tradukoj: be br cs de en fr hu mo nl no pl pt ru sv tr

^*paĝ/o [1]

^*paĝo

1.

Iu el la du flankoj de paperfolio, sur kiu oni skribas aŭ presas: tiu ĉi libro havas sesdek paĝojn [2].

2.

(figure) Skribaĵo aperanta sur iu el la flankoj de paperfolio: relegu tiun paĝon; transturni^K, transigi la paĝojn^Z.

3.

(figure) Parto de verko aŭ okazaĵaro: oni trovas admirindajn paĝojn en tiu libro; tiu kongreso enskribis tre gravan paĝon en la historion de nia afero^Z; la sveda periodo estas la plej hela paĝo de la historio de Latvolando.

4.

[3] Fizika rikordo, aro da la memorĉeloj havantaj identajn komencajn bitojn de la adreso, traktebla kiel unu tuto en iuj operacioj.

5.

[4] En TTT, logika parto de hiperteksto traktebla kiel unu tuto ĉe datumtransmeto: per rapida esploro mi trovis dekojn da retpaĝoj pri Hamurabo [5].

flavaj paĝoj

(frazaĵo) Adresaro aŭ simila listo de lokoj, informejoj...: „La Flavaj Paĝoj“, Esperanto en la Reto - kelkaj rapidaj referencoj [6].
Rim.: En multaj landoj oni presas telefonlibrojn sur flava papero. La kromnomon „flavaj paĝoj“ oni uzas do ankaŭ pri alispecaj adresaroj.

hejmpaĝo

Ĉefpaĝo de retejo, precipe de malgranda persona retejo: 1512 adresoj de 1132 personoj el 63 landoj kun ... 256 hejmpaĝoj [7]; la nombro da Esperantaj hejmpaĝoj saltis de 330 en 1998 al 788 en 2003 [8].

titolpaĝo

Iu el la unuaj paĝoj de libro prezentanta la titolon de la verko, la aŭtornomon kaj aliajn eldoninformojn: mi ... komencas rigardi la titolpaĝojn de la libroj ... kuŝantaj tie [9].