^*korb/o

1.

Portebla ujo el kunplektitaj vergetoj, metalfadenoj aŭ similaj, por enteni diversajn objektojn: korbo kun macoj [1]; korbo da vino [2]; la lastajn korbojn kun la fiŝoj oni elportis el la barkoj [3]; li havis […] sur la dorso korbon kun instrumentoj [4]; ili portis plenegan portokorbon sur la dorso [5]; li turnis sin al la palisandra tablo, sur kiu […] staris la arĝentaj korboj ^Marta ; senorde ŝi ĵetis en la korbon la muslinon kaj la puntojn [6]; li ligis sian pakon, prenis sian manĝaĵkorbon kaj ekiris laŭlonge de la dunoj [7]; rigardu supren al la lanternkorbo [8]; veturi supren en transportkorbo el la ŝakto de la minejo [9]; pano estas alportita, korbo estu forĵetita (ni ne bezonas plu tiun, kiu jam faris al ni servon) ^PrV .

2.

Golejo en la formo de pendanta korbo uzata en korbopilkado; ĝi estas muntita sur la stango kun tabulo kaj konsistas el korboringo kaj korboreto.

Iama formo de abelujo kun pajla tegmento en formo de renversita korbo: Patrino helpis Patron pri la abeloj, pretigante novan abelkorbon, apud la granda kaŝtanarbo, por enmeti la svarmon [10].

Korbo kun tenilo, en kiun oni kolektas aĉetaĵojn: ŝia domservistino penegis por plenigi la bazarkorbon [11].

Korbo aŭ kesto, en kiun oni kolektas kaj tenas lavotajn tolaĵojn: ŝovinte la manon en la lavaĵkorbon […] [12].

Rubujo; korbo por forĵetata papero: [li] subite demetas sian protezan dentaron kaj ĵetas ĝin en la paperkorbon [13]; ĉu Edgaro ne plu sendadas al la redakcio siajn poemojn? – ne li aĉetis propran paperkorbon kaj memstarigis sin [14].