tradukoj: be ca cs de en es fr hu nl ru sk sv

*pensi/o PV

pensii  

(tr)
EKON Pagi regulan monhelpon al homo maljuna aŭ ne plu kapabla perlabori salajron: maljunuloj, ofte malbone kaj nesufiĉe pensiitaj, malfacile vivas [1]; Leo De Cooman […], pensiita civila inĝeniero [2].

Rim.: Laŭ la malmultaj ekzemploj ŝajnas, ke homoj uzas la verbon en la senco „emeritigi“, aliokaze konsekvence ili devus paroli pri „pensiata maljunulo, inĝeniero“ ktp. Aliflanke multaj ne bone distingas -ata kaj -ita. Troviĝis unu figura citaĵo en Z-a verko: skvaloj sangame-malsataj […] de mi pensiataj FK .

*pensio  

EKON Monhelpo periode pagata al homo maljuna aŭ ne kapabla perlabori salajron: invalidoj, vidvinoj kaj orfoj de l’ oficiroj postulis pension [3]; unu el la eminentaj oficiroj petis Aŭguston eksigi lin de la servo kaj lasi al li la pension FK ; emerituloj, kies salajro superas la oficialan minimuman monatan salajron […] ricevos nur bazan pension [4]. VD:rento

pensiiĝi

(ntr)
1.
Ricevi pension.
2.  
(evitinde) Pensiuliĝi: homoj vivas pli longe ol antaŭe, kaj amaso da bonedukitaj, daŭre agemaj kaj lernemaj homoj ĉiujare pensiiĝas [5]; pasintjare pensiiĝis 508 oficistoj, inter kiuj 489 ankoraŭ ne atingis sian pensian aĝon parte pro malsano [6]; Karl […] pensiiĝis en 1991 [7].

pensiulo  

EKON Homo ricevanta pension: laŭ prognozoj por la jaro 2030 estos la sama nombro de aktivuloj (salajro-gajnantoj) kaj pensiuloj kaj infanoj, kiuj profesie ne aktivas [8]; mi estas 72-jara pensiulo, loĝanta en Tokio [9]; ili ricevas 3 000 ĝis 8 000 lekojn monate per kio unu paro da gepensiuloj povas aĉeti, post pago de elektra energio kaj impostoj, nur 6 kg da viando [10]. VD:emerito

pensiuliĝi  

(ntr)
Iĝi ricevanto de pensio: iun tagon pensiuliĝis nia maljuna ĉefo [11]; en Aŭstrio viro pensiuliĝas je 60 jaroj, virino je 55 [12]. VD:emeritiĝi

tradukoj

anglaj

~i: pension; ~o: pension; ~ulo: pensioner.

belorusaj

~i: плаціць пэнсію; ~o: пэнсія; ~ulo: пэнсіянэр.

ĉeĥaj

~i: vyplácet důchod; ~o: důchod, penze; ~ulo: důchodce, penzista.

francaj

~i: pensionner; ~o: pension (argent); ~ulo: pensionnaire (touchant une pension), pensionné (subst.).

germanaj

~i: eine Pension zahlen, eine Rente zahlen, Ruhegeld auszahlen, Altersruhegeld bezahlen; ~o: Pension, Rente, Ruhegeld, Altersruhegeld; ~iĝi 1.: Rente empfangen; ~ulo: Pensionär, Rentner, Ruhegeldbezieher, Altersruhegeldempfänger; ~uliĝi : in den Ruhestand treten, Rentenempfänger werden.

hispanaj

~o: pensión.

hungaraj

~i: nyugdíjat fizet; ~o: nyugdíj; ~ulo: nyugdíjas.

katalunaj

~i: pagar una pensió; ~o: pensió; ~ulo: pensionista, pensionat; ~uliĝi: esdevenir pensionista.

nederlandaj

~i: pensioen uitbetalen; ~o: pensioen; ~ulo: gepensioneerde.

rusaj

~i: выплачивать пенсию; ~o: пенсия; ~ulo: пенсионер.

slovakaj

~i: vyplácať dôchodok; ~o: dôchodok, penzia, výslužné; ~ulo: dôchodca.

svedaj

~o: pension; ~ulo: pensionär.

fontoj

1. Monato, Hori Jasuo: Mankas mono, mankas sano
2. Dankojn, OpenOffice.org, [2010]
3. B. Prus, trad. Kazimierz Bein: La Faraono, vol. 1, ĉapitro 18a
4. Monato, Laimius Straznickas: Litovio: Ĉiea ŝparado
5. K. Fetes-Tosegi: Vintraj Tagoj, kie boacoj vagadas..., La Ondo de Esperanto, 2000:5 (67)
6. Monato, last: Peza problemo
7. Monato, Stefan Maul: Krimaj riĉuloj
8. W. Klag: Ok milionoj plus..., Monato, jaro 2001a, numero 12a, p. 11a
9. Monato, Yamasaki Seikô
10. Monato, Roland Rotsaert: Albanio: Diktaturo de impostoj
11. C. Simmonds: La (sin)mortigo, MEJ-Cirkulero, 2001:2
12. Monato, Pensoj pensiaj


ℛevo | datumprotekto | pensi.xml | redakti... | traduki... | artikolversio: 1.20 2018/02/21 21:10:31