tradukoj: be br cs da de en es fr hu id la nl pl pt ru sk sv

*ret/o PV

*retoTEZ Vikipedio

1.TEZ
Plektaĵo kun grandaj interspacoj inter la fadenoj aŭ ŝnuroj: nova aparato, kiu ... konsistas el reto, plektita el facila sed fortika materialo [1].
a)
Uzata kiel kaptilo, ekzemple de sovaĝaj bestoj: (figure) lasi sin entiri en retonZ.
b)
fiŝreto: Petro iris sur la ŝipon, kaj tiris la reton al la tero, plenan de grandaj fiŝoj [2].
VD:araneaĵo, filigrano, maŝaro, teksaĵo1
2.
(figure) Io similanta tian plektaĵon: la reto de la vejnoj; la tuta lando estas kovrita per reto da fervojoj, da filioj; ŝtala reto da pafaĵoj; komputila reto.
3.
(figure) Komplikaĵo, malsimpla aŭ konfuza implikaĵo: vi estas nesperta, ĉirkaŭita per reto de intrigoj [3]; la nacioj estas preme interligataj per la reto de la interplektitaj interesoj; tiaj maljunuloj tute konfuziĝas en la malsimpla retaro de niaj modernaj vivkondiĉoj; reto da superstiĉoj kaj rutinoj. red (de relaciones)

Reto [4] (Ret) TEZ Vikipedio

AST Sud-hemisfera stelfiguro (Reticulum).

retano

KOMP Uzanto de la Interreto, „retlandano“: PGP donas al ĉiu retano ĉifron kies fortikeco timigas la usonan registaron, kiu volas spioni transliman komunikadon [5].

retejoTEZ Vikipedio

KOMP TTT-ejo: retejo ... kun informo pri internaciaj vojaĝoj [6].

retumiTEZ Vikipedio

(ntr)
KOMP Iel ajn pasigi tempon en la Interreto: por laboro aŭ plezuro; retpoŝte, navigante en TTT ktp.: retkafejo aŭ retumejo estas ejo kie oni kontraŭ pago povas retumi sur komputilo [7]; hieraŭ li retumis 3 horojn.

retumiloTEZ Vikipedio

KOMP Programa rimedo por retumi; TTT-legilo, poŝtilo ktp.: la retumilo Fajrovulpo [8]; apleto, eta programo skribita en Javo kiu ruliĝas en la retumilo kaj montriĝas en la retpaĝo mem [9].

enretigiTEZ

KOMP Enmeti en atingeblan lokon de komputila reto, alŝuti: mi registras la muzikaĵon komputere kaj poste enretigas ĝin [10].

fiŝretoTEZ Vikipedio

Reto uzata por kapti fiŝojn: ili tiras per fiŝhoko, kaptas per sia reto, amasigas per sia fiŝreto [11].

interretoTEZ Vikipedio

KOMP Aro da interkonektitaj komputilaj retoj: ofte oni parolas pri malloka reto kiam du [...] lokaj retoj estas ligitaj [...] pere de interreto [12].

InterretoTEZ Vikipedio

KOMP(komune) Esperantigita nomo de „Internet“, la plej granda el la mallokaj retoj: de komputiloj kaj komputilaj retoj (inkluzive de Interreto) dependas ŝtataj kaj administraciaj instancoj, polico, armeo, bankoj, publikaj servoj [...] [13]; nun tamen Tuvalo verŝajne iĝos ege populara [...] precipe pro ĝia nacia simbolo en Interreto, mallongigo „tv“ [14].
Rim.: Por la fakuloj „la Interreto“ estas unu speciala el multaj interretoj, tial oni uzas la artikolon (samkiel, cetere, en la angla). Tamen la publiko plej ofte tion ne konscias kaj uzas la vorton senartikole.
Rim.: Oni ofte mallongigas tiun nomon ĝis „la Reto“ (kaj en tiu formo la artikolo ne estas forigata).

latreto

HOR latkrado: klematidoj ... supreniras grimpante laŭlonge de la latreto de lia fenestro [15].

vojretoTEZ

TRA=vojaro longdistancaj biciklaj vojretoj [16].

