tradukoj: be br ca cs de en es fr hu nl pt ru sk sv

*majstr/o PV

*majstro

1.
Kompetenta specialisto:
a)
HISTEK Korporacie agnoskita metiisto kaj estro de grupo da laboristoj aŭ disĉiploj: nun mi sendis homon saĝan kaj kompetentan, mian majstron Ĥuram [1]; la patro rekomencis sian tajloran laboron, kaj la filo eklaboris ĉe majstro [2].
b)
(figure) Persono lerta kaj sperta en iu metio, fako, okupo: koniĝas majstro laŭ sia verko PrV; majstre ĉizi lignonZ; tie staris nuda belega virino, tiel bela, kiel povis krei nur la naturo kaj la plej granda majstro de marmoro [3]; „Eterna bukedo“ restis dum jaroj la libro, kiun mi plej ofte utiligis por montri al kleraj pridemandantoj, kion kapablas esperanto en la manoj de majstro [4]; okaze kunvenis kvar sinjoroj, grandaj majstroj kaj amantoj de mensogado [5].
2.
Respektotitolo: „Vivo kaj opinioj de majstro M'saud“ (romano de Jean Ribillard) [6].
a)
Respektotitolo donata de la publiko al granda belartisto, ekzemple muzikisto aŭ pentristo: la malnovaj majstroj (grandaj pentristoj de la 13a–17a jarcentoj); ankaŭ la konsilisto konsentis, des pli ĉar la komponaĵoj de la juna majstro trovis favoron antaŭ lia severa juĝo [7].
b)  
Respektotitolo donata de disĉiploj al sia instruisto: kaj ili diris al li: Rabeno (tio estas, majstro), kie vi loĝas? [8].
c)
Respektotitolo kiun iuj esperantistoj donas al Zamenhofo: nomu min per mia nomo, nomu min fondinto de la lingvo, aŭ kiel vi volas, sed mi petas vin, ne nomu min plu „majstro“, ĉar per tiu morale tro liganta nomo vi malliberigas nian aferon [9]; La famon, ne brue, Nur poste, malfrue, Simile al eĥo de mortkrio Mallonga sciigo alportis: „La Majstro mortis!“ [10].

majstraĵo, majstroverko

Verko inda je majstro: „Ĝi estas majstroverko.“ „Majstroverko – ĉu? Tio estas interesa.“ Li ridis skuante la ventron [11].

* submajstro [12]

1.  
* Laboristo, kiu faris sian lernotempon, kaj por plispertiĝi migris ordinare tra la tuta lando, aŭ eĉ fremdlande SIN:metilernanto
2.
La meza el la tri framasonaj rangoj.

eklezimajstro, ekumena majstro

KRI En la orienta kristanismo, persono kiu grave influis la eklezian doktrinon: Johano la Orbuŝa estas ekumena majstro kaj patro de la Eklezio; en ortodoksismo la titolo „patro de la Eklezio“ estas pli honora ol „eklezimajstro“; en ortodoksismo la lasta „patro de la Eklezio“ estas Johano la Damaskano, post kiu aperis grandaj eklezimajstroj Simeono la Nova Teologo kaj Gregorio Palamo.

tradukoj

anglaj

~o: maestro, master (of one's art); ~aĵo, ~overko: masterpiece, masterwork; eklezi~o, ekumena ~o: Teacher of the Faith.

belorusaj

~o: майстар; ~aĵo, ~overko: шэдэўр.

bretonaj

~o: mestr; ~aĵo, ~overko: pennoberenn.

ĉeĥaj

~o: majstr (hovor.), mistr; ~aĵo, ~overko: mistrovské dílo.

francaj

~o: maître; ~aĵo, ~overko: chef d'œuvre; sub~o 1.: apprenti, compagnon.

germanaj

~o: Meister; ~aĵo, ~overko: Meisterwerk; eklezi~o, ekumena ~o: Kirchenlehrer.

hispanaj

~o: maestro.

hungaraj

~o: mester, mesterember; ~aĵo, ~overko: mestermű, műremek.

katalunaj

~o: mestre.

nederlandaj

~o: meester; ~aĵo, ~overko: meesterwerk.

portugalaj

~o: mestre, magíster; ~aĵo, ~overko: obra de mestre.

rusaj

~o 1.: мастер; ~o a: мастер, маэстро; ~o b: учитель, мэтр; ~o c: учитель; ~aĵo, ~overko: шедевр; eklezi~o, ekumena ~o: учитель церкви. malnovaj ~oj: старые мастера.

slovakaj

~o: majster; ~aĵo, ~overko: majstrovské dielo.

svedaj

~o: mästare; ~aĵo, ~overko: mästerverk.

fontoj

1. trad. L. L. Zamenhof: La Malnova Testamento, II. Kroniko 2:13
2. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Tablo „kovru vin“
3. H. C. Andersen, trad. L. L. Zamenhof: Fabeloj, vol. 1, Kupra porko
4. M. Boulton: Ne nur leteroj de plumamikoj, 1984
5. J. Polupanov: Mirindaĵoj, en: Fundamenta Krestomatio de la lingvo Esperanto, 1904
6. J. Ribillard: Vivo kaj opinioj de majstro M'saud, 1963
7. E.T.A. Hoffmann, trad. W. Kirschstein: Konsilisto Krespel, 2001
8. La Nova Testamento, S. Johano 1:38
9. L. L. Zamenhof: La parolado antaŭ la Oka Kongreso Esperantista, Krakovo, 1912-08-11
10. J. Baghy: La Majstro mortis
11. R. Akutagaŭa, trad. K Sekimoto: Marĉejo, La Revuo Orienta, 1935-03, p. 73a
12. L. L. Zamenhof: Fundamento de Esperanto, Universala Vortaro, sub'majstr'

~o: Mankas verkindiko en fonto.
sub~o : Mankas fonto, kiu estas nek vortaro nek terminaro.
eklezi~o, ekumena ~o: Mankas dua fontindiko.
eklezi~o, ekumena ~o: Mankas fonto, kiu estas nek vortaro nek terminaro.


ℛevo | datumprotekto | majstr.xml | redakti... | traduki... | artikolversio: 1.28 2018/05/27 17:10:13