tradukoj: be ca de en es fr pt ru

^*fripon/o

^*fripono

Ruza malhonestulo: vizaĝo de Katono, sed virto de fripono[1]; la friponoj ŝtelis de vi ankaŭ la duan braceleton [2]. kanajlo, trompisto

friponi

1.

(ntr)
Agi fripone: kiu helpis vin friponi, kiam vi konstruis ponton kaj kalkule enskribis lignon por dudek mil rubloj, dum en efektiveco vi ne donis eĉ por cent rubloj [3]?

2.

(tr)
Proprigi al si per malhonestaĵoj: friponi monon de (al) iu; al neniu ni friponis [4].

friponaĵo

Lerta trompo: ĉu vi memoras, kiel ni kune suferis mizeron, tagmanĝadis per friponaĵoj [5]? ekzemple „Friponaĵoj de Skapeno“ [6].

friponeto

Faranto de etaj malhonestaĵoj, malica bubo: „la friponeto de Tormes“ [7]; mi sidis rigida ..., atendante nur tion, ke la friponeto aperu el sia pordo por bati min [8].

kunfripono

Kunfaranto de friponaĵo: Uzibitum kaj liaj kunfriponoj dependas tro multe en siaj intrigoj de la irado de la steloj [9]. komplico

prifriponi

Ruze, trompe priŝteli: ili mem trompas kaj prifriponas la popolon [10].

      Ĉi tiun transitivan sencon PIV1 ne konas, sed ĝi
      konas pri~i, kies objekto montras la priŝteliton.
      Ekzemploj utilus por scii, ĉu vere ~i povas esti
      transitiva. [MB]
    

      unu ekzemplo, ne tute taŭga.
      [ĵv]