komputila retoTEZ Vikipedio

KOMP Aranĝo de la komunika kaj komuta aparataro, protokoloj kaj programaro, kiuj arigas plurajn (aŭ eĉ multajn) komputilojn en tutecan komputan sistemon: poste tiu privata kompanio estis vendita al Novell, specialisto pri programoj por komputilaj retoj [17]; koncentrilo ĝenerale estas centra nodo de iu komputila reto [18]. SUB:loka reto, malloka reto, transita reto

loka retoTEZ Vikipedio

KOMP Komputila reto tute situanta en unu ĉambro aŭ en unu konstruaĵo: fajroŝirmilo, aŭ konektfiltrilo estas programaro aŭ aparataro, kiu ofte troviĝas inter la Interreto kaj loka reto [19]; eterreto estas kadro-bazita komputila ret-teknologio por lokaj retoj [20].

malloka retoTEZ Vikipedio

KOMP Komputila reto konektanta komputilojn geografie malproksimajn: ofte oni parolas pri malloka reto kiam du [...] lokaj retoj estas ligitaj, tian ligon teknike fakuloj kreas pere de interreto, VPN-konekto aŭ luitaj dediĉitaj datumlinioj [21].

eksterreteTEZ

KOMP Maniero labori kun esence retaj dokumentoj senkonekte (foliumi2 lokan kopion de TTT-paĝaro, prepari retpoŝtajn mesaĝojn sendotajn ĉe onta retkonekto ktp): eldono de DVD kun eksterreta versio de la tuta Vikipedio en Esperanto [22].

socia retejoTEZ

KOMP Retejo en kiu oni povas diversmaniere interrilati kun aliaj uzantoj: la retejo plej uzata por krei tiun propran komunumon ..., estas Ipernity, kiu teĥnike ne estas socia retejo, sed kiu prenis tiun rolon por multaj esperantistoj [23].

retkamerao

KOMP Kamerao konektita al Interreto: retkamerao rekte ekde la Baziliko kaj Placo de Sankta Petro de Vatikano en la oficiala retejo de la Ŝtato Vatikano [24]; en la 1990-aj jaroj aperis la unuaj retkameraoj, oni povas instali ilin en la fokuso de teleskopo, post esti foriginta la lenson [25].

retkomerco KompLeks[26]

KOMP(komune) Komercado per la Interreto: Investantoj iĝas pli kaj pli skeptikaj pri la kapablo de retservoj gajni monon per reklamado kaj retkomerco [27].

retleteroTEZ Vikipedio

KOMP Persone adresita mesaĝo sendita per komputila reto: rubletero estas iuspeca miksaĵo inter nia esperanta esprimo retletero kaj rubaĵo [28]; la ĉefa parto de la retletero en kiu troviĝas la komuniko, estas nomata la korpo de la letero [29]. TUT:retpoŝtoVD:afiŝo

retpoŝtoTEZ Vikipedio

KOMP Servo ebliganta al la rajtigitaj uzantoj interŝanĝi mesaĝojn per komputila reto: nuntempe por retpoŝto ne bezonatas poŝtmarkoj [30]; heliko estas ankaŭ nomo de la signo @ por „ĉe“, uzata en retpoŝto [31].

tradukoj

anglaj

~o: net; R~o : Reticulum; ~ano : netter, netizen; ~ejo: web site; ~umi: to surf the web; ~umilo: browser; en~igi : to place online; fiŝ~o: fishing net; inter~o: internet; Inter~o : the Internet; lat~o: trellis; komputila ~o: computer network; loka ~o: local area computer network, LAN; malloka ~o: wide area computer network, WAN; ekster~e : offline (browsing etc); socia ~ejo: social networking site; ~kamerao : webcam; ~komerco : e-commerce; ~letero: (piece of) e-mail; ~poŝto: e-mail.

belorusaj

~o b: мярэжа; ~o: сетка; ~ano : карыстальнік Інтэрнэта; ~ejo: сайт, вэб-сайт; ~umi: карыстацца Інтэрнэтам; ~umilo: браўзэр; fiŝ~o: мярэжа; Inter~o : Інтэрнэт; lat~o: рашэцістая агароджа; voj~o: транспартная сетка; komputila ~o: кампутарная сетка; loka ~o: лякальная кампутарная сетка; malloka ~o: глябальная кампутарная сетка; ~komerco : электронны гандаль; ~letero: паведамленьне электроннай пошты; ~poŝto: электронная пошта.

bretonaj

~o: rouedad.

