tradukoj: be ca cs de en es fr he hu id it la nl pl pt ru sv tp

*voĉ/o

*voĉo

1.  
Sono de parolo, kanto, krio, farata de aero elblovita el la pulmoj kaj vibrigita de la laringo: paroli per malforta, sonora, raŭka, dolĉa, mallaŭta, trema voĉo; aŭdigi sian voĉon [1] [2] [3] [4]; voku per plena voĉo [5]; elokventa voĉo; mi ne aŭskultis la voĉon de miaj instruantoj [6]; obei ies voĉon [7] [8] [9]; laŭtigi sian voĉon favore al iu; se vi vokos la prudenton kaj direktos vian voĉon al la saĝo [10]; kiam li ĉarmigas sian voĉon, ne kredu al li [11]; (figure) la voĉo de la prudento, konscienco; (figure) la voĉo de la sango de via frato krias al mi de la tero [12]; (figure) obeante la voĉon de indiferenta egoismo EE ; harmonia, basa voĉo; (figure) per la malakra voĉo de l' violonĉelo ŝi diris al li, kion ŝi ne kuraĝus esprimi per vortoj.
2.  
Esprimo de la opinio de ĉiu pri demando, decido aŭ elekto: mi petas, ke ĉiu volu bone kaj libere pripensi sian voĉon [13]; la homoj diskutis al kiu politika forto ili donu sian voĉon [14]; esti elektita per 90 voĉoj kontraŭ 10; via propono estos akceptita per plimulto da voĉoj [15]; havi la ĉefan voĉon (tono) PrV ; en okazo de nombroegaleco de la voĉoj la Prezidanto havas decidan voĉon [16]; (figure) infano kaj fiŝoj voĉon ne havas Prv (pri iu, kiu ne rajtas diskuti). VD:unuvoĉa
3.  
GRA Konjugacia formo montranta, ĉu la ago esprimata de la verbo estas farata aŭ ricevata de la subjekto: aktiva, pasiva voĉo.
4.  
MUZ Registro2, parto propra al instrumento aŭ voĉregistro en komponaĵo: en murmuro monotona de la voĉo saksofona [17]; kvarvoĉa kanto; la soprana voĉo estas tipe uzata por la ina protagonisto de la opero, ekde la lasta duono de la 18-a jarcento [18].

voĉa  

1.
Rilata al voĉo: voĉa legado; voĉa promeso; tondravoĉa FK ; voĉa komunikado [19]; iliaj voĉaj organoj tute ne montris ian grandan antaŭkapablon por la kantarto [20].
2.  
FON (Pri parolsono) Rilata al konsonantojn, kies prononcon akompanas vibrado de la voĉkordoj (en Esperanto: b g d v z ĝ ĵ m n l r), kontraste al la senvoĉaj: [ili] tute ne kapablas distingi voĉan „r“ disde senvoĉa „ĥ“ [21].
VD:forta, vasta

voĉe  

Uzante sian voĉon: Ciro, reĝo de Persujo […] ordonis proklami en sia tuta regno voĉe kaj skribe jenon: […] [22]; ripetante la preĝojn, kiujn voĉe diris la sankta Sem [23]; [ŝi] voĉe legis (kun laŭta elparolo, ne silente), kiam la laboro estis finita [24]; laŭtvoĉe [25]. VD:buŝe, laŭte

voĉi  

1.
Diri per voĉo: li ŝatis […] nur elvoĉi la internan penson de ĉiuj VivZam ; imagaj, tute ne voĉigitaj, demandoj [26].
2.  
(ntr)
Voĉdoni: voĉi tiel, kiel oni trovas la plej utile por nia afero [27]; ĉu ni voĉu sekrete aŭ publike?

brustvoĉo

MuzTerm
MUZ Malpli alta parto de voĉa sonamplekso, kies vibrado sentiĝas precipe en la brusto: en normala brustvoĉo, la gloto plene fermiĝas dum fazo de la vibra ciklo [28].

duonvoĉe

Per malforta voĉo, por si mem aŭ por proksima aŭskultanto: ĉio estas mensogo! interrompis duonvoĉe unu el la adjutantoj [29]; Klaro […] levis la kapon kaj duonvoĉe interrompis la patron IK ; diino! ekkriis la juna homo duonvoĉe, ne ŝanĝante la pozon nek la vizaĝesprimon Marta .

