tradukoj: be de en es fr hu id nl pl pt ru

9mesaĝ/o SPV

9mesaĝo  

TEL Informo, sendita de loko al alia: jen mesaĝo portita de Kubo al Brazilo okaze de la ŝtatestra renkontiĝo [1]; la uzantoj devas pagi monon ne nur sendante mesaĝojn, sed ankaŭ ricevante ilin [2]; per eta aparato tiun maŝinon mi povas funkciigi tra iu alia (eĉ publika) telefono en la mondo kaj aŭskulti la mesaĝojn lasitajn en la maŝino [3]; Internacia Ruĝa Kruco akceptas nur etajn mesaĝojn sur kelkliniaj formularoj [4]; nederlanda piloto ne komprenis anglalingvan mesaĝon senditan el la kanaria kontrolturo [5]; mi ekhavis unikodan retpoŝtilon kaj povis sendi al mi mesaĝojn kun belaj esperantaj supersignoj [6]; postlasi mesaĝon por la estonteco [7]; ĉiu okazaĵo en sonĝo havas iun mesaĝon aŭ averton pri nia ĉiutaga vivo [8]; la ekonomia mesaĝo estas ke la efikeco kreskas, se ĉiu povas okupiĝi pri sia specialaĵo [9]; la tri-nukleotida mesaĝo estas do ordono al la ribosomo, indikanta kiun el 20 eblaj aminoacidoj ĝi sekve enmetu en la konstruatan proteinan ĉenon [10]. VD:depeŝo, letero, sciigo

9mesaĝi

(tr)
Sendi mesaĝon ien: politikistoj interrompis siajn feriojn por mesaĝi unu al la alia pri la krizo [11]; la ĉefministro mesaĝis al la mondo, ke enkondukata estas nova erao en la japana politiko [12]; oni mesaĝis al la familianoj ĉe kiu tombejo kuŝas nekonata korpo [13]; la viro mesaĝis al retpaĝo pri sinmortigo, anoncante, ke li serĉas homojn por kunmorti kun li [14]. SIN:informi, sciigi

mesaĝisto

Transportisto de mesaĝoj: la Morto estas cetere la plej certa mesaĝisto, malgraŭ siaj diversaj okupoj [15]; la usona filmo Mesaĝisto [16]; BIO por ĉiuj tri nukleotidoj en la mesaĝista RNA estos unu laŭkode specifita aminoacido [17]. SIN:kurieroVD:sendito

retmesaĝo  

KOMP Retletero: mi ricevis retmesaĝon de nekonata al mi afrikanino [18]; preskaŭ ĉiu uzanto de Interreto ricevas multajn nepetitajn komercajn retmesaĝojn, la tiel nomatan spamon [19]; se oni ricevas retmesaĝon kun aldonita viruso, iuj emas simple alklaki la Respondu-butonon de sia poŝtilo por averti la sendinton [20].

spammesaĝo, trudmesaĝo  

KOMP Reklama aŭ propaganda mesaĝo distribuata al celatoj sen ties konsento; spamaĵo: eble vi rimarkos, ke multaj spammesaĝoj ne estas direktitaj al vi mem, sed al falsa adreso [21]; tiel la trudmesaĝoj do haltos ĉe via peranto, kaj vi ne elŝutos ilin [22].

tujmesaĝilo  

KOMPTEL Telekomunika programo, per kiu la klavado de unu uzanto tuj skribiĝas sur la ekrano de la alia kaj reciproke, ebligante samtempan dialogon: facile uzebla tujmesaĝilo inter la uzantoj ankoraŭ pli faciligas tiun interkontaktadon [23]; la tujmesaĝilo estas privata: nur viaj amikoj povas sendi mesaĝojn al vi [24].

tradukoj

anglaj

~o: message; ~i: send a message; ~isto : messenger. ~ista RNA: messenger RNA.

belorusaj

~o: паведамленьне , пасланьне, зварот; ~i: даслаць паведамленьне ; ret~o: паведамленьне электроннай пошты ; spam~o, trud~o: спам.

