tradukoj: be ca de en es fr hu nl pl pt ru

limes/o

limesoTEZ Vikipedio

MAT
a)
[1] (de vico (un)) Punkto p, al kiu ĝi konverĝas; simb. p = lim (un): la limeso de (1/n)n > 0 estas 0; la vico ((-1)n)n > 0 ne akceptas limeson (ne konverĝas).
Rim.: Por ĉi tiu nocio Bricard [2] kontentiĝis je „limo“.
b)
[3] (de bildigo f inter du topologiaj spacoj, ĉe akumuliĝa punkto a de la fonto-aro) Tia punkto b de la celo-aro, ke por ĉiu ĝia ĉirkaŭaĵo W, ekzistas responda ĉirkaŭaĵo V de a, kies bildo per f estas inkluzivata de W; simb. b = limxa f(x): bildigo povas havi limeson ĉe punkto, en kiu ĝi ne estas difinita; la limeso ĉe 0 de x.sin(1/x) estas 0; se la limeso de f ĉe a egalas al f(a), tiam oni diras, ke f estas kontinua ĉe a; se vico (un) konverĝas al a, kaj se b estas limeso de f ĉe a, tiam ĝi ankaŭ estas limeso de la vico (f(un)). VD:analitiko, strebi.
Rim.: En la kadro de reelaj funkcioj oni parolas ankaŭ pri limeso ĉe malfinio; dekstra, maldekstra limeso (la konsiderata ĉirkaŭaĵo V devas akcepti a kiel infimon aŭ supremon, respektive).
Rim.: Oni diras sendistinge, ke „b estas limeso de f ĉe punkto a“, „f akceptas limeson b ĉe punkto a“, aŭ ke „f(x) strebas al b, kiam x strebas al a“.

tradukoj

anglaj

~o: limit.

belorusaj

~o: ліміт.

francaj

~o: limite.

germanaj

~o: Limes.

hispanaj

~o: límite.

hungaraj

~o: határérték.

katalunaj

~o: límit (anal. mat.).

nederlandaj

~o: limiet.

polaj

~o: granica.

portugalaj

~o: limite.

rusaj

~o: предел.

fontoj

1. Plena Ilustrita Vortaro, konverĝi
2. Raoul Bricard: Matematika Terminaro kaj Krestomatio, p. 17
3. Plena Ilustrita Vortaro

[^Revo] [limes.xml] [redakti...] [artikolversio: 1.18 2012/07/30 12:10:44 ]