¹atmosfer/o ^JED

1.

Gasa maso ĉirkaŭanta astron, kaj interalie Teron: oni ne sentas la normalan premon de la atmosfero [1]; tiu prema atmosfero sendube anoncis fulmotondron [2]; kiel malaperis la Marsa atmosfero [3]? ni espereble povos konfirmi ĉu troviĝas vivo sur tiuj planedoj, per spektra analizo de iliaj atmosferoj [4]; atmosferaj fenomenoj [5]; ĥemia kuniĝo […] kun la oksigeno de nia atmosfero [6]; (figure) la tuta atmosfero inter ili odoris pipron, safranon kaj zingibron [7].

2.

(figure) Ĉirkaŭantaj cirkonstancoj, medio: atmosfero, saturita de intergenta malpaco [8]; la unuan fojon post multe da monatoj ŝi […] ŝi troviĝis en atmosfero sufiĉe varma, meze de belaj kaj harmonie interkonformigitaj objektoj ^Marta ; resti en la pura, spirita atmosfero [de] la muzikaĵo [9]; la nova politika atmosfero favoris la evoluon de la parolarto [10]; la malpura atmosfero de grandaj urboj [11]; la knabinoj scivole rigardis la tutan loĝejon, […] iom ĝenataj de la geedza atmosfero, kiu estis la realiĝo de iliaj revoj [12]; malvarmigite de tiu tomba atmosfero, kiun oni spiris ĉe ŝia onklino [13]. krei neŭtralan atmosferon de tutmonda homareco [14]. ĉirkaŭaĵo, etoso, sfero

3.

Komunuza mezurunuo de premo, egala al la premo de kolono el hidrargo, alta je 0,76 m, ĉe normala graviteco kaj temperaturo 0 ˚C: unu atmosfero egalas al 1,013.10⁵ paskaloj. (atm)