ĉeĥaj

~o: obvod, síť (počítačová); ~ano: účastník v síti; ~umi: surfovat po internetu; en~igi: chytit do sítě; inter~o: internet; Inter~o: internet; lat~o: špalír; komputila ~o: počítačová síť; ~komerco : obchod na internetu; ~letero: elektronická pošta, elektronický dopis.

danaj

~komerco : Internethandel.

francaj

~o: filet, réseau; R~o : Réticule; ~ano : internaute; ~ejo: site internet; ~umi: surfer (sur internet); ~umilo: navigateur web, fureteur; en~igi : livrer (sur un réseau informatique); fiŝ~o: filet à poissons; inter~o: internet; Inter~o : Internet; lat~o: treillage, treillis (treillage); voj~o: réseau routier; komputila ~o: réseau informatique; loka ~o: LAN, réseau local; malloka ~o: réseau étendu, WAN; socia ~ejo: réseau social (informatique); ~kamerao : webcam; ~komerco : commerce électronique, e-commerce; ~letero: courriel (un message), e-mail (un message), message électronique; ~poŝto: courrier électronique (système), e-mail (système).

germanaj

~o b: Fischernetz; ~o: Netz; ~ano : Internetnutzer; ~ejo: Internetseite; ~umi: surfen (im Internet); ~umilo: Browser; fiŝ~o: Fischernetz; inter~o: Internet; Inter~o : Internet; voj~o: Wegenetz; komputila ~o: Computernetzwerk; loka ~o: lokales Computernetzwerk; malloka ~o: Fernverkehrsnetz, Weitverkehrsnetz, Fernnetz, Langstreckennetz; ~kamerao : Webcam; ~komerco : Internethandel, E-Commerce; ~letero: E-Mail; ~poŝto: E-Mail.

hispanaj

~o a: trampa con red; ~o b: red de pesca, esparavel, buitrón; ~o 3.: red (de relaciones); ~o: red; ~ano : internauta; ~ejo: sitio web; ~umi: navegar (por internet); ~umilo: navegador web; en~igi : entregar (por una red informática); fiŝ~o: red de pesca, esparavel, buitrón; inter~o: internet; Inter~o : Internet; voj~o: red de carreteras; komputila ~o: red de ordenadores; loka ~o: LAN, red local; malloka ~o: red de área amplia, WAN; ekster~e : sin conexión (sin internet), sin línea (sin internet); socia ~ejo: red social (informática); ~kamerao : cámara web; ~komerco : comercio electrónico; ~letero: mensaje de correo electrónico; ~poŝto: correo electrónico.

hungaraj

~o: háló, hálózat; ~ano : internetező, hálópolgár; ~ejo: hálóhely, web-hely, web-site; ~umi: internetezik, böngészik (a világhálón), szörföz (a világhálón); ~umilo: böngésző; inter~o: világháló, internet; Inter~o : Internet; lat~o: lécrács, lugasrács; voj~o: úthálózat; komputila ~o: számítógép-hálózat; loka ~o: helyi hálózat; malloka ~o: nagy kiterjedésű hálózat; ~komerco : e-kereskedelem; ~letero: elektronikus levél, e-levél, drótposta, e-mail; ~poŝto: elektronikus posta, drótposta.

indoneziaj

~o: jaring, jaringan; ~ejo: laman; ~umi: [jelajah] menjelajah, [ramban] meramban; ~umilo: [jelajah] penjelajah, [ramban] peramban; en~igi : [unggah] mengunggah; fiŝ~o: jala, jaring; inter~o: internet; Inter~o : Internet; komputila ~o: jaringan komputer; loka ~o: LAN; malloka ~o: WAN; ekster~e : luar jaringan, luring; socia ~ejo: jejaring sosial; ~letero: e-mail, pos-el, surel; ~poŝto: e-mail, pos-el, surel.

latina/sciencaj

R~o : Reticulum.

nederlandaj

~o: net, netwerk; ~ano : Internetgebruiker; ~ejo: webstek, web site; ~umi: surfen, internetten; ~umilo: bladeraar, browser; fiŝ~o: visnet; inter~o: internet; Inter~o : Internet; voj~o: wegennet; komputila ~o: computernetwerk; loka ~o: lokaal netwerk, LAN-netwerk, LAN; malloka ~o: wijd netwerk, netwerk op afstand, WAN-netwerk, uitgestrekt netwerk, WAN; ~kamerao : webcam; ~komerco : internethandel; ~letero: e-mail, e-mailtje; ~poŝto: e-mail.