kapvoĉo  

MuzTerm
MUZ Pli alta parto de voĉa sonamplekso, kies vibrado sentiĝas precipe en la kapo: falseto […] en pli vasta senco […] oni komprenas kiel la t.n. kapvoĉo, do kiel vira parol- aŭ kantvoĉo plialtigata je oktavo [30].

mezvoĉo

MuzTerm
MUZ Mezalta parto de voĉa sonamplekso, kies vibrado sentiĝas precipe en la laringo: baso kaj tenoro ekas per simila kanono en la sekundo, jen kun aldonita mezvoĉo [31].

plenvoĉe  

Per la tuta forto de sia voĉo: eĉ viaj fratoj […] krias post vi plenvoĉe [32]; li […] komencas salti kaj danci en la sunmakulo sur la verda tapiŝo kriante plenvoĉe [33].

plurvoĉe

MUZ Tiel, ke malsamajn tonojn sonigas samtempe pluraj voĉoj: la kantojn Kaj Tiel Plu prezentas ĥore (jen unisone, jen plurvoĉe) [34]; ekzistas en ĝi plurvoĉeco per samtempa kantado en trita distanco [35]. VD:polifonio, kontrapunkto

unuvoĉa, ĉiesvoĉa, ĉiuvoĉa  

Akorde eldirita aŭ konsentita de ĉiuj: ĉiuj unuvoĉe en la daŭro de ĉirkaŭ du horoj kriadis [36]; unuvoĉe oni decidis postuli […] kiel eble plej grandan tributon [37]; la Bulonja Deklaracio […] unuvoĉe akceptita de la Unua Kongreso [38]; la kasista raporto estis ĉiesvoĉe aprobita [39]; per ĉiuvoĉa akcepto de konvena rezolucio fare de la Pola Parlamento [40]. VD:ĉiukonsenta, unuanima

voĉdoni  

(ntr)
POL Esprimi sian opinion ĉe decido aŭ elekto: tutmonda voĉdono DL ; mi ilin per voĉdono kondamnis [41]; mi voĉdonas por prezenti plendon […] al la plej alta kolegio [42]; oficiala pervoĉdona decido [43]; laŭ la nova ordo, kiun per komuna voĉdonado akceptis por si nia Lingva Komitato [44]. SIN:voĉiSUB:baloti, elekti2.

klarigi la voĉon  

Malraŭkigi sian voĉon per tuseto, grako...: tusetante, por klarigi la voĉon, Kruko komencas ... [45].

voĉkordo  

ANA Ĉiu el ambaŭ membranaj tendenoj de gloto, per kies vibrado kaj streĉado produktiĝas la voĉo: elefantoj disponas pri tia kaŝa lingvo [per] basaj sonoj [estigataj] samkiel ĉe homoj per vibrado de voĉkordoj [46].

senvoĉa  

1.
Ne havanta voĉon: Mi aŭdis la harmonikon — stridis Petters kun sia senvoĉa parolo [47]; senvoĉa kato, birdo; la vortoj de la diino mirakle formiĝis en lia interno kaj la senvoĉan parolon li aŭdis ie interne kaj ne tra la aero [48].
2.  
FON (Pri parolsono) Rilata al konsonantoj, kies prononcon ne akompanas vibrado de la voĉkordoj (en Esperanto: p k t f s ŝ ĉ c ĥ h), kontraste al la voĉaj: la klasika [t] estas senvoĉa, alveola, eksploda sono [49].

tradukoj

anglaj

~o 2.: vote; ~o: voice; ~a 1.: vocal; ~a 2.: voiced; ~e : out loud, vocally; ~i: vote; unu~a, ĉies~a, ĉiu~a: unanimous; ~doni: vote; ~kordo: vocal cord; sen~a 2.: unvoiced.

belorusaj

~o 1.: голас; ~o 2.: голас; ~o 3.: стан (лінгв.); ~a 1.: галасавы; ~a 2.: звонкі (гук); ~e : уголас, голасна, услых; ~i: галасаваць; duon~e: напаўголасу; plen~e: голасна, гучна; unu~a, ĉies~a, ĉiu~a: адзінагалосна; ~doni: галасаваць.

