maskl/o SPV

masklo

(malofte)
BIO Virseksulo: la grandaj kolharaj maskloj montris al Saba la dentegojn [1]; princo – juna masklo volanta sin pruvi en la mondo [2]. ANT:ino, femalo, femino
1. H. Sienkiewicz, trad. M. Sygnarski: Tra dezerto kaj praarbaro, 1978
2. Monato, Paul Gubbins: Sango kaj rango, 2007
angle:
male
ĉeĥe:
samec
ĉine:
男子 [nánzǐ], 男人 [nánrén]
france:
homme, mâle (subst.)
germane:
Männchen, Mann
ide:
maskulo
nederlande:
man, mannetje
pole:
męski osobnik, samiec
rumane:
individ masculin, mascul
slovake:
chlap (samec), muž
tokipone:
mije
ukraine:
самець

maskla

(malofte)
Virseksa: ĝi povas esti maskla, ĝi povas esti femala: unu ŝanco el du [3]; projekcio de masklaj fantazioj [4]; la popolo konsistas el homoj de ambaŭ seksoj kaj ĉi tie la emfazo kuŝas sur civitaneco, ne sur la maskleco aŭ ineco [5]; „ĉu vi kredas, ke inter la dek muŝoj ĵus de mi mortigitaj estas kvar masklaj kaj ses femalaj?“ [6]. ANT:ina1, femala
3. André Cherpillod: Sinjorino Le secrétaire ..., Monato, 2000/07, p. 16
4. Monato, Armando Zecchin: La sorĉistin-persekutoj: rerigardo kaj reinterpretoj, 2008
5. Monato, Helga Rapley: Buĉado de la angla, 2006
6. -: Humuraĵoj, 11, [2003-04]
ĉeĥe:
samčí (mužský)
ĉine:
[mǔ], 男性 [nánxìng], 男性的 [nánxìngde], 男生 [nánshēng], 雄性 [xióngxìng]
france:
mâle (adj.)
germane:
männlich
ide:
maskula
pole:
męski, samczy
rumane:
masculin
slovake:
samčí
tokipone:
mije
volapuke:
manik

masklismo

Maĉismo: se ili havas liberan aliron al la ruba televido, la infanoj sorbos masklismon, konsumismon, konformismon [7]; la taŭro plifirmiĝis kiel fetiĉo ŝovinisma kaj masklisma, uzata eĉ kvazaŭ blazono centre de la hispana flago fare de soldatoj kaj sportaj zelotoj [8]. ANT:inismo, feminismo
7. A. Sigüenza, trad. J. González: Bakunin kaj la anticipita pedagogio, Periódico CNT, 2014-07 (413)
8. Monato, Hektor Alos i Font: Pri kato, rato, ŝtato kaj azeno, 2005
angle:
machismo
eŭske:
matxismo
france:
machisme
galege:
machismo
germane:
Machismo
hispane:
machismo
itale:
machismo, maschilismo
japane:
マッチョ
katalune:
masclisme
latinece:
masculismus
pole:
machismo
portugale:
machismo
rumane:
șovinism masculin
ruse:
мачизм

administraj notoj