ekspertiz/i ZR PV

ekspertizi  

(tr)
Komisie esploritaksi iun aferon, kiel faka spertulo, ekz-e kadre de kazo jura, asekura ks: la registaro […] nomumis alian komisionon, kies tasko estis ekspertizi, kiel stabiliga fiska politiko de la registaro kaj parlamento kompensu la perdon de la monpolitiko de la ŝtata centra banko [1]; oni priskribis, kiel okazis ĉiu unuopa el la 77 mortigoj […] kaj oni ekspertizis pri la dekstrega ideologio, kiu motivis la atencojn [2]; junaj muzeanoj volonte rezignas pri interesa okupo ekspertizi historiajn objektojn kaj unu post alia forlasas la muzeojn [3].
1. Monato, Bo Sandelin: Svedoj balotis kontraŭ eŭro, 2004
2. Monato, Douglas Draper: Freneza, ne; celkonscia, jes., 2012
3. Monato, Mu Binghua: Senmonaj muzeoj, 2005
angle:
appraise, examine, survey
beloruse:
рабіць экспэртызу
ĉeĥe:
provést expertizu, znalecky vyšetřit, zpracovat expertizu
france:
expertiser
germane:
begutachten
hungare:
szakértői vizsgálatot folytat, szakvéleményez
katalune:
peritar, avaluar, examinar
pole:
przeprowadzać ekspertyzę
portugale:
fazer vistoria, examinar (por meio de peritos)
ruse:
производить экспертизу
slovake:
odborne preskúmať, posúdiť

ekspertizo  

Fakula esploro aŭ taksado de iu afero laŭ mendo de institucio aŭ kompanio: letero de la rektoro de Justo al la Scienc-Esplora Konsilio ĉe Rusia Supera Tribunalo kun propono okazigi internacian ekspertizon [4]; ekspertizo por la usona parlamento pri la planata raketprotekto konkludas, ke la sistemo ne funkcias [5]; la germana ministrejo pri trafiko mendis ekspertizon pri la eblo konstrui tian trafikilon [6].
angle:
appraisal, examination, survey
beloruse:
экспэртыза
ĉeĥe:
expertiza, znalecký nález, znalecký posudek
germane:
Gutachten, Expertise
hebree:
מומחיות
hispane:
esperticia
hungare:
szakértői vizsgálat, szakvélemény
katalune:
peritatge, avaluació
pole:
ekspertyza
ruse:
экспертиза
slovake:
dobrozdanie, znalecký posudok

ekspertizisto  

Profesia komisiito pri pretigado de ekspertizoj: sinjoro Proŝek ĉirkaŭiradas la belajn ĉevalojn […] kaj observas per ekspertizista okulo iliajn korpojn kaj jungilojn [7]; [oni] informis la du ekspertizistojn de la disertaĵo kaj la super-regionan ĵurnalon [8]. VD:fakulo, specialisto, eksperto, kompetentulo, sciencisto, spertulo
Rim.: Ekspertizisto estas dungita por esplori demandon (ofte rilatantan kun justico, asekuroj, arto...), dum eksperto estas spertulo, kies konsilon oni volonte petas, sed malpli formale kaj en sferoj pli vastaj. [MB]
7. B. Němcová, trad. V. Tobek kaj K. Procházka: Avineto, [sen dato]
8. Monato, Reinhard Fössmeier: Fino de ministreco: kroniko, 2011
angle:
expert, surveyor
beloruse:
экспэрт
ĉeĥe:
odborník, specialista, znalec
france:
expert
germane:
Sachverständiger, Gutachter
hebree:
מוּמחֶה
hispane:
experto
hungare:
szakértő
katalune:
pèrit, avaluador
pole:
biegły, ekspert, znawca, rzeczoznawca, specjalista
ruse:
эксперт
slovake:
expert, odborník, znalec

administraj notoj