ĉeĥaj

~o: hlas.

francaj

~o: voix; ~a 1.: vocal; ~a 2.: voisé; ~e : à voix haute; ~i 2.: voter; brust~o: voix de poitrine; duon~e: à mi-voix; kap~o: voix de tête; mez~o: voix de gorge; plen~e: à pleine voix; unu~a, ĉies~a, ĉiu~a : unanime; ~doni: voter; klarigi la ~on : s'éclaircir la voix; ~kordo: corde vocale; sen~a 2.: sourd, invoisé.

germanaj

~o 1.: Rede, Stimme; ~o 2.: Stimme; ~o 3.: Zustandsform, Genus verbi; ~o 4.: Stimmlage; ~a 1.: laut; ~a 2.: stimmhaft; ~e : mündlich, laut; ~i 1.: aussprechen; ~i: abstimmen; plur~e: polyphon; unu~a, ĉies~a, ĉiu~a : einstimmig; ~doni: abstimmen; ~kordo: Stimmband; sen~a 2.: stimmlos.

hebreaj

~o: קול; ~a: קולי; ~doni: להצביע; ~kordo: מיתר קול.

hispanaj

~o: voz; ~a 1.: vocal, oral, de palabra; ~a 2.: sonoro; ~e: oralmente, de viva voz; ~i: votar; duon~e: a media voz; ~doni: votar.

hungaraj

~o 1.: hang; ~o 2.: szavazat; ~o 3.: igenem; ~a 1.: hangos, szóbeli; ~a 2.: zöngés; ~e : szóban, fennhangon; ~i: szavaz; brust~o: mellhang; kap~o: fejhang; mez~o: középhang; unu~a, ĉies~a, ĉiu~a: egyhangú; ~doni: szavaz; ~kordo: hangszalag.

indoneziaj

~o 1.: suara; ~o 2.: suara; ~o 3.: ragam (gramatikal); ~a 1.: lisan, vokal; ~a 2.: [suara] bersuara (fonem); ~i: [pilih] memilih (dalam pemilu); brust~o: suara dada; duon~e: diam-diam (suara); kap~o: suara kepala; unu~a, ĉies~a, ĉiu~a: mufakat, sepakat; ~doni: [pilih] memilih (dalam pemilu; ~kordo: pita suara.

italaj

~o 1.: voce; ~o 2.: voto; ~o 3.: voce; ~a 1.: orale, vocale; ~a 2.: sonoro (fon.); ~e : oralmente, a voce; ~i: votare; brust~o: voce di petto; duon~e: sottovoce; kap~o: voce di testa; mez~o: voce di gola; plen~e: a piena voce, a squarciagola; unu~a, ĉies~a, ĉiu~a: all'unanimità; ~doni: votare; ~kordo: corda vocale.

katalunaj

~o: veu; ~a 1.: vocal, de veu; ~a 2.: sonor (fonol.); ~e : a viva veu, amb veu alta; brust~o: veu de pit; duon~e: a mitja veu, a sota veu; kap~o: veu de cap; mez~o: veu de gola; plen~e: a plena veu; unu~a, ĉies~a, ĉiu~a: unànime; ~doni: votar; ~kordo: corda vocal.

latina/sciencaj

~o 3.: Genus verbi.

nederlandaj

~o 1.: stem; ~o 2.: stem; ~o 3.: vorm; ~a 1.: mondeling; ~a 2.: stemhebbend; ~e : mondeling, hardop; ~i: stemmen; ~doni: stemmen; ~kordo: stemband.

polaj

~o 1.: głos; ~o 2.: głos; ~o 3.: strona (czasownika); ~a 1.: głosowy; ~a 2.: dźwięczna; ~e : głosem; ~i: głosować; duon~e: półgłosem; plen~e: pełnym głosem; unu~a, ĉies~a, ĉiu~a: jednogłośny; ~doni: głosować; ~kordo: struna głosowa.

portugalaj

~o 1.: voz; ~o 2.: voto; ~o 3.: voz; ~a 1.: oral; ~a 2.: sonora; ~e : em voz alta; unu~a, ĉies~a, ĉiu~a: unânime; ~doni: votar; ~kordo: pregas vocais, cordas vocais.

rusaj

~o 1.: голос; ~o 2.: голос; ~o 3.: залог (грам.); ~a 1.: голосовой; ~a 2.: звонкий (фон., о звуке); ~e : вслух, голосом; ~i: голосовать; brust~o: грудной голос, грудной регистр (голоса); duon~e: вполголоса; kap~o: головной голос, головной регистр (голоса); mez~o: центральный регистр (голоса); plen~e: в полный голос, во весь голос; unu~a, ĉies~a, ĉiu~a: единогласный; ~doni: голосовать; ~kordo: голосовая связка; sen~a 1.: безголосый, безгласный; sen~a 2.: глухой (фон., о звуке).

svedaj

tokiponaj

~o: kalama.

