*infekt/i

*infekti

(tr)
1.
MED Komuniki al iu ĝermojn de malsano: tiu ĉi malsano infektis jam multajn urbojn [1]; unu sola malsanulo infektis en kanada urbo Toronto centojn da homoj [2]; ili rezulte de senordaj amoraj kontaktoj riskas infektiĝi je aidoso kaj reveninte al siaj familioj povas infekti edzinojn [3]; la viruson kunportas la migrantaj birdoj, kaj ili infektas bredejajn kortobirdojn [4]; infekti homojn per prionoj rezulte de uzado de sango [5]; unu fava ŝafo tutan ŝafaron infektas PrV . VD:kontaĝi
2.
(figure) Komuniki malvirton aŭ malbonaĵon: la senkulpan animon de la infano ili infektas per la plej groteskaj mensogoj [6]; per la frenezaĵoj de la plej diversaj erardoktrinoj mi infektis la puran publikan vivon [7]; [ĝi] infektis vin per la manio fariĝi granda homo [8]; korporaciaj skandaloj infektas ĉiun nivelon de la registaro [9]; li juĝis la grandan malĉastistinon, kiu infektis la teron per sia malĉasteco [10]. VD:korupti2, skui3, veneni
3.
(figure) Komuniki kaj plivastigi iun ajn kutimon, senton aŭ pensmanieron: ŝia laborĝojo infektis ankaŭ la servantojn [11]; la saluta frenezo baldaŭ infektis ankaŭ la ŝipon de l' kronprinco: la oficiroj, soldatoj kaj remistoj, kunpremitaj en unu amason, vete kriis [12]; la vigla etoso de la kajuto infektis min kaj igis min entreprenema [13]; ne mirinde, ke lia stato teruris ― ke ĝi infektis min [14]. VD:inokuli, inspiri
1. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
2. Monato, Stefan Maul: Propagando danĝera, 2003
3. Monato, Vladimir Lemelev: Afriko kaj aidoso, 2004
4. Monato, Thierry Tailhades: Gurdado de onidiroj, 2006
5. Monato, Vladimir Lemelev: Nova etapo en biologio kaj medicino, 2006
6. Sándor Szathmári: Vojaĝo al Kazohinio, Dekunua Ĉapitro
7. Sándor Szathmári: Vojaĝo al Kazohinio, Deksepa Ĉapitro
8. Frederiko Schiller, trad. L. L. Zamenhof: La rabistoj, Akto Tria
9. Monato, Elson B. SNOW: Dio, benu Usonon! (2), 2003
10. La Nova Testamento, Apokalipso 19:2
11. Stellan Engholm: Homoj sur la tero, Heredanto
12. B. Prus, trad. Kazimierz Bein: La Faraono, vol. 1, ĉap. 17a.
13. Hjalmar Söderberg, trad. Sten Johansson: La Kiso kaj dek tri aliaj noveloj, La Sakramento De La Komunio
14. E.A. Poe, tr. Edmund Grimley Evans: La falo de la domo Usher, Sezonoj, 2002
angle:
 infect
ĉeĥe:
 infikovat, nakazit něčím, zanést choroboplodné zárodky
france:
 infecter, contaminer (infecter)
germane:
 anstecken, infizieren
hispane:
 infectar
hungare:
 fertőz, megfertőz
indonezie:
 menginfeksi
malaje:
1. menjangkiti (perubatan)
nederlande:
 aansteken, infecteren
portugale:
1. infeccionar (medicina), contaminar (medicina), contagiar (medicina) 2. contaminar (figurado) 3. contagiar (figurado)
ruse:
 заразить 1. заразить, инфицировать
slovake:
 infikovať, nakaziť
taje:
1. ทำให้ติดเชื้อ
ukraine:
 заражати, інфікувати

