^*seg/i ^UV

(tr)

Tranĉi malmolan materion per ŝtala klingo provizita per dentoj: per hakilo ni hakas, per segilo ni segas [1]; segi lignon [2]; sur la ŝipo oni dum la tuta antaŭtagmezo martelas, najlas, segas [3]; oni hakis, oni segis, ― oni konstruis triferdekulon [4]; li ekvidis virinon, kiu sola segis hejtlignon [5]; ni segis la arbojn kaj flosigis ilin malsupren sur la rivero [6]; (figure) mi interne, sekrete, ronĝis, ronĝadis min per la dentoj, segis kaj suĉis min tiel, ke la amaro fine transformiĝis al iu malhonora damninda dolĉo [7].

Defalaĵo de segado konsistanta el ligneretoj: specialistoj komencis plenigi la internon de l' mortinto per forte odorantaj herboj, segaĵoj, kaj eĉ ili verŝis tien odorajn arbajn sukojn, seninterrompe preĝante [8]; la cirko, priverŝita per lumo, ekde trapezoj, fiksitaj sub la plafono ... ĝis freŝaj segaĵoj, kovrantaj la arenon, — estis sub la potenco de la elektraj lustroj, semantaj gajan ekstazon [9]. rabotaĵo, splito¹

Loko kie oni segas krudan lignon, faras tabulojn: ni ricevos lignon de la segejo, se ni kontrakte promesas liveri al li samvaloran kvanton da trunkoj [10]; la tabuloj […] venintaj de la segejo en la sama tago, tamen estis palpebla realaĵo [11]; la avineto elektis vojon sub deklivoj laŭlonge de la rivero ĝis la segejo [12].

Ilo destinita por segi: mi prenis segilon, kiu estas en la ŝipo, kaj segis maston en tri longaĵojn, kaj ili multe fortikigis la floson [13]; multekostaj ŝtonoj, ĉirkaŭhakitaj laŭmezure, segitaj per segilo [14]; ronka spirado sonadis […] simile al grincado de segilo ^Marta ; Viktoro singarde eksidiĝis sur unu el traboj kiuj formis la trabaĵon, dismetis sian segilon, kaj ŝovis la ŝtalan platon sub la tabulojn, metinte supren la segildentojn [15]; mi prenas ĉi tiun malgrandan diskosegilon elektran, nun mi tranĉas la haŭton sur la tempio, […] kaj la okulo facile eliĝas per kelkaj tranĉoj, antaŭe per mansegilo tiu ĉi laboro daŭris kvin minutojn [16]. dento