fontoj

1. trad. L. L. Zamenhof: La Malnova Testamento, Amos 3:4
2. trad. L. L. Zamenhof: La Malnova Testamento, Jesaja 42:2
3. H. C. Andersen, trad. L. L. Zamenhof: Fabeloj, vol. 3, Bona humoro
4. trad. L. L. Zamenhof: La Malnova Testamento, Sentencoj 8:1
5. trad. L. L. Zamenhof: La Malnova Testamento, Jeremia 4:5
6. trad. L. L. Zamenhof: La Malnova Testamento, Sentencoj 5:13
7. trad. L. L. Zamenhof: La Malnova Testamento, I. Samuel 8:19
8. trad. L. L. Zamenhof: La Malnova Testamento, Juĝistoj 20:13
9. trad. L. L. Zamenhof: La Malnova Testamento, Eliro 5:2
10. trad. L. L. Zamenhof: La Malnova Testamento, Sentencoj 2:3
11. trad. L. L. Zamenhof: La Malnova Testamento, Sentencoj 26:25
12. trad. L. L. Zamenhof: La Malnova Testamento, Genezo 4:10
13. Zamenhof: Pri Reformoj en Esperanto, en la Nurnberga gazeto „Esperantisto“ dum la unua duonjaro de 1894
14. Monato, KOSOVO: Vojaĝimpresoj, somero 2000
15. L. L. Zamenhof: Lingvaj Respondoj, 1. Alfabeto
16. -: Statuto de la Akademio de Esperanto, Art. 12
17. N. Kurzens: Mi rapidas tra la vivo
18. Vikipedio, Opero
19. Monato, Garbhan Macaoidh: Flugilhavaj vortoj
20. H. C. Andersen, trad. L. L. Zamenhof: Fabeloj, vol. 2, La najtingalo
21. Monato, Fantaziaj prononcindikoj (1)
22. trad. L. L. Zamenhof: La Malnova Testamento, II. Kroniko 36:22
23. B. Prus, trad. Kazimierz Bein: La Faraono, vol. 3, Ĉapitro I
24. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Neĝulino kaj Rozulino
25. La Nova Testamento, Luko 8:28
26. Monato, , Pejno Simono: La gramatikiloj de Esperanto laŭ ABC, 2011
27. Zamenhof: Pri Reformoj en Esperanto, en la Nurnberga gazeto „Esperantisto“ dum la unua duonjaro de 1894
28. Gloto: definition of Gloto and synonyms of Gloto (Esperanto)
29. B. Prus, trad. Kazimierz Bein: La Faraono, vol. 1, Ĉapitro V
30. Vikipedio, Falseto
31. Vikipedio, Canonische Veränderungen (Bach)
32. trad. L. L. Zamenhof: La Malnova Testamento, Jeremia 12:6
33. Hjalmar Söderberg, trad. Sten Johansson: La Kiso kaj dek tri aliaj noveloj, la brulanta urbo
34. Monato, , Anna kaj Mati Pentus: Katalunio, Okcitanio Kaj Tiel Plu, 2005
35. Vikipedio, Nigrula preĝokanto, 2013-04-04
36. La Nova Testamento, La agoj 19:34
37. B. Prus, trad. Kazimierz Bein: La Faraono, vol. 2, Ĉapitro XX
38. L. L. Zamenhof: Lingvaj Respondoj, 1. La Fundamento
39. Enskribo pri la komitata kunveno
40. Malfacila Vojo De Epokfara Sukceso
41. La Nova Testamento, La agoj 26:10
42. B. Prus, trad. Kazimierz Bein: La Faraono, vol. 2, Ĉapitro XV
43. L. L. Zamenhof: Lingvaj Respondoj, 13. Prepozicioj
44. L. L. Zamenhof: Paroloj, Parolado antaŭ la Kvara Kongreso Esperantista en Dresden en la 17a de aŭgusto 1908
45. L. Beaucaire: Kruko kaj Baniko el Bervalo, 1974
46. Monato, , Evgeni Georgiev: Elefanta komunikado malkodita, 2013
47. Rejtő Jenő, tr. László BALÁZS: Fred la malpura intervenas
48. Palma GRAND: Morto de superstiĉo, Norda Prismo, 57:3.
49. John Wells: La Liverpola prononco, La Brita Esperantisto, aŭtuno 2008.

klarigi la ~on: Mankas dua fontindiko.
~kordo: Mankas dua fontindiko.


ℛevo | datumprotekto | vocx.xml | redakti... | traduki... | artikolversio: 1.42 2019/12/29 19:10:19