^*ricev/i ^UV

(tr)

1.

Vole aŭ nevole fariĝi posedanto, profitanto, spertanto, ĝuanto aŭ suferanto de io: de la patro mi ricevis libron, kaj de la frato mi ricevis plumon [1]; ni ricevos nian posedaĵon sur ĉi tiu orienta flanko de Jordan [2]; ili certe ricevos sciigojn pri la filino [3]; mi ricevis en tiu tago multajn gratulajn telegramojn kaj leterojn [4]; en malmulte da tempo via Asocio ricevis la plej favoran akcepton en nia movado [5]; mi ricevis mallaŭdon [6]; tiu urbo ricevis la nomon Coar [7]; el ĉiu milo da semoj, kiujn ni […] pacience ĵetadis en la teron, apenaŭ unu ricevis radikojn [8]; oni metis lin en malliberejon, ĝis oni ricevos precizan decidon [9]; se vi sukcesos, vi rekompence ricevos mian filinon (kiel edzinon) [10]; se vi ankoraŭ unu fojon vekos min, vi ricevos vangofrapon [11]; la skermisto ricevis multe da batoj [12]; li ricevis la bone merititan punon [13]; ricevi morton pro sia krimo [14]; kamarado Gaja ankaŭ ricevis eksigon kaj krom ĝi nur […] kvar groŝojn [15]; se mi ion enspezos, vi ĉiam ricevos la duonon [16]; oni ricevas vicon da grandegaj gramatikaj tabeloj, kiujn oni devas ellerni [17]; aldonante la prefikson ‚nen‘, ni ricevas vortojn neajn: nenia, nenial, neniam, […] [18]; vi povas ricevi ideon pri tio, kian grandegan faciligon donas al la lingvo la enmiksiĝo de konscia arto [19]; oni ja bezonas nur ekfrapi unu klavon, kaj estos ricevita tono [20]; ricevi denove sian ĝustan lokon [21]; mi ricevas kapdoloron de risortoj [22]; kvazaŭ mi tute ne manĝus, mi nur ricevis pli grandan apetiton [23]; ricevos (estos punita. pagi) vulpo por sia kulpo ^PrV ; ricevis (estis punita) bandito laŭ sia merito ^PrV . akiri, atingi, ekhavi, gajni, kolekti, rikolti

2.

Fariĝi havanta ian abstraktan econ: la argilo ricevis formon de telero; [li] denove ricevis la konscion [24]; teatramanto ofte vizitas la teatron kaj ricevas baldaŭ teatrajn manierojn [25]; liaj pensoj ricevis alian direkton; liaj ludoj nun ricevis tute alian karakteron [26]; la arbaro ricevis la plej belajn kolorojn [27]; [tiam] nia ideo ricevis sian unuan disvolviĝon [28]; la propagando ricevis de la kongreso fortan antaŭenpuŝon; [tio estas] grandega faciligo, kiun la lingvo ricevas de tia gramatiko [29]; pro tio nia progresado ricevis grandan prokraston; ni baldaŭ ricevos ŝanĝon de la vetero. akcepti, akiri, okupi, preni

3.

Detekti elsenditan signalon kaj retransformi ĝin al la enhavata informo (mesaĝo, sono, televidprogramo ktp): mi uzas la duan reflektilon por kapti elsendojn sur la satelitoj Astra 2 kaj Eurobird, ĉar tie senpage riceveblas BBC [30]; ciferecaj elsendoj kostas malpli por la elsendantoj, sed iom pli por la ricevantoj [31]; la komenco de ricevado kaj elsendado de telegrafaj mesaĝoj estas ligita al la nomoj de la italo Guglielmo Marconi kaj de la ruso Aleksander Popov [32]; en la apuda tabelo vi trovos ĉiujn senpage riceveblajn programojn [33]. sendi³

Ago ricevi; tio, kion oni ricevas: tiu virino ne foriru de ŝi sen ricevo de konsilo kaj helpo ^Marta ; post la ricevo de tiu sciigo mi sendis duan leteron [34]; [ili] manĝis oferricevojn [35]; Volter estis grandburĝo riĉa kaj ema al ricevo de honoroj [36]; trezoristo, tuj post la ricevo de la ofico, havis la devon per la propraj okuloj rigardi la riĉaĵojn [37]; saĝa estas la hundo post ricevo de l' vundo ^PrV .

Io, kion oni ricevis: la aperon de Nell kun la du porcioj de kokidaĵo oni salutis per brua aplaŭdo […], Meg estis ravita de sia ricevaĵo [38]; ĉiu havis gajan tempon pro sia senatendita ricevaĵo: gantoj, naztuko, sapo, tualetpapero […] [39]. donaco, suveniro

Kiu ion ricevu, ricevas, ricevis: ricevinto de granda akiro [40]; la ricevanto de dekonaĵoj [41]; la adreso de la ricevonto estis skribita sur la letero mem [42]; estas nur necese, ke la skribanto kaj la ricevanto havu sub la mano francan vortaron [43].

Transiri en posedon de iu: pri tio riceviĝis pluraj konfirmaj atestoj [44]; nenio valora riceviĝas senkoste [45]; en la priparolata verso, plej agrabla poezia efiko riceviĝas pro la neordinara […] vortordo [46]. rezulti, veni

Ricevi ion, kion antaŭe oni donis aŭ perdis: certe li ne rericevos la monon [47]; mi rericevis mian ekvilibron [48]; la konsciencon ŝi rericevis ankoraŭ en la sama nokto [49]; mi redonas kaŝe la aĉetaĵon kaj rericevas la monon [50]; per vi mi rericevus ĉiun esperon [51]; virinoj rericevis siajn mortintojn per revivigo [52].

Rimedo, aparato por ricevo kaj aŭskulto de radielsendoj: la plej proksima koncerto, kiun eblos aŭskulti en la 2-a programo de Pola Radio per tradicia radioricevilo […], estas titolita „Muziko de la germana baroko“ [53].

Rimedo por ricevi signalojn (televidan, interretan) de ricevo: la pelvo konektiĝu al la satelitricevilo kaj la ricevilo al la hejma televidilo [54].