1biologi/o PV

biologio

1.
BIOSCI Scienco pri la fenomenoj de la vivo kaj la diversaj vivaĵoj; naturhistorio: biologio de la bestoj [1]; li do enskribiĝis en universitato por studi biologion [2]; molekula biologio [3]; eksperimenta zoologia biologio [4];
2.
La aspekto de vivaĵo aŭ natura medio el vidpunkto de biologio1, kontraste al neorganikaj aŭ sociaj aspektoj: virina biologio taŭga por koncipi, akcepti kaj zorgi pri alia estaĵo estas prenita de la kulturoj, por devigi la virinojn […] kiel servistinoj [5]; tiu tradicio de naturalismo […] tendencas redukti la homan kondiĉon al biologio [6]; la homa biologio evoluis kiel adapta meĥanismo al kondiĉoj, kiuj grandparte ne plu ekzistas [7].
angle:
biology
beloruse:
біялёгія
bulgare:
биология
ĉeĥe:
biontologie
ĉine:
1. 生物学 [shēngwùxué]
france:
biologie
germane:
Biologie
hebree:
ביולוגיה
hispane:
biología
hungare:
biológia, élettan
indonezie:
biologi
japane:
生物学 [せいぶつがく]
nederlande:
biologie
pole:
biologia, przyroda (pot., uczniowskie)
ruse:
биология
slovake:
biológia, biontológia
svede:
biologi
ukraine:
біологія

biologia

1.
Rilata al biologio1: lingvo, do estas regata de sociologiaj kaj ne de biologiaj leĝoj [8]; biologiaj esploroj pruvis, ke la praloĝantoj de nia insulo ĉiuj estis behinoj [9]; pri la biologia aspekto de la insuloj Tajvano kaj Jaejama aperis la verko […] La Vojaĝo al Sudaj Insuloj [10]; Egami lekciis pri „Neorganika Biologia Kemio de Nitrogeno“ [11].
2.
Koncernanta la fenomenojn esploratajn de biologio, la vivaĵojn, kontraste al neorganika naturo aŭ al sociaj fenomenoj: biologia patrino (kontraste al adopta aŭ via patrino) [12]; persono kies biologia sekso diferencas de la psika/socia sekso [13]; anstataŭ serĉi la universalon en biologia naturo, lastatempa […] la sociaj sciencoj kaj homstudoj fokusiĝas sur tio kion dividas ĉiuj homoj ĉirkaŭ la terglobo [14]; protekti la biologian diversecon de la Jangzi-rivero [15]; scienca esploro konkludis ke ekzistas risko pri biologia kaj neŭra damaĝo rezulte de mikroondaj radiadoj [16]; Usono eĉ liveris la ĥemiajn kaj biologiajn armilojn, per kiuj Irako tiutempe povis batali [17].
Rim.: Ne uzu la vorton en la senco ekologia, natureca.
beloruse:
біялягічны
germane:
biologisch
indonezie:
biologis
japane:
生物学的 [せいぶつがくてき]

biologiisto

BIOSCI Fakulo pri biologio; biologo: kiam unu el la amikoj de la biologiisto Trofim Lisenko prezentis sian kandidaton al la Akademio de scienco, Andrej Saĥarov denuncis la politikon, kiu tro influis la sciencon [18].
angle:
biologist
beloruse:
біёляг
bulgare:
биолог
france:
biologiste
germane:
Biologe
hebree:
ביולוג
hispane:
biólogo
hungare:
biológus
indonezie:
biolog, ahli biologi
nederlande:
bioloog
pole:
biolog
ruse:
биолог
slovake:
biológ
svede:
biolog

astrobiologio

ASTBIO Esplorado pri eblaj vivaĵoj en la kosmo, similaj aŭ malsimilaj al la teraj: inaŭguro de la Centro de Astrobiologio [19].
19. D. Rodriguez: David Galadi en hispana TV, sce, 2003-01-19
angle:
astrobiology
beloruse:
астрабіялёгія
ĉeĥe:
astrobiologie
france:
exobiologie
indonezie:
astrobiologi
slovake:
astrológia

molekula biologio

BIO Parto de biologio kiu esploras la molekulajn okazaĵojn en vivulaj ĉeloj: atingoj de genetiko kaj molekula biologio pliriĉigis la teorion de evolucio [20].
angle:
molecular biology
beloruse:
малекулярная біялёгія
france:
biologie moléculaire
indonezie:
biologi molekuler
japane:
分子生物学 [ぶんしせいぶつがく]

nervobiologio

BIO Neŭrobiologio: nervobiologio […] estas la scienco kiu studas la ĉelojn de la nerva sistemo [21].
21. -: Neŭroscienco, Vikipedio, 2023-10-21
angle:
neurobiology
beloruse:
нэўрабіялёгія
france:
neurobiologie
hispane:
neurobiología
indonezie:
neurobiologi
pole:
neurobiologia
rumane:
neurobiologie

socibiologio

SCI Branĉo de biologio, kiu studas la rolon de biologiaj faktoroj en la funkciado de vivulaj socioj: la socibiologiaj ideoj estis temo de diversaj kritikoj [22].
angle:
sociobiology
beloruse:
соцыябіялёгія
france:
sociobiologie
indonezie:
sosiobiologi

administraj notoj