tradukoj: be de en es fr hu it ku nl pl ru

^*kamp/o [1]

^*kampo

1.

Ebena aŭ limigita spaco, en kiu okazas io:

a)

Terpeco, ebena aŭ preskaŭ ebena, kulturita aŭ kulturebla: tritikaj kaj hordeaj kampoj; kampaj floroj^Z; (figure) la neĝaj kampoj^Z. agro

b)

Loko, en kiu io okazis: kampo de l' mortintoj^Z.

c)

Loko, inter kies limoj efikas ia ago: operacia kampo (parto de la korpo, kiun trafas operacio); magneta kampo (parto de la spaco, kiun regas magnetismo). medio.

d)

Sumo de la aferoj, kiujn atingas ia agado: kampo de laboro, de aktiveco; la kampo de la historio prezentas multegajn enigmojn; tiu temo malfermas kampon al (ebligas) plej granda fantazio; prepari kampon por mondpaco. areno, regiono, spaco, tereno

2.

[2](fakula ĵargono, ofte uzata en fiziko) Bildigo de iu parto de finidimensia eŭklida afina spaco , provizita per orta ununorma koordinatsistemo, al iu reela vektora spaco: skalara kampo (la celo-aro estas la aro de reeloj), vektora kampo (la celo-aro havas pli ol unu dimension); studi la kampon de temperaturoj en varmigita objekto, la kampon de rapidoj en moviĝanta solido; elektra kampo. diverĝenco, gradiento, kirlo, laplaca operatoro.

3.

(komune) Ero de formularo: en la kampo „Nomo:“ indiku vian familinomon en ĝia nacilingva formo.

4.

Ano de rikordo:

kamparo

Aro de la kampoj, precipe kontraste al la urboj.

kamparano, kampulo

Loĝanto en la kamparo, precipe terkulturisto.

kampi^Z

Loĝi en kampoj, stariginte provizorajn loĝejojn aŭ tendojn por trupo aŭ armeo: la Romanoj kampis en tiu valo; la skoltoj kampas en la arbaro.

kampadejo

Loko, en kiu oni kampas. tendaro

batalkampo

Loko, en kiu okazas aŭ okazis batalo: kvankam homo povas venki mil malamikojn sur batalkampo, tamen estus pli glora venkinto, kiu venkis sin mem [3].

esplorkampo

Temaro, objektaro, kiun oni esploras: mia esplorkampo rilatas al la analizo de la hungara lingvo cele al parolsintezo [4].

laborkampo

Kampo, temaro, aferoj, pri kiuj oni laboras: miaj specifaj interesoj en mia laborkampo estas fibroptiko kaj perkomputila lernado [5].