tradukoj: cs de en fr nl pl pt sk sv

prioritat/o PIV1

prioritato  

1.  
Unua en laŭgraveca vicordo de farendaĵoj; rajto pli forta ol tiu de aliaj: ekde nun ricevos prioritaton (neglektata) en-, ne ekster-landa politiko [1]; milita taglibro de Paul Gubbins havas prioritaton kaj tiel eble forrabas spacon, kiu estus je dispono por artikolo pri lingvo de eta etno [2]; idiota kutimo kaj regulo estas tiu pri la „prioritato”: se oni hazarde malkovras en la arĥivoj nomon pli antikvan, ol tiu kiu ĝis nun estas uzata, tiu ĉi lasta devas malaperi kaj cedi lokon al la antikvulo [3]; Esperanton mi bedaŭrinde ankoraŭ ne regas, sed tio estas unu el miaj lingvaj prioritatoj en proksima estonteco [4]; ni estas toleremaj rilate ajnan seksan inklinon, tamen ni donas prioritaton al tradiciaj familioj kaj strebas propagandi familiajn valorojn [5]; tio […] donis al li la rajton ne disiĝi de la menciita muro, por cedi prioritaton al iu ajn [6]. VD:prefero
2.
Grado en laŭgraveca vicordo: la redakcia sekretario sidas antaŭ amaso da artikoloj kun prioritato 1, sed […] ne por ĉiuj estas loko en la aktuala numero [7]; prioritato: 2 [8]; prioritato: 3 [9].
VD:antaŭeco

prioritata

Unue konsiderenda, unue farenda: prioritataj taskoj [10]; per la enspezoj oni unue repagas la prioritatajn kreditorojn: impostojn, socian asekuron, dungitojn [11]; la prioritata atento estis direktita al la ekonomiaj avantaĝoj de la internacia kunlaboro [12]; vole nevole, la lernado de la angla kondukas al prioritata intereso pri la nord-amerika kulturo kaj ideologio [13].

prioritate  

Kun antaŭrajto, kun pleja graveco: li instruu prioritate la turkajn lingvon kaj skribon [14]; se homoj daŭre sin ĵetas de sur klifo, ne indas prioritate okupiĝi pri la kadavroj [15].

prioritati

1.  
(ntr)
Esti plej grava, prioritata: prioritatas la riparado de la difektita medio [16]; inter 31 tekstoj prioritatas 11 [17]; por burundanoj prioritatis paco, sekureco, libereco, justeco kaj demokratio [18].
2.  
(tr)
Dfini kiel plej grava; prioritatigi: oni […] prioritatu la tradukon de ĉiuj gravaj dokumentoj al tiuj lingvoj [19].

prioritatigi  

(tr)
Elekti kiel unue atentindan, farendan: ĉu unue certigi militan venkon kontraŭ la reakciularo aŭ prioritatigi la revolucion? [20]; [ili] ne agas en ĉi tiuj kampoj pro la neceso prioritatigi kaj pro la konsidero, ke aliaj neregistaraj organizaĵoj jam aktivas specife en tiuj kampoj [21]; la hispanaj investoj por disvolvado ĉiam prioritatigis Sud-Amerikon, anstataŭ la najbarajn sudajn landojn [22]. VD:preferi

tradukoj

anglaj

~o: priority; ~igi: prioritise.

ĉeĥaj

~o: priorita, přednost, přednostní právo; ~e: přednostně.

francaj

~o: préséance, priorité; ~a: prioritaire; ~e: prioritairement; ~i 1.: être prioritaire; ~igi: prioriser.

germanaj

~o 2.: Wichtigkeit; ~o: Priorität, Vorrang; ~a : vorrangig; ~e : vorrangig, zuerst; ~i 1.: Vorrang haben; ~igi : mit höchster Priorität behandeln, den Vorrang geben.

nederlandaj

~o: voorrang, prioriteit; ~a: voorrangs-, prioritair; ~e: met voorrang, prioritair; ~i: voorrang hebben; ~igi: voorrang geven.

polaj

~o: priorytet; ~a: priorytetowy; ~e: priorytetowo.

portugalaj

~o: prioridade; ~a: prioritário; ~i 1.: ser prioritário; ~igi: dar prioridade, priorizar.

slovakaj

~o: prednosť, priorita; ~e: prednostne.

svedaj

~o: prioritet; ~igi: prioritera.

fontoj

1. Monato, Paul GUBBINS: Taglibro de l' milito ... el la lando de Ŝekspiro
2. Monato, Stefan Maul: Ŝtopiĝo
3. Monato, Manuel Halvelik: Atentinda solvo por kompleksega problemo
4. Monato, Zlatko Tišljar: Helpi financi edukadon por eŭropa konscio
5. Monato, last: Nek publikaj, nek sekuraj
6. A. Manzoni, B. Cadei: La Gefianĉoj, FEI, 2006
7. Monato, Stefan Maul: Prioritato 1
8. Monato, Rafaela Urueña: Hispanio: Vojoj al la sankta urbo
9. Monato, Last: Vilni-plus
10. R. Corsetti, Lee C.-Y.: Kampanjo 2000, Esperanto, jaro 1997a, numero 1091a (4a)
11. Monato, Roland Rotsaert: Belgio: Lernout kaj Hauspie: revo finiĝis
12. Monato, Ivo Durwael: Bukedo de popolarto
13. Monato, Clair Mahé: La okcitana lingvo
14. Monato, Andreas Künzli: Atentinda memuaro
15. Monato, Paul Gubbins: Facilas priskribi, malfacilas preskribi
16. Federacio de Eŭropaj Verdaj Partioj: Politikaj Gvidlinioj, Ekologio, 1993
17. Monato, Renée Triolle (Reprezentanto de UEA ĉe Unesko): Novaj ideoj ĉe la ideo-laboratorio
18. Monato, Sabiyumva Jérémie/pg: Kie sukero iĝas oro
19. -: UN deklaras 2008 internacia jaro de lingvoj, pdf.iompostiom.net, 2007-05, numero 10a
20. V. Markov: La hispana intercivitana milito..., La Sago, 2006-12, numero 31a
21. Monato, Marko Naoki Lins: Bruselo-Babelo: lingvo-kulturo en Eŭropa Unio
22. Monato, Hektor Alos i Font: Eŭropo plialtigas sian drataron


ℛevo | datumprotekto | prioritat.xml | redakti... | traduki... | artikolversio: 1.10 2018/03/03 15:10:16