vivo de tibet-naciaj kamparanoj [39]; plej ofte oni produktas per la geoterma energio elektran kurenton [40].

ventenergio, ventoenergio

EKOLTEK Energio portata de vento, de aermovoj, kaptebla per veloj, ventoturbinoj kaj aliaj aparatoj: motivi la elekton favore al ventoenergio [41]; Kalifornio produktas pli da ventenergio ol iu ajn alia ŝtato en Usono [42].

tradukoj

anglaj

~o: energy; akv~o, akvo~o: hydropower; kern~o, atom~o, nuklea ~o: nuclear power; renoviĝanta ~o, renovigebla ~o: renewable energy; sun~o: solar energy; tervarma ~o, geoterma ~o: geothermal energy; vent~o, vento~o: wind power.

belorusaj

~o: энэргія; ~a 1.: энэргетычны; ~a 2.: энэргічны.

ĉeĥaj

~o: energie; ~a: energický, průbojný, pádný, rozhodný, rázný, řízný; sun~o: sluneční energie; vent~o, vento~o: energie větru.

francaj

~o: énergie; ~a: énergique; akv~o, akvo~o: énergie hydraulique; kern~o, atom~o, nuklea ~o: énergie nucléaire; fosilia ~o: énergie fossile; renoviĝanta ~o, renovigebla ~o: énergie renouvelable; sun~o: énergie solaire; tervarma ~o, geoterma ~o: énergie géothermique; vent~o, vento~o: énergie éolienne. ~dona: énergétique.

germanaj

~o: Energie; ~a 1.: energetisch; ~a 2.: energisch.

hispanaj

~o: energía.

hungaraj

~o 1.: erély, határozottság; ~o 2.: energia; ~a: energikus, dinamikus.

polaj

~o: energia; ~a: energiczny; ~e: énergiquement; akv~o, akvo~o: hydroenergia; kern~o, atom~o, nuklea ~o: energia jądrowa, energia atomowa; fosilia ~o: energia kopalna (pot.), enrrgia z paliw kopalnych; renoviĝanta ~o, renovigebla ~o: energia odnawialna; sun~o: energia słoneczna, energia solarna; tervarma ~o, geoterma ~o: energia geotermalna; vent~o, vento~o: energia wiatrowa.

portugalaj

~o: energia.

rusaj

~o: энергия; ~a: энергичный.

slovakaj

~o: energia; ~a: energický, rozhodný, rázny; sun~o: slnečná energia; vent~o, vento~o: energia vetra.

svedaj

~o: energi.

fontoj

1. La Nova Testamento, I. Korintanoj 12:6
2. La Nova Testamento, Filipianoj 2:13
3. La Nova Testamento, II. Tesalonikanoj 2:9
4. La Nova Testamento, Jakobo 5:16
5. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
6. B. Prus, trad. Kazimierz Bein: La Faraono, vol. 1, Antaŭparolo
7. B. Prus, trad. Kazimierz Bein: La Faraono, vol. 2, Ĉapitro IV
8. B. Prus, trad. Kazimierz Bein: La Faraono, vol. 3, Ĉapitro XVI
9. L. L. Zamenhof: Paroloj, Parolado antaŭ la Sesa Kongreso Esperantista en Washington en la 15a de aŭgusto 1910
10. Monato, Roland Rotsaert: Verda nature, science, socie
11. Monato, Stefan Maul: Defio aŭ devio de politiko
12. Monato, Roland Rotsaert: Albanio: Diktaturo de impostoj
13. L. L. Zamenhof: Fundamento de Esperanto, Ekzercaro, § 37
14. La Nova Testamento, Hebreoj 4:12
15. B. Prus, trad. Kazimierz Bein: La Faraono, vol. 1, Antaŭparolo
16. B. Prus, trad. Kazimierz Bein: La Faraono, vol. 3, Ĉapitro XII
17. B. Prus, trad. Kazimierz Bein: La Faraono, vol. 3, Ĉapitro XVIII
18. L. L. Zamenhof: Paroloj, Parolado antaŭ la Unua Kongreso Esperantista en Boulogne sur Mer en la 5a de aŭgusto 1905
19. L. L. Zamenhof: Paroloj, Parolado antaŭ la Tria Kongreso Esperantista en Cambridge en la 12a de aŭgusto 1907
20. L. L. Zamenhof: Paroloj, Parolado antaŭ la Dua Kongreso Esperantista en Genève en la 28a de aŭgusto 1906
21. L. L. Zamenhof: Fundamento de Esperanto, Antaŭparolo
22. H. C. Andersen, trad. L. L. Zamenhof: Fabeloj, vol. 1, Malgranda Niko kaj granda Niko
23. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
24. L. L. Zamenhof: Paroloj, Parolado antaŭ la Dua Kongreso Esperantista en Genève en la 28a de aŭgusto 1906
25. L. L. Zamenhof: Paroloj, Parolado en la Guildhall (Londono) en la 21a de aŭgusto 1907
26. Asocio de Verduloj Esperantistaj: Efika Uzado de Energio, 2001
27. Vikipedio, Akvobaraĵo
28. Vikipedio, fisio, 2011-01-16
29. Bundesministerium für Umwelt, trad. F. Zeller: Atomenergio: malĝusta vojo, 2010
30. Benno: Profitoj kaj malprofitoj de la nuklea energio, 2008
31. M. Earle k.a.: Verda Libro, [2009]
32. Monato, Walter Klag: Novtipa ekologia turismo
33. Monato, Walter Klag: Energiprezo
34. Monato, Franz-Georg Rössler: Sunelektraj kamparanoj
35. D. ab Iago: Klimata ŝanĝiĝo post 2030, La Balta Ondo, 2013-03-15
36. Monato, Stefan Maul: Necesas energio
37. Monato, Werner Fuß: Verdigu la dezertojn!
38. E. Norman: Suna Forno, Esperlando, 2001
39. Lumigi Tibeton per nova fuelo, 2009
40. Vikipedio, Geoterma energio, 2011-01-16
41. Monato, Roland Rotsaert: Verda nature, science, socie
42. R. Miller: Energio de Vento, Saluton!, 2008-05


ℛevo | datumprotekto | energi.xml | redakti... | traduki... | artikolversio: 1.29 2020/02/16 11:10:28