tradukoj: cs de en fr hu it nl pl pt ru sk

homoteti/o

homotetio  

MATMatVort
(en afina spaco, kun centro O kaj rilato λ) Afina bildigo, kiu ĵetas punkton M al λ∙(M-O)+O: la centro de homotetio estas la nura punkto senŝanĝa per ĝi; homotetio kun rilato pli granda ol unu grandigas la figurojn laŭ ĉi tiu rilato kaj konservas la angulmezurojn.
Rim.: Ial oni preferis formon „homotecio“ en [1].

homotetia

MAT
1.  
[2] (p.p. du figuroj) Tiaj, ke ekzistas homotetio, kiu ĵetas unu al la alia: homotetiaj trianguloj (rilate homotetion kun centro en ilia komuna vertico); paralelo al latero de triangulo, sekcante la du aliajn laterojn, difinas triangulon homotetian al la originala (talesa teoremo).
Rim.: Troviĝas ankaŭ „homoteta“ ĉi-sence, kiel en PIV2. Ĉar ni favoras radikŝparadon, ni preferas sekvi la uzon de Bricard.

la talesa teoremo : AB':AB=AC':AC=B'C':BC
2.  
PIV2 (p.p. bildigo) Estanta homotetio.

homotetiaĵo

MATMatVort
(de geometria figuro) Ĝia bildo per homotetio.

tradukoj

anglaj

~o: homothety; ~a: homothetic; ~aĵo: homothetic figure.

ĉeĥaj

~o: homotetie, stejnolehlost.

francaj

~o: homothétie; ~a: homothétique; ~aĵo: figure homothétique, homothétique.

germanaj

~o: Homothetie; ~a: homothetisch; ~aĵo: homothetische Figur.

hungaraj

~o: középpontos hasonlóság, homotécia; ~a: középpontosan hasonló.

italaj

~o: omotetia; ~a: omotetico; ~aĵo: figura omotetica.

nederlandaj

~o: homothetie.

polaj

~o: jednokładność, homotetia; ~a: jednokładny, homotetyczny.

portugalaj

~o: homotetia, homotesia.

rusaj

~o: гомотетия; ~a: гомотетический; ~aĵo: гомотетическая фигура.

slovakaj

~o: homotetia.

fontoj

1. R. Hilgers: Yashovardhan: k.a.: EK-Vortaro de matematikaj terminoj, §163
2. Raoul Bricard: Matematika Terminaro kaj Krestomatio, p. 29

~o: Mankas fonto, kiu estas nek vortaro nek terminaro.
~a: Mankas fonto, kiu estas nek vortaro nek terminaro.
~aĵo: Mankas dua fontindiko.
~aĵo: Mankas fonto, kiu estas nek vortaro nek terminaro.


ℛevo | datumprotekto | homote.xml | redakti... | traduki... | artikolversio: 1.22 2015/07/04 08:37:35