tradukoj: be ca cs de en fr hu nl pt ru sk

*17tragedi/o [1]

*tragedio

1.  
TEA Teatraĵo, kun malĝoja fino, prezentanta altrangajn homojn, kies malfeliĉoj veku kompaton en spektantoj: la tragedioj de Sofoklo; Hamleto, tragedio en kvin aktoj Ifigenio ; la plej bonaj aktoroj en la mondo, por tragedioj, komedioj, historioj, pastoraloj, pastoralaj komedioj, historio-pastoraloj, tragedio-historioj, tragedio-komedio-historio-pastoraloj, por dramoj sendividaj kaj por poemoj senfinaj Hamlet ; gaja kaj ĝojiga historio, komencita per edziĝfesto, subite tragediiĝas: forpasas amata senkulpa filo de la protagonisto [2]; post la verkado de „La tragedio de kokino“ la aŭtoro reiris al Rusio, kiu ŝanĝiĝis al Sovetio dum lia restado en fremdaj landoj[3].
2.  
(figure) Terure malfeliĉa okazaĵo: la terura tragedio de la mondmilito; jen la vera kaŭzo de hodiaŭa milito sanguma kaj de ekstrema tragedio de la albanoj de Kosovo[4]; la sinteno de la internacia komunumo al la bosnia tragedio renversis ĉiujn niajn akceptitajn ideojn pri la mondo, pri Eŭropo kaj niaj najbaroj [5]; personaj tragedioj: sinmortigojn, disŝiritajn familiojn, perdon de talentoj [6].

*tragedia

1.
Rilata al tragedio: Eŭripido (eble 486 a.K. - 406 a.K.) estis helena tragedia poeto, post Esĥilo kaj Sofo [7].
2.  
Terure malfeliĉa: tragedia morto; mi neniam supozus, ke la momentoj, kiujn vi pasigis sub mia nomo, tiel tragedie finiĝos IK ; tiaj sopiroj, kiuj kaŝitaj, forpremitaj al la fundo de la brusto, tamen ĉiam releviĝas, enverŝante en la orelon de virino-patrino la simplan, teran, trivialan, sed tamen tragedian, minacan, trudiĝeman, ŝirantan krion: panon! laborakiron! Marta ; la tragedia periodo de amasa ekzilado de ĉeĉenoj fare de Stalin [8]. SIN:tragika

tradukoj

anglaj

~o: tragedy; ~a: tragic.

belorusaj

~o: трагедыя; ~a 1.: трагедыйны; ~a 2.: трагічны.

ĉeĥaj

~o: tragedie; ~a: tragický.

francaj

~o: tragédie; ~a: tragique.

germanaj

~o 2.: Unglück, Unheil; ~o: Tragödie; ~a 2.: tragisch, unheilvoll, unselig, erschütternd.

hungaraj

~o: tragédia; ~a 1.: tragédia-; ~a 2.: tragikus.

katalunaj

~o: tragèdia; ~a: tràgic.

nederlandaj

~o: tragedie; ~a: tragisch.

portugalaj

~o: tragédia; ~a: trágico.

rusaj

~o: трагедия; ~a 1.: трагедийный; ~a 2.: трагический.

slovakaj

~o: nešťastie, tragédia, trúchlohra; ~a: tragický.

fontoj

1. L. L. Zamenhof: Fundamento de Esperanto, Grammaire, 15.
2. Monato, Firdaus Shukurov: Filmfestivalo en Taĝikio
3. Spomenka Ŝtimec: El la japana tra la ĉina (V. Eroŝenko, Cikatro de amo), Monato, jaro 1997a, numero 3a, p. 21a
4. Bardhyl Mezini: La vera kaŭzo de la milito, Monato, jaro 1999a, numero 5a, p. 12a
5. Monato, La Fino de la Mondo komenciĝas en Sarajevo
6. Monato, Kanado
7. Vikipedio, Eŭripido
8. Monato, Alexander Gofen: Brave, prezidanto Putin!


ℛevo | datumprotekto | traged.xml | redakti... | traduki... | artikolversio: 1.26 2018/08/10 06:10:14