dioksid/o ^PVEF

dioksido

: Duoksido: komence la tera atmosfero konsistis precipe el karbona dioksido, kaj natura selektado okazis en senoksigenaj kondiĉoj [1]; aŭtoj emisias grandegan parton de karbondioksido, kiu kulpas […] pri la tutmonda varmiĝo [2]; titana dioksido […], TiO₂ […] estas uzata en multaj terenoj tiel en farbaĵoj, sunlaktoj kaj kiel nutraĵ-farbaĵo (E171) [3].

1. Monato, Vladimir Lemelev: Lastaj opinioj pri la origino de vivo
2. Monato, Stefan Maul: Katastrofaj ciferoj
3. Vikipedio, Titana dioksido

: (CO₂) Duoksido de karbono, ĉe normala temperaturo gaso, i.a. enhavata en la atmosfero: la homaro eligas tro multe da karbondioksido en la atmosferon, bruligante precipe fosiliajn krudmaterialojn [4]; ellasoj de karbona dioksido en tutmonda skalo verŝajne iom malpliiĝis en 2008 kiel rezulto de la tutmonda financa krizo [5]; aŭtoj emisias grandegan parton de karbondioksido [6]; je maksimume 11,5 gradoj celsiaj la averaĝa temperaturo tutmondskale povos kreski ĝis la fino de tiu ĉi jarcento, se la karbondioksido-procentaĵo en la atmosfero plu senlime kreskos dum la venonta tempo [7]; gasakvo kun pliigita koncentriteco de agresiva karbona duoksido [8]. karbonacido, forceja efiko

4. Monato, Werner Fuß: Nekontentiga progreso en klimatopolitiko, 2011
5. Monato, Evgeni Georgiev: Nekontentiga bilanco, 2010
6. Monato, Stefan Maul: Katastrofaj ciferoj, 2008
7. Monato, Marko Naoki Lins: Ĉu la tero fariĝos saŭno?, 2005
8. Jan Werner: Terminaro de betono kaj betonistaj laboroj, Konstru-Forumo 2016, 30.3.