francaj

~o: message; ~i: envoyer un message; ret~o: e-mail, mèl, message électronique; tuj~ilo: messagerie instantanée.

germanaj

~o: Nachricht, Mitteilung, Bescheid; ~i: benachrichtigen, mitteilen; ~isto : Bote; ret~o: E-Mail; spam~o, trud~o: Spammail; tuj~ilo: Chatprogramm. ~ista RNA: Boten-RNA.

hispanaj

~o: mensaje; ~i: enviar un mensaje; ret~o: correo electrónico, mensaje de correo electrónico, correo-e, e-mail; spam~o, trud~o: correo basura, spam; tuj~ilo: mensajería instantánea.

hungaraj

~o: üzenet; ~i: üzen; ret~o: e-mail, elektronikus levél, drótposta, e-levél; spam~o, trud~o: spam, levélszemét.

indoneziaj

~o: pesan; ret~o: e-mail, posel, surel; spam~o, trud~o: spam; tuj~ilo: pesan instan.

nederlandaj

~o: bericht; ~i: een bericht zenden; ret~o: e-mail, e-mailtje; spam~o, trud~o: spambericht, spammail, spam.

polaj

~o: wiadomość, komunikat; ~i: wysyłać wiadomość , komunikować; ret~o: poczta elektroniczna, e-mail; spam~o, trud~o: spam; tuj~ilo: komunikator internetowy.

portugalaj

~o: mensagem, comunicação (oral ou escrita) .

rusaj

~o: сообщение; ~i: послать сообщение ; ret~o: электронная почта , сообщение по электронной почте ; spam~o, trud~o: спам.

fontoj

1. Monato, Sud-ameriko, 93/12
2. Liu Xiaozhe: Interreto en malfacilo, Monato, jaro 1997a, numero 8a, p. 15a
3. Monato, Will Green kondukas vin tra sia, 94/01
4. Monato, Bosnio, 93/12
5. Monato, Garbhan Macaoidh: Flugilhavaj vortoj
6. Monato, Edmund Grimley Evans: Interreto: Uniksulo ekspertas Unikodon
7. Monato, William Simcock: Britio: Jarmila kupolo en Londono
8. Monato, Reza Kheir-khah: Sonĝo: Mirinda dimensio de nia vivo
9. Monato, Roland Rotsaert: Antaŭmerkantilisma ekonomia pensado
10. Monato, Vivo: Riboj
11. Monato, Paul Gubbins: Malstulta sezono, 2011
12. Monato, Hori Jasuo: Hatojama Jukio: nova ĉefministro, 2009
13. S. Ŝtimec: Morto en Melburna tramo, Monato, jaro 1997a, numero 8a, p. 24a
14. Monato, Hori Yasuo: Forpaso-forumo, 2003
15. H. C. Andersen, trad. L. L. Zamenhof: Fabeloj, vol. 4, Turgardisto Ole
16. Monato, Hori Yasuo: Rado-brigado, 2005
17. Monato, Vivo: Riboj
18. Monato, Paul Gubbins: Retmesaĝo, petmesaĝo, 2014
19. Monato, Franck Arnaud: Kia solvo por rubpoŝto?, 2003
20. Monato, Paul Peeraerts: Kiu sendis al mi tiun viruson?, 2003
21. P. Peeraerts: Trudata reklamo: ĉu haltigebla, Monato, jaro 1998a, numero 4a, p. 14a
22. P. Peeraerts: Trudata reklamo: ĉu haltigebla, Monato, jaro 1998a, numero 4a, p. 14a
23. Monato, Paŭl Peeraerts: Ĉio en unu programo, 2007
24. J. U. Hasecke: Libera tujmesaĝilo..., libera folio, 2004-07-19


ℛevo | datumprotekto | mesagx.xml | redakti... | traduki... | artikolversio: 1.17 2020/03/23 20:10:17