*provinc/o PV

*provinco

1.
POL Vasta administra teritorio de regno, regata de reprezentanto de la centra registaro, pli granda ol gubernio: la tuta provinco de Babel [1]; de tie [ni veturis] al Filipi, kiu estas kolonio, ĉefurbo de la Makedonuja provinco [2]; li devis ellerni parkere ĉiujn urbojn en la provinco Zelando [3]; Taishan“, la unua el kvin famaj montoj, sin trovas en la meza parto de Shandong-provinco [4]; vilaĝo en la zairia provinco Sud-Kivu [5]; Nova Skotio, provinco ĉe la atlantika marbordo de Kanado [6]; kun la provinco Holando ĉe la gvido, ili post plurjaraj bataloj abortigis la aneksajn pretendojn de la hispana reĝo [7].
2.
Cetero de la lando, kontraste al la ĉefurbo: izolitaj esperantistoj el la provinco; li estas nelerta kaj naiva provincano [8]; ĉu via patrino neniam estis en Romo? — ne, Sinjoro, respondis la provincano, sed mia patro ofte tie ĉi estadis FK .
1. trad. L. L. Zamenhof: La Malnova Testamento, Ezra 7:16
2. La Nova Testamento, La agoj 16:12
3. H. C. Andersen, trad. L. L. Zamenhof: Fabeloj, vol. 2, Malgranda Tuk
4. Li Qiang, Zhang Meizhi, trad. Fan Yizhu, Xu Senrong: Enciklopedieto de Ĉinio, ĉapitro „Kvin famaj montoj“, p. 52a
5. S. Zandandu Ntomono Zola: Kiu respondecas?, Monato, jaro 1997a, numero 5a, p. 8a
6. S. Norvell: Ĉu ankaŭ genoj responsas pri melanomo?, Monato, jaro 1997a, numero 7a, p. 14a
7. S. Derevjanniĥ: Atrakcio por lingvoŝatantoj?, Monato, jaro 2001a, numero 11a, p. 30a
8. L. L. Zamenhof: Fundamento de Esperanto, Ekzercaro, § 37
angle:
province
beloruse:
правінцыя ~ano: правінцыйнік, правінцыял
ĉeĥe:
provincie, venkov
france:
province
germane:
Provinz
hungare:
1. tartomány, provincia 2. vidék (a fővárossal szemben)
katalune:
província
nederlande:
1. provincie 2. platteland
perse:
استان، ایالت
portugale:
1. província
ruse:
провинция 1. область ~ano: провинциал
slovake:
provincia, vidiek
tibete:
མངའ་སྡེ་

provinca

1.
Rilata al provinco: li fine trovis lin en la malliberejo de provinca urbeto FK ; unu el tiuj vastegaj kuirejoj provincaj, kiajn Parizanoj neniam konis KPr ; nur en la ĉefurbo ekzistas ja bon-tono kaj ne ekzistas provincaj anseroj [9]; tie, en la provinca ĉefurbo estas fama tombejo [10].
2.
(figure) Nemoderna, neeleganta: provinca modo, manieroj; urbo kun provinca etoso kaj neriĉa loĝantaro [11]; rapide [li] deĵetis siajn vestojn kaj kovris sin per la dika, provinca plumaĵo, [sub kiu] baldaŭ li ekdormis KKr . VD:primitiva, simpla1.c
9. N. V. Gogol, trad. L. L. Zamenhof: La Revizoro, Akto kvara
10. S. Štimec: Hejmo en Mezeŭropo, Monato, jaro 1996a, numero 1a, p. 20a
11. La Ondo de Esperanto, Notoj
angle:
provincial
beloruse:
2. правінцыйны
ĉeĥe:
venkovský
france:
provincial
germane:
2. provinziell
hungare:
1. tartományi 2. vidéki, provinciális
katalune:
1. provincial 2. rústec
nederlande:
1. provinciaal 2. bekrompen
ruse:
1. областной 2. провинциальный
slovake:
vidiecky

*provincestro

POL Reganto de provinco komisiita de la ŝtato: nia provincestro estas severa, sed justa [12]. ili ligis lin, kaj forkondukis lin kaj transdonis lin al Pilato, la provincestro [13]. SUB:prokuratoro
angle:
provincial governor
ĉeĥe:
představitel provincie
france:
gouverneur
germane:
Provinzvorsteher
katalune:
governador (provincial)
perse:
استاندار
slovake:
správca provincie

administraj notoj