tradukoj: be ca cs de el en es fr hu it nl pl pt ru sk

1sfer/o PV

sfero  

1.
MAT
a)  
[1] Tridimensia surfaco, konsistanta el ĉiuj punktoj, kies distanco al iu punkto (ĝia centro) egalas al iu valoro (ĝia radiuso): la areo de sfero havanta la radiuson r estas 4πr²; globo2.b estas solido limata de sfero. VD:centro, diametro, radiuso; PRT:zono, vertoĉapo, kaloto.
b)  
VdE=Globo2.bPRT:segmento, globtavolo, sferdisko.
2.  
Ĉia objekto pli-malpli samforma kiel sfero 1.a1.b: la sfero ĉielaZ. VD:bulo, globo, rondo
3.  
(figure) Medio; kampo de agado: ĉiuj sferoj de la homa societoZ; bone konata en sferoj pedagogaj lingvistoZ; detranĉite de la patro kaj de la hejma sfero, ŝi per si mem faris ion plian kaj transloĝiĝis al Istanbulo [2]. VD:regiono, rondo, tereno

sfera

1.
Rilata al sfero: sferaj koordinatoj.
2.
Havanta formon de sfero: sfera kapo; duonsfera kupolo.

duonsfero  

PIV1
1.  
MAT Ĉiu el la du partoj de sfero1.a, apartigitaj per ebeno trapasanta ĝian centron; hemisfero.
2.  
GEOG Ĉiu el la du partoj de la tersurfaco, dividitaj per la ekvatoro aŭ meridiano: la Ekvatoro de Tero estas imaga ronda linio, egaldistanca al la norda kaj suda polusoj, kiu dividas la tersurfacon en nordan kaj sudan duonsferojn [3]; [San-Paŭlo] estas la plej grava ekonomia centro kaj plej granda urbo kaj de Brazilo kaj de la suda duonsfero entute [4]; bondezirojn por la nova jaro ankaŭ el la okcidenta duonsfero! [5]. VD:duonglobo
3.  
AST Ĉiu el la du partoj de la ĉielosfero, apartigitaj per la ekvatora ebeno: kelkaj steloj komencis lumi, kaj se la inĝeniero estus kun siaj kamaradoj, li certe rimarkus, ke tiuj ĉi steloj ne apartenis al la norda duonsfero [6].
4.  
=duonglobo la du cerbaj duonsferoj [7]

duonsfera  

1.
Havanta la formon de duonsfero: kupolo [estas] duonsfera konstruo en formo de renversita kaliko [8].
2.
Iel rilata al duonsfero: li iniciatis kelkajn projektojn de duonsfera skalo (t.e. koncernantajn la tutan orientan aŭ sudan aŭ alian duonsferon).

influsfero

Spaco, teritorio, tra kiu regas iu influo: Francio perforte okupis la Guangĝoŭ-an Golfon kaj prenis la provincojn Junnan, Guangdong kaj Guanghi kiel sian influsferon [9].

pensosfero

Amplekso, tuto de la pensoj aŭ pensotemoj atingeblaj de spirito: nun ... li havas okazon multe pensi kaj disetendi la pensosferon [10].

vidosfero  

FOT=vidkampo kaj tamen li foriris!... la figuro | sin kaŝis for de mia vidosfero... [11]

tradukoj

anglaj

~o b: sphere, ball; ~o: sphere; duon~o: hemisphere, half sphere; duon~a: hemispheric, hemispherical.

belorusaj

~o a: сфэра; ~o b: шар, куля; ~o 2.: сфэра, шар, куля; ~o 3.: сфэра, поле (дзейнасьці); ~a: сфэрычны; duon~o: паўсфэра, паўшар'е, паўкуля.

ĉeĥaj

~o: koule, kulová plocha, okruh, sféra; ~a: kulový, sférický; duon~o: hemisféra, polosféra.

francaj

~o b: sphère, boule; ~o: sphère; ~a: sphérique; duon~o: hémisphère; duon~a: hémisphérique; influ~o: pré carré (fig.), zone d'influence; penso~o: domaine de la pensée, noosphère; vido~o: champ de vision, vue (champ de vision).

germanaj

~o a: Kugeloberfläche, Sphäre; ~o b: Kugel; ~o 3.: Sphäre; duon~o: Halbkugel.

grekaj

duon~o: ημισφαίριο; duon~a: ημισφαιρικός.

hispanaj

~o: esfera; ~a: esférico; duon~o: semiesfera. ~o ĉiela: esfera celeste; ~aj koordinatoj: coordenadas esféricas.

hungaraj

~o a: gömbhéj, gömbfelület; ~o b: gömb; ~o 2.: gömb, glóbusz; ~o 3.: szféra; ~a: gömb-, gömbölyű, gömb alakú. duon~a kupolo: félgömb kupola.

italaj

~o: sfera; ~a: sferico.

katalunaj

~o 2.: bola; ~o 3.: camp, àrea; ~o: esfera; ~a: esfèric; duon~o: semiesfera, hemisferi; duon~a: semiesfèric, hemisfèric.

nederlandaj

~o: sfeer; ~a: sferisch, bolvormig; duon~a 1.: half rond.

polaj

~o a: sfera; ~o b: kula; duon~o: półsfera; duon~a: półkulisty.

portugalaj

~o: esfera; ~a: esférico; duon~o: semi-esfera; duon~a 1.: hemisférico.

rusaj

~o a: сфера; ~o b: шар; ~o 2.: сфера, шар; ~o 3.: сфера, поле деятельности; ~a: сферический; duon~o 1.: полусфера; duon~o 2.: полушарие; duon~o 3.: полушарие; duon~o 4.: полушарие; duon~a 1.: полусферический .

slovakaj

~o: guľa, okruh, sféra; ~a: guľový, sférický; duon~o: pologuľa.

fontoj

1. Raoul Bricard: Matematika Terminaro kaj Krestomatio, p. 30
2. B. Strauß, trad. V. Lutermano: La virino sur la pramo, 2001
3. Vikipedio, Ekvatoro, 2013-04-03
4. San-Paŭlo
5. D. Harlow: NovJarajn salutojn al ĉiuj!, 2002-01-01
6. J. Verne, trad. J. Wałaszek: La mistera insulo, Ĉapitro 3a
7. Claude Piron: La bona lingvo, ĉapitro 2a
8. La Nova Plena Ilustrita Vortaro, art. «kupolo»
9. Liu Caisheng, Niu Xueqin: La moderniga movado de 1898, El Popola Ĉinio, 2013-09-23
10. J. Francis: La Granda Kaldrono, 1978
11. C. Alves, trad. L. H. Knoedt: Elektitaj Poemoj, 1959

~o: Mankas verkindiko en fonto.
~a: Mankas dua fontindiko.
~a: Mankas fonto, kiu estas nek vortaro nek terminaro.
duon~o: Mankas verkindiko en fonto.
duon~a: Mankas fonto, kiu estas nek vortaro nek terminaro.


administraj notoj

pri duon~o:
    Kontroli trd de/en. [MB]
  

ℛevo | datumprotekto | sfer.xml | redakti... | traduki... | artikolversio: 1.37 2017/10/25 14:10:13