infekto, infektado

MED
Invado de mikroboj en organismon; rezultanta stato: infekto de lepro [15]; mi havas ĉiujn simptomojn de infekto [16]; la progreso de l’ malsano fariĝis rapida, kiel ordinare okazas post la ĥirurgiaj infektoj [17]; infekto, ĉu bakteria, ĉu virusa [18]; hantovirusa infekto [19]; infektado per patologiaj prionoj [20]; la ĝustan diagnozon de HIV-infekto oni povas meti nur post laboratoriaj esploroj [21]; KOMP tiu viruso sendas kopiojn de si mem al ĉiuj retadresoj, kiujn ĝi povas trovi en la infektita komputilo [22]. LST:malsano
ĉeĥe:
 infekce, infektování
france:
 infection, contagion
germane:
 Ansteckung, Infektion
hispane:
 infección
hungare:
 fertőzés
indonezie:
 infeksi
portugale:
 infecção
ruse:
 инфекция, зараза
slovake:
 infekcia
taje:
 การติดเชื้อ
tibete:
 འགོས་ནད་
ukraine:
 зараза, інфекція

*infekta

1.
MED Rilata al infekto; kaŭzita de infekto; kaŭzanta infekton: post infekta malsano oni ofte bruligas la vestojn de la malsanulo [23]; la juna kuracisto paliĝis, rekonante la timindajn simptomojn de l’ infekta peritoneito [24]; infekta epidemio [25]; tiu infekta infuzaĵo, en kiu senbride orgias baciloj kun mikroboj, kaj kiun en Marseille vi nomas akvo [26]! infektaj proteinaj partikloj estas kapablaj reproduktiĝi sen partoprenado de DNA aŭ RNA [27].
2.
(figure) Kapabla infekti3: la interkomunikiĝo estas infekta, ŝi diris, nun la kelneroj eĉ volas esti kavaliroj [28]; infekta ridado.
23. L. L. Zamenhof: Fundamento de Esperanto, Ekzercaro, §39
24. Henri Vallienne: Ĉu li?, Ĉapitro Dua
25. Sándor Szathmári: Vojaĝo al Kazohinio, Dekunua Ĉapitro
26. Raymond Schwartz: La puto de Paupelèche, La Nica literatura revuo, 2:6
27. Monato, Vladimir Lemelev: Nova etapo en biologio kaj medicino, 2006
28. Ludoviko Lazaro Zamenhof: Fundamenta Krestomatio de la lingvo Esperanto, Fundamenta Krestomatio de la lingvo Esperanto
ĉeĥe:
 infekční, nakažlivý
france:
 infectieux, contagieux
germane:
 ansteckend, infektiös
hungare:
 fertőző
nederlande:
 besmettelijk
portugale:
 infecto, contagioso
ruse:
~a malsano: заразная болезнь, инфекционное заболевание. 1. заразный 2. заразительный
slovake:
 chytľavý, infekčný
tibete:
 འགོས་ནད་ཅན་
ukraine:
 інфекційний, заразний, заразливий

infektaĵo

MED
1.
Infektantaĵo, substanco entenanta mikrobojn, kiu kaŭzas infektan malsanon: [se] la infektaĵo estos verdeta aŭ ruĝeta […], tiam ĝi estas infektaĵo de lepro [29]; liajn doktrinojn [ili] nomis infektaĵo kiu renversas la civilizacion [30]; la akuzito intencis devojigi la animojn de la junuloj […] kaj puŝi ilin al malhonora infektaĵo [31].
2.
PIV1 Infektitaĵo, parto de organismo, kiu estas infektita.
france:
1. agent infectieux
germane:
1. (Krankheits-)Keim
hungare:
1. fertőző anyag 2. elfertőződött rész
nederlande:
1. smetstof
ruse:
1. зараза 2. заражённое место

malinfekti, seninfektigi

(tr)
MED
Detrui la malsanigajn ĝermojn, forigi la infektajn kaŭzojn: malinfekti vestojn, apartamenton. SIN:desinfektiVD:imuna, antisepsa
france:
 désinfecter
germane:
 desinfizieren
hispane:
 desinfectar
hungare:
 fertőtlenít, dezinficiál
nederlande:
 ontsmetten
portugale:
 desinfetar
ruse:
 дезинфицировать
ukraine:
 дезинфікувати

administraj notoj

mal~i, sen~igi: Mankas fontindiko.
mal~i, sen~igi: Mankas fonto, kiu estas nek vortaro nek terminaro.