tradukoj: be bg br cs de en es fr he hu nl pl ru sk vo

^*bak/i [1]

^*baki

1.

Malmoligi per varmo en cindro aŭ forno.

a)

Kuiri varmigante en cindro aŭ forno: baki panon, kukon, viandon; ili bakis macajn platpanojn [2]; mi bakis sur ĝiaj karboj panon [3]; ŝi prenis paston, knedis ĝin, preparis antaŭ liaj okuloj kaj bakis la kuketojn [4]; oni ekbruligadis la fajron kaj kiam la varmega cindro kuŝis alte kaj ardante oni bakadis en ĝi la panon [5].

b)

Malmoligi objekton el argilo aŭ simila tero per forta varmigo: baki brikojn, potojn.

2.

(figure) Verki ion, prepari kaj elfari ion: projektoj en rapideco kaj sen sufiĉa pripenso elbakitaj [6];

bakaĵo

Ĉia objekto, kiun oni bakis.

a)

Manĝaĵo, kiun oni bake kuiris: prilaboraĵoj en formo de faruno ... pano, bakaĵo kaj farunaĵo de diversaj specoj [7].

b)

Vazo aŭ alia argilaĵo malmoligita per bakado.

bakisto

Iu, kiu profesie bakas.

bakujo

Varmimuna kavaĵo en kiu oni bakas:

a)

Malfermebla kesto en bakforno, en kiu oni bakas viandon, kukojn kaj aliajn.

b)

Profunda, mallarĝa volba masonaĵo, en kiu oni bakas panon, potojn...

freŝbakita, freŝe bakita

(figure) Ĵus fininstruita, ankoraŭ ne sperta pri iu temo: la freŝe bakita abituriento ... povis sin imagi librosperta erudito [8]; balo de freŝbakitoj [9]. flavbekulo, novico²

  aldonu bakejo.