^*arm/o ^UV

(tr)

1.

Provizi per rimedoj taŭgaj por batali respektive protekti sin: armi soldatojn per pafiloj; sur la stratoj videblis armitaj soldatoj kaj policanoj [1]; kampuloj armitaj per falĉiloj [2]; soldatoj armitaj ĝisdente [3]; (figure) sin armi kontraŭ la tuta maro da mizeroj [4]. armeo

2.

Plifortigi per diversaj rimedoj, subtrabaĵo, laŭcela ilo, kc: konstruo el armita betono; observi la planedon per nearmita (nuda, senlorna) okulo [5].

(arkaismo)

Armilo: ne servas larmo anstataŭ armo ^PrV .

Rim.: Tia uzo de la vorto armo estas tre malofta, kvankam Zamenhofa.

Ĉiuspeca ilo, uzebla por atake vundi, mortigi, detrui, minaci pri tia atako, aŭ defendi kontraŭ ĝi: prenu ŝildon kaj armilojn, kaj stariĝu, por helpi min [6]; prenu do nun viajn armilojn, vian sagujon kaj vian pafarkon, kaj iru sur la kampon kaj ĉasu por mi ĉasaĵon [7]; ili donos armilojn en la manojn de niaj malamikoj [8]; iris kun David ĉirkaŭ kvarcent viroj, kaj ducent restis ĉe la armilaro [9]; (figure) aplombaj mensogoj estas iliaj preferataj armiloj. batalilo

Rim.: Armiloj servas precipe por batali, sed ankaŭ por ĉasi kaj fizike ekzerciĝi.

Tuto de la armiloj.

a)

Kolekto de la armiloj de grupo de soldatoj aŭ armeo: iris kun David ĉirkaŭ kvarcent viroj, kaj ducent restis ĉe la armilaro [10]; la prezidanto Obama anoncis la 12-an de februaro 2013 novan redukton de la usona nuklea armilaro [11]; (figure) vane ŝi provis la tutan armilaron de amaj ruzoj, kiuj ĉiam sukcesas, kiam ilin uzas amata virino [12]. arsenalo

b)

Tuto de armiloj kaj armaĵo portataj de homo: kaj hodiaŭ la regiono estas superplenigita de la policanoj en batalhelmoj kaj kun plena armilaro [13]; ĉiu homo en tiu armeo, [...] eĉ ĝis la plej malgrava el ĉiuj soldatoj, portas kompletan armilaron [14]; (figure) surmetu la tutan armilaron de Dio, por ke vi povu kontraŭstari al la artifikoj de la diablo [15].

Provizejo de armiloj: Ĥizkija […] montris al ili sian trezorejon […] kaj sian tutan armilejon [16]; via kolo estas kiel la turo de David, kiu estas konstruita kiel armiltenejo [17]. arsenalo

1.

Armilo, portata por ŝirmi la korpon: stariĝu en kaskoj, akrigu la lancojn, surmetu sur vin armaĵojn [18]. ŝirmarmokiraso, ŝildo

2.

Malmola kovraĵo, ekzemple metala, servanta por fortikigi kablon kaj protekti ĝin kontraŭ meĥanikaj damaĝoj.

Forigi la armilojn de iu aŭ io: la demando pri ĝenerala malarmado (malarmiĝo); la Azianoj senarmigis ilin sen kontraŭstaro [19]; fine ili estis venkitaj de la superforto, malarmitaj, metitaj en katenojn kaj trenitaj for [20]; (figure) li sin tenis tiel sincere, tiel modeste kaj afable, ke li senarmigis min (mi tute fidis lin, perdinte ĉian kontraŭstaron, singardon) [21].

armaĵo

Armilo destinita por fari grandskalan damaĝon al la personaro aŭ al la posedaĵoj de la kontraŭulo: origine Bush asertis, ke la buĉisto de Bagdado posedas amasdetruajn armilojn (kemiajn, biologiajn kaj baldaŭ nukleajn) kaj tial oni devas militi, por neniigi tiujn batalilojn [22].