tradukoj: be cs de en es fr hu nl pl pt ru sk vo

*ton/o PV

*tono  

1.  
MUZ Muzika sono, havanta difinitan altecon: li tamen aŭdis ankoraŭ la tonojn de orgeno [1]; tio estas nur du tonoj, ĉiam bum, bum [2]! sonu plue, vi tonoj de la bela ĉaskorno [3]; mistono.
a)  
MUZ Ĉeftono, baza sono de muzika skalo, sur kiu estas fundamentita muzika verko: (figure) doni la tonon (havi la ĉefan voĉon; esti sufiĉe influa por esti obee imitata de ĉiuj, konduki 5) PrV..
b)  
FON Altigo, malaltigo aŭ teno de voĉ-alteco dum parolado: afabla, amika, kolera, kortuŝa tono; paroli kun aŭtoritata tonoZ; ŝi diris per tono, kiu volis soni kiom eble plej aristokrateZ; de tiu momento la tono de nia interparolado iom dolĉiĝis [4]; (figure) la ĉefa tono de la libro estas iom melankolia. VD:frazmelodio, prozodio
2.
Nuanco de koloro: ĉirkaŭe la montoj ricevis belegan verdan tonon [5].
3.  
MUZ(evitinde) =duto1

bontono  

Eleganta ĝentileco de bonedukita homo: nur en la ĉefurbo ekzistas ja bon-tono [6].

dekdutonismo  

MUZ Aŭstruj-devena muzika skolo el la komenco de la 20a jarcento, kiu netonale uzas de la dekdu kromatajn tonojn de okto; dodekafonismo: post la elmigrado de Schönberg en Usonon ... la dekdutonismo precipe disvastiĝis en norda Ameriko [7].

subtono  

Malĉefa tono, subtile sentebla nuanco: milda ironio ... estas konstatebla kiel ia subtono en la originalaj prozverkoj de Szilágyi [8].

unutona  

Ĉiam samsona, samkolora, samaspekta, ne varia, banala, griza, monotona: la silenta, humila, unutona penso de la pala virino Marta; iliaj raportoj estis tede unutonaj [9]; iu obtuza, unutona bruado [10].

unutono, unutoneco

Karaktero de tio, kio havas nur unu tonon, unu koloron, daŭre saman aspekton: en la tago de Lakŝmi Puĝa, grupoj da homoj iras dum multaj horoj de domo al domo, kantante „bhaijlo – bhaijlo“ kun ĝoja unutono [11].

tradukoj

anglaj

~o 1.: note; ~o: tone; dekdu~ismo: twelve-tone technique; unu~a: monotone, monotonous.

belorusaj

~o: тон; unu~a: аднатонны, манатонны.

ĉeĥaj

~o: tón, zvuk; bon~o: bonton, dobré mravy, jemné mravy; unu~a: jednotónový, přen. monotónní.

francaj

~o: ton; bon~o: bon ton, bonnes manières; dekdu~ismo: dodécaphonisme; sub~o: arrière-pensée, connotation, inexprimé (subst.); unu~a: monotone; unu~o, unu~eco: monotonie.

germanaj

~o: Ton; unu~a: eintönig.

hispanaj

~o: tono.

hungaraj

~o 1.: zenei hang; ~o a: alaphang; ~o b: hangnem, tónus; ~o 2.: színárnyalat, tónus; bon~o: jólneveltség, jó modor; unu~a: egyhangú, monoton.

nederlandaj

~o: toon; bon~o: bonton; unu~a: eentonig.

polaj

~o: ton; bon~o: bon ton, dobre maniery; dekdu~ismo: dodekafonia; unu~a: monotonny.

portugalaj

~o 1.: som; ~o a: tom; ~o b: tom; ~o 2.: tom; bon~o: bom-tom, boas maneiras; unu~a: monótono.

rusaj

~o: тон; bon~o: хорошие манеры, бонтон (уст.); unu~a: монотонный, однотонный.

slovakaj

~o: odtieň farby; bon~o: bontón, správne správanie; unu~a: jednotvárny, monotónny.

volapukaj

~o: ton.

fontoj

1. H. C. Andersen, trad. L. L. Zamenhof: Fabeloj, vol. 1, galoŝoj de feliĉo, 4
2. H. C. Andersen, trad. L. L. Zamenhof: Fabeloj, vol. 2, neĝa reĝino
3. H. C. Andersen, trad. L. L. Zamenhof: Fabeloj, vol. 2, bildo el kastelremparo
4. E. Lanti: Vortoj de k-do Lanti, tri semajnoj en rusio, ĉe la sidejo de Komintern
5. H. C. Andersen, trad. L. L. Zamenhof: Fabeloj, vol. 1, galoŝoj de feliĉo
6. N. V. Gogol, trad. L. L. Zamenhof: La Revizoro, akto 4a, sceno 4a
7. Vikipedio, Dekdutonismo, 2014-02-15
8. B. Ragnarsson: Ferenc Szilágyi: Novelisto kun du hejmlandoj, libera folio, 2005
9. B. Prus, trad. Kazimierz Bein: La Faraono, vol. 3, ĉapitro 16a
10. Stellan Engholm: Infanoj en Torento, dua libro en la Torento-trilogio, unua parto, ĉapitro 1a
11. -: Nepalo – La Lando de Festivaloj, Montejo, 2000:1

~o: Mankas verkindiko en fonto.


ℛevo | datumprotekto | ton.xml | redakti... | traduki... | artikolversio: 1.31 2018/07/10 10:10:18