tradukoj: be de en es fr hu nl pt ru

²kompat/i

^*kompati

Senti kortuŝon pro ies malfeliĉo kaj deziron ĝin malakrigi: kompati iun^Z, al iu, ies doloron; pli feliĉa estas martelo insultata, ol amboso kompatata [1]; virtulo kompatas (indulgas, ŝparas) la vivon de sia bruto [2]; Mi etendas Mian manon sur vin kaj pereigas vin [, ĉar] Mi laciĝis de kompatado [3]; ne troviĝu kompatanto por liaj orfoj [4]. kondolenci.

kompato

Sento de kompatanto: mi ne volas baton, mi ne volas kompaton [5]; eksenti kompaton al iu^Z; granda kompato moligis ilian koron; (figure) rideto de kompato^Z (afable malestima); kompatplena Dio! donu Vi al ŝi la tomban ripozon, kiun mi ne povis havigi al ŝi! [6]; li do aliris, unu post alia, la personojn, pri kies sinteno li dubis, proponante al ili siajn fruktojn, laŭ la sama plenda, kompatveka maniero [7]. koro ²

kompata

Montranta kompaton, rilata al kompato: mi aŭdas kompatajn vortojn de virino, kiun mi tiel longe kaj tiel pasie amas [8]; vidante tiujn eluzitajn mantelojn kaj tiujn vizaĝojn, mizerajn de malsato, denove mi spertis kvazaŭ kompatan senton [9]; mi ne toleras, se knabo kompate min rigardas [10].

kompateco

kompatemo Dio, estante riĉa en kompateco, [...] nin vivigis en Kristo [11].

kompatema

Inklina al kompato: kiam la faraonoj jam unu fojon montris sian potencon, ili povas esti kompatemaj [12]; (figure) ŝi iris al la homo, kies kompatema mano jam donis al ŝi unu fojon laboron, la duan fojon almozon [13]. bonkora.

kompatemo

Eco de iu kompatema: la Sinjoro, nia Dio, havas kompatemon kaj pardonemon, kvankam ni defalis de Li [14]; li komencis konsideri, ĉu efektive tiu boneco kaj kompatemo de la kristanoj ne pruvas maltaŭgecon de iliaj animoj [15].

kompatemeco

kompatemo laŭ Via granda kompatemeco elstreku miajn pekojn [16]; lia ago koncerne tiun virinon ne povis esti rigardata kiel malbona atesto pri la kvanto da boneco kaj kompatemeco troviĝanta en lia koro [17].

kompatigi

Fari, ke iu kompatu al vi: pli bone estas enviigi ol kompatigi [18]. plendi

kompatinda

Inda je kompato: miaj kompatindaj floroj tute forvelkis! [19]; kiu vidis la vizaĝon de Afrodito, ne estas kompatinda [20]; ĝi estas vera kompatindaĵo^Z; kion do ŝi volas ankoraŭ de tiu kompatindulo, li ja plu ne vivas! [21]; li eĉ ne divenas, kompatindulo, ke li estas jam pli ombro ol homo [22]. malfeliĉa

ekkompati

Eksenti kompaton: la Eternulo ekkompatos Jakobon, kaj denove elektos Izraelon, kaj reloĝigos ilin en ilia lando [23]; sekiĝu la mano de tiu, kiu kurus helpi lin, ekkompatinte lian mizeron [24].

malkompata

senkompata morta danĝero minacas lin de malkompataj malamikoj [25].

malkompatema

senkompata sen iu azilo, en kiu mi povintus forsavi min de miaj malkompatemaj persekutantoj [26].

malkompatemo

senkompateco en [la diskutoj] oni notas la vivkarecon, senlaborecon, malkompatemon de la entreprenistoj, sed en ili nenio estas mallegala [27].

memkompato

Kompato al si mem: li estis plena je memkompato kaj alte taksis la okazon malkovri ĉion al aŭskultanto [28].

senkompata

Ne inklina al kompato pro fiereco kaj egoismo: Mi transdonos la Egiptojn en la manon de kruela sinjoro, kaj senkompata reĝo regos super ili [29]; la senkompata morto diris sian kruelan vorton^Z; ĉiam la infanaj buŝoj parolis senkompatajn vortojn pri ŝi [30]; (figure) lian kapon, surŝutitan per la cindro, senkompate bruligis la suno [31]. malkompatasenkora, kruela, severa.

senkompateco

Eco de iu senkompata: (figure) la rigida kolumo de la ĉemizo kun ordinara senkompateco sin apogis je razita mentono [32]. malkompatemo

    Kontroli la ekz-on en PrV. Laux mia elektronika versio
    temas pri "enviigxi" k "kompatigxi".
    [MB]
  

  Koherigi oficialecojn: radiko (2a OA), ~i (F)!
  [MB]