tradukoj: be de en es fr hu la nl pl pt ru tr

^*gorĝ/o

^*gorĝo

Interna kava parto de la kolo, per kiu oni glutas kaj spiras: teni iun ĉe la gorĝo; gorĝpremi iun (gorĝpreme sufoke mortigi); nia veturigisto komencis kriegi el la tuta gorĝo [1]. vi metu tranĉilon al via gorĝo se vi estas avidulo [2]; la mieltavolo estas dolĉa por via gorĝo [3]; (figure) la morto jam tenas lin ĉe la gorĝo; ĝi jam staras al mi en la gorĝo (tedegas min) [4].

engorĝiĝi

Eniĝi, resti en la gorĝo: ankoraŭ nun, kiam ni parolas pri ĝi, okazas ke la koro bategas, la okulo ploretas kaj la voĉo engorĝiĝas [5].

plengorĝe

(figure) plenvoĉe li estas tre gaja, eĉ petolema, ridegas brue, plengorĝe [6].

ruĝgorĝulo

Birdo (Erithacus rubecula) el la familio Muŝkaptuledoj (Muscicapidae), kun ruĝkolora kolo. Ĝi vigle defendas sian ĉasteritorion kie li trovas insektojn por sin nutri. Ruĝgorĝulo @ Erithacus rubecula (P:Rubekolo) [400]: [7].

tralavi la gorĝon

(figure) Trinki ion, precipe drinki: nu, mi ne diru ebriiĝi, sed tamen mi bone tralavos la gorĝon [9].

    Eble valoras aldoni la vorton:"gorĝnodo" konata kiel
    la "pomo de Adamo".
    [VR]