polaj

~o: sieć; ~ano : użytkownik sieci (komputerowej); ~ejo: strona internetowa; ~umi: używać sieci (komputerowej); ~umilo: przeglądarka; fiŝ~o: sieć rybacka; inter~o: sieć połączonych komputerów; Inter~o : Internet; voj~o: sieć dróg; komputila ~o: sieć komputerowa; loka ~o: sieć lokalna; malloka ~o: sieć globalna; ~komerco : handel sieciowy; ~letero: list elektroniczny; ~poŝto: poczta internetowa.

portugalaj

~o: rede; loka ~o: rede local, LAN; malloka ~o: rede remota, WAN.

rusaj

~o: сеть; ~ano : пользователь Интернета, сетянин; ~ejo: сайт, веб-сайт; ~umi: бродить по Интернету; ~umilo: браузер; fiŝ~o: рыболовная сеть; inter~o: межсетевое взаимодействие; Inter~o : Интернет; lat~o: решётчатая загородка; voj~o: транспортная сеть; komputila ~o: сеть ЭВМ, вычислительная сеть, компьютерная сеть; loka ~o: локальная вычислительная сеть; malloka ~o: глобальная вычислительная сеть; socia ~ejo: социальная сеть; ~kamerao : веб-камера; ~komerco : онлайн-торговля, электронная торговля; ~letero: электронное письмо, сообщение по электронной почте; ~poŝto: электронная почта.

slovakaj

~o: rozvrhnutie, sieť, sieťka; ~ano: účastník v sieti; ~umi: surfovať po internete; en~igi: chytiť do siete; inter~o: internet; Inter~o: internet; lat~o: špalier; komputila ~o: počítačová sieť; ~komerco : obchod na internete; ~letero: elektronická pošta.

svedaj

~o: nät; ~ano : internetanvändare; Inter~o : internet; komputila ~o: datornätverk; loka ~o: lokalt datornätverk; malloka ~o: globalt datornätverk; ~letero: e-brev, e-mail; ~poŝto: e-post, e-mail.

fontoj

1. Ludoviko Lazaro Zamenhof: Fundamenta Krestomatio de la lingvo Esperanto, bagateloj
2. La Nova Testamento, S. Johano 21:11
3. B. Prus, trad. Kazimierz Bein: La Faraono, vol. 2, ĉapitro 5a
4. Galadí-Enríquez, David; Wandel, Amri: La kosmo kaj ni. Galaksioj, planedoj kaj vivo en la universo, FEL, Antverpeno, 2005
5. Vikipedio, Philip Zimmermann
6. G. van Wilgen: Usona programara entrepreno..., soc.culture.esperanto, 1997-10-09
7. Vikipedio, Retkafejo
8. Vikipedio, Esperantujo
9. Vikipedio, Servleto
10. Ĉina Radio Internacia: Retaj amaskomunikiloj..., 2006-01-06
11. trad. L. L. Zamenhof: La Malnova Testamento, Ĥabakuk 1:15
12. Vikipedio, Malloka reto
13. Monato, Stefan Maul: Militado sen bataliloj
14. Monato, Stefan Maul: Riĉa per .tv
15. A. Dumas, trad. D. Moirand: La grafo de Monte-Kristo, 2010
16. Zhong Q.: Aŭtofrakasistoj, soc.culture.esperanto, 2000-06-21
17. Monato, Roland Rotsaert: Programaro
18. Vikipedio, Koncentrilo
19. Vikipedio, Fajroŝirmilo
20. Vikipedio, Eterreto
21. Vikipedio, Malloka reto
22. Peter Baláž: Jaro 2012: Niaj atingoj kaj malsukcesoj, La Ĉinia Radio Internacia
23. T. del Barrio: Finvenkismo kaj raŭmismo en la reto, 2010-01-27
24. Vikipedio, Baziliko Sankta Petro
25. Vikipedio, Amatora astronomio
26. Komputeko
27. Edmund GRIMLEY EVANS: Interreto senpageMonato
28. Vikipedio, Spamo
29. Vikipedio, Retpoŝto
30. Monato, Filatelo: VIPE 2000, aŭ ĉu la poŝtmarkoj malaperos?
31. Vikipedio, Heliko (apartigilo)

~o: Mankas verkindiko en fonto.


[^Revo] [ret.xml] [redakti...] [traduki...] [artikolversio: 1.53 2017/08/08 14:10:13 ]