tradukoj: ca cs de en fa fr nl pl pt ru sk

distribuci/o

distribucio  

MAT[1]
Kontinua lineara formo super iu vektora spaco el reelaj funkcioj (la t.n. testaj funkcioj): la bildon de testa funkcio φ per distribucio T oni ofte signas per <T,φ> anstataŭ T(φ); ne ĉiu distribucio estas regula; oni diras, ke distribucio estas nula super subaro V de la fonto-aro de ĝiaj testaj funkcioj, se la bildo per ĝi de ĉiu testa funkcio kun subtenanto inkluzivata en V estas nula. SIN:ĝeneraligita funkcio.VD:derivaĵo.
Rim.: El la difino sekvas, ke la vektora spaco de distribucioj estas la topologia dualo de iu spaco de testaj funkcioj. Tiun ĉi spacon eblas elekti diversmaniere kaj ju pli oni postulas drastajn ecojn por la testaj funkcioj, des pli oni ricevas vastan spacon de distribucioj. Oni ofte elektas la spacon de reelaj funkcioj kun unu aŭ pluraj reelaj argumentoj, senfine deriveblaj kaj kun barita subtenanto.

diraka distribucio  

MAT
(ĉe punkto a) Distribucio, kiu ĵetas testan funkcion φ al φ(a): la dirakan distribucion ĉe punkto a oni kutime signas per δa; intuicie oni ofte prezentas al si la dirakan distribucion, kiel limeson, kiam n strebas al nefinio, de vico de funkcioj, kiuj estas nulaj ekster intervalo ]a-1/n,a+1/n[ kaj havas integralon egalan al unu. VD:Dirako.
Rim.: La ĉi-rilata nacilingva terminologio estas sufiĉe bunta: diraka funkcio, impulsa funkcio, delta-funkcio, nadlo-funkcio, diraka funkcionalo, ktp. Tia abundo ne aspektas tre utila por tiom simpla nocio, des pli se konsideri, ke tiu ĉi distribucio estas asociebla al neniu vera funkcio.

tradukoj

anglaj

~o: distribution, generalized function; diraka ~o: Dirac['s] distribution.

ĉeĥaj

~o: distributivnost.

francaj

~o: distribution, fonction généralisée; diraka ~o: distribution de Dirac.

germanaj

~o: Distribution, verallgemeinerte Funktion; diraka ~o: Diracsche Funktion.

katalunaj

~o: distribució; diraka ~o: distribució de Dirac.

nederlandaj

~o: distributie, veralgemeende functie; diraka ~o: Dirac-distributie.

persaj

~o: توزیع، تابع تعمیم‌یافته; diraka ~o: تابع دلتای دیراک، تابع دیراک، توزیع دیراک.

polaj

~o: dystrybucja, funkcja uogólniona; diraka ~o: dystrybucja Diraca, funkcja Diraca, delta Diraca.

portugalaj

~o: distribuição.

rusaj

~o: распределение, обобщённая функция; diraka ~o: дельта-функция (Дирака).

slovakaj

~o: distributívnosť.

fontoj

1. R. Hilgers: Yashovardhan: k.a.: EK-Vortaro de matematikaj terminoj, §89

~o: Mankas dua fontindiko.
~o: Mankas fonto, kiu estas nek vortaro nek terminaro.
diraka ~o: Mankas fontindiko.
diraka ~o: Mankas fonto, kiu estas nek vortaro nek terminaro.


ℛevo | datumprotekto | distri2.xml | redakti... | traduki... | artikolversio: 1.20 2015/07/04 08:37:32