tradukoj: be bg ca cs de en es fa fr fy he hu id io it ja ko nl pl pt ru sk tp vo

*seks/o

*sekso  

1.  
BIO Biologia ecaro diferenciganta virseksulon disde ino: aroj da rigardantoj haltis antaŭ apartaj mastoj, laŭgrade kiel interesis ilin la figuroj, la aĝo aŭ sekso de la viktimoj [1]; ĉiuj rajtoj kaj liberecoj ... validas same por ĉiuj homoj, sen kia ajn diferencigo, ĉu laŭ raso, haŭtkoloro, sekso, lingvo, religio... [2]; anĝeloj laŭdifine ne havas sekson [3]; la sufikso in signifas la virinan sekson EE ; la prefikso „ge“ […] signifas simple „de ambaŭ seksoj“ [4].
Rim.: Ne konfuzu kun genro3.
2.
La tuto da samseksaj individuoj: ĉiuj plenaĝaj loĝantoj de ambaŭ seksoj havas la rajton de voĉdonado [5]; la virinoj pli ol unu servon faris al nia ŝtato […] al nia sekso mankas nek saĝo, nek energio, permesu do al mi agi [6]; la koroj ĉe la tiel nomata bela sekso estas ĉiam tre sentema kaj samtempe tute sendefenda loko, tute egale ĉu ili troviĝas sub silkaj aŭ sub lanaj kaj katunaj talivestoj Marta ; membro de la vira sekso [7].
3.
FIZL La tuto da mensaj kaj fiziologiaj reagoj, faroj kaj emocioj rilataj al la seksa vivo: laŭ la plej populara opinio, ĝi – la sekso – naskas ĉion: la plej altaj Filozofio, Scienco, Arto homaj eruptas el la vulkano de la Sekso [8]; la eklezio enmiksiĝis en la intimajn demandojn pri sekso [9].
4.  
GRA(arkaismo) Genro1: grandegan malfacilecon prezentas por la lernanto la memorado de la sekso de ĉiu substantivo en la naturaj lingvoj EE ; preskaŭ en ĉiuj lingvoj ĉiu substantivo ial apartenas al tia aŭ alia sekso, ekzemple en la lingvo germana kapo havas viran sekson, en la lingvo franca virinan kaj en la lingvo latina neŭtralan EE ; ekzistas tri gramatikaj seksoj, la vira, la ina kaj la neŭtra