tradukoj: be cs de en es fr hu pt ru sk

*konvert/i PV

*konverti

(tr)
1.  
REL Alkonduki iun al pieco, aŭ ene de propra religio aŭ ŝanĝante por nova religio: konverti pekinton; konverti kristanojn al islamo; se vi volas rekonverti vin, ho Izrael, diras la Eternulo, rekonvertu vin al Mi [1]; Gentiana enamiĝis al sia edzo ekde la unua tago, eklernis la serban kaj konvertiĝis al la ortodoksa eklezio [2].
2.  
(figure) Per persvado alkonduki iun al nova opinio, partio: mi estas tro maljuna por esti ankoraŭ konvertita al tiuj novaj doktrinoj; al la esperantismo konvertis vin nur tiu artikolo, dum ĉiuj aliaj ĝistiamaj propagandaj artikoloj vin ne povis konvinki [3]. SIN:varbi, VD:propagandi, prozelito
3.
Transformi, ŝanĝi: tiel la granda minaco de klimatovarmiĝo povas esti konvertita (ŝanĝita) al realigado de malnova revo de la homaro, verdigo de dezertoj [4]; Mayauel, la virino kiu estis unue homa estaĵo, poste diigita kaj fine konvertita en la simbolon de la agavo mem [5].
a)
EKON Ŝanĝi monkvanton de unu valuto al alia: tio helpos al ordinaraj kubanoj, al kiuj fojfoje malfacilas konverti siajn pesojn [6].
b)
FIZTEK Transformi signalon por adapti ĝin al alia transportmedio: d-ro „Proksimeco” do kolektis la „malproksimecajn” signalojn samtempe senditajn de la du sondiloj laŭlonge de sia vojaĝo, li poste konvertis ĉiun el ili en apartan sonan signalon [7].
c)  
KOMP Transformi datumon, konservante la sencon de la prezentata informo: konverti la entjeron 1000000 en egalvaloran glitpunktan reelon 0.1e7; konverti mesaĝon el Unikodo en x-surogaton; konverti minusklajn nomojn al majuskloj; la konvertoservo de Amazon povas konverti de PDF al MOBI, sed tia konverto supozeble ne ĉiam bone funkcias [8]; la alvenantaj leteroj aŭtomate konvertiĝos kaj atingos la abonanton en la preferata varianto [9]; konverti musregatan programon al fingroregata [10].

konvertiĝi

(ntr)
1.  
Aliĝi al religio aŭ opinio, fidante al ĝi kaj agante laŭ ĝi: pentu do, kaj konvertiĝu, por ke viaj pekoj estu forviŝitaj [11]; la princo Ramzes, por certigi al si la helpon de Fenicianoj, konvertiĝis al la kulto de la diino Istar [12]; dana konvertiĝinto rajtas reprezenti la asocion [13].
2.
(figure) al [Esperanto] konvertiĝis en Nurnbergo Leopold Einstein kaj la tuta klubo mondlingvista VivZam .
3.
Transformiĝi: la mono konvertiĝis ne nur en nutraĵojn kaj vestaĵojn, sed ankaŭ en novajn hejmojn kaj produktejojn [14].

konvertiĝo  

REL Turniĝo al iu religio, al iu doktrino, kaj sekva ŝanĝo en sia vivmaniero: ili, aŭdinte tion, komencis interkonsili, pensante kun ĝojo pri la venko de sia instruo kaj pri la signifo, kiun por la idolana mondo havos konvertiĝo de aŭgustano [15].

konvertilo

TEKKOMP Rimedo por konverti: konvertilo de x-formo al unikodo [16]; kiam por ĉiu lingvo estos servilo ([…] UNL-vortaro kaj konvertiloj […]), uzanto de Interreto preskaŭ sen rimarki tion vidos la tekstojn tradukitajn al sia lingvo [17]; elkonvertilo, alkonvertilo [18]; hidraŭlika-statika konvertilo estas hidraŭlika elemento destinita por transmisii energion de solidaj partoj en likvo-kolonon aŭ male [19].

konvertito

REL Tiu, kiu konvertiĝis: islamo kreskas en Britio, statistikoj indikas, ke inter 2001 kaj 2010 la nombro de la konvertitoj kreskis de 60 000 ĝis 100 000 [20].

tradukoj

anglaj

~i 1.: convert, cause spiritual regeneration; ~i 2.: proselytize; ~i c: transform; ~iĝi: convert; ~iĝo: conversion. ~i: to port.

belorusaj

~i 1.: зьвярнуць (у веру), навярнуць (у веру), павярнуць (грэшніка), навярнуць (грэшніка); ~i 2.: схіліць (да думкі, перакананьня); ~i c: канвэртаваць, ператварыць.

ĉeĥaj

~i: konvertovat, obrátit, provést konverzi, přestoupit, převádět.

francaj

~i: convertir; ~iĝi: se convertir; ~iĝo: conversion.

germanaj

~i 1.: bekehren; ~i 2.: bekehren; ~i a: umtauschen; ~i c: konvertieren; ~i 3.: umwandeln, konvertieren; ~iĝi 1.: konvertieren; ~iĝi 3.: sich umwandeln; ~iĝo : Bekehrung; ~ilo : Übersetzer, Konverter; ~ito : Konvertit. ~i: portieren.

hispanaj

~i: convertir; ~iĝi: convertirse; ~iĝo: conversión.

hungaraj

~i 1.: megtérít; ~i 2.: megtérít; ~i c: konvertál, átalakít.

portugalaj

~i 1.: converter; ~i c: converter.

rusaj

~i 1.: обратить (в веру), обратить (грешника); ~i 2.: склонить (к убеждению); ~i c: преобразовать.

slovakaj

~i: konvertovať, navrátiť niekoho, prehovoriť, prestúpiť do inej cirkvi.

fontoj

1. trad. L. L. Zamenhof: La Malnova Testamento, Jeremia 4:1
2. Monato, Bardhyl Selimi: Albanaj edzinoj por serbaj fraŭloj
3. L. L. Zamenhof: Lingvaj Respondoj, 2. La verkaro de Zamenhof
4. Monato, Werner Fuß: Verdigu la dezertojn!
5. Monato, Centra Ameriko: Nepre ĝia nomo estas Meksiko
6. Monato, Alberto García Fumero: Poŝtelefonoj pese pezaj
7. Monato, Paulo Sérgio Viana: Aŭskultu simfonion, aŭskultu la universon
8. Monato, Edmund Grimley Evans: La nova Kindlo de Amazon
9. Monato, Grigorij Arosev, Andrej Grigorjevskij: Abonu!
10. Monato, Franck Arnaud: Parto 3: Apple iPad - ĉu revolucio aŭ evolucio?
11. La Nova Testamento, La agoj 3:19
12. B. Prus, trad. Kazimierz Bein: La Faraono, vol. 2, Ĉapitro XV
13. Monato, Betty Chatterjee: Etna danino fariĝas proparolanto por islama kredantaro
14. Monato, Bardhyl Selimi: Kiam enmigras mono
15. H. Sienkewicz, trad. L. Zamenhof: Quo vadis?, 1933
16. Vikipedio, Unikodo
17. Monato, Perkomputila Tradukado: Universala Retlingvo
18. Monato, Perkomputila Tradukado: Universala Retlingvo
19. Vikipedio, Hidraŭlika-statika konvertilo
20. Monato, Jens Spillner: Kunfandiĝo de okcidento kaj oriento


ℛevo | datumprotekto | konver3.xml | redakti... | traduki... | artikolversio: 1.21 2017/11/13 21:10:13