horizontal/a

^*horizontala

(rilate al iu loko de la tersurfaco) Rilata al la horizontalo de la loko; direktita laŭ tiu horizontalo: horizontala pozicio de objekto (mezurebla ekz-e per ĝiaj koordinatoj en horizontala ebeno); la surfaco de senmova akvo estas horizontala; horizontala planko, ŝnuro, tablo; globo, metita sur horizontala surfaco, ne moviĝas pro la propra pezo; la dormanta Ĥaldeano, sen iu ajn apogo, ekpendis horizontale en la aero, kelke da metroj super la tero [1]; tenu la tabulon en ĝusta horizontaleco [2].

Apartenanta al tiu direkto en la teksto, kiu estas horizontala se la tuta tekstosurfaco estas vertikala: en la latina skribosistemo la linioj kutime estas horizontalaj.

horizontalo

(de iu loko de la tersurfaco) Ebena direkto orta al la vertikalo de la loko; ĉiu rekto kun tia direkto.

Vico da elementoj de plataĵo (teksto, matrico, ŝaktabulo ktp), kies aranĝo estas horizontala se la koncerna surfaco estas vertikala (sur la nigra tabulo, ekrano ktp): la turo tenas la 5an horizontalon.

a): (elementa geometrio) Rekto kun direkto orta al la konvencie elektita direkto de vertikaloj: la ekvacio de la horizontalo trairanta punkton (5,7) estas y = 7.
b): [3] (de (n,p)-matrico) Ĉiu el ĝiaj n (1,p)-submatricoj.
c): Ĉiu (1,p)-matrico: horizontalo kun p vertikaloj ekvivalentas al p-opo.

tradukoj

anglaj

~a: horizontal; ~o 1.: horizontal, horizontal line; ~o 2.: row; ~o a: horizontal line; ~o b: horizontal row; ~o c: row matrix.

belorusaj

~a: гарызантальны; ~o: гарызанталь.

francaj

~a: horizontal; ~o 1.: horizontale; ~o 2.: rangée horizontale; ~o a: horizontale; ~o b: rangée horizontale, ligne; ~o c: matrice-ligne. ~eco: horizontalité.

germanaj

~a: waagerecht, waagrecht, horizontal; ~o b: Zeile, Horizontalreihe; ~o c: Zeilenmatrix; ~o: Waag[e]rechte, Horizontale.

grekaj

~a: οριζόντιος.

nederlandaj

~a: horizontaal, waterpas; ~o: horizontale lijn, horizontale ligging.

polaj

~o a: pozioma; ~o b: linia pozioma, wiersz; ~o c: macierz [jedno]wierszowa.

portugalaj

~a: horizontal; ~o: linha horizontal.

rusaj

~a: горизонтальный; ~o 2.: горизонталь; ~o b: строка, горизонтальный ряд; ~o c: матрица-строка; ~o: горизонталь.

administraj notoj

pri ~a:

  Kontroli, ke la trd de/nl/ru aplikigxas ankaux al
  la dua senco, poste aldonita. [MB]

pri ~o c:

      Mi ne trovis fonton por tiu termino.[MB]

^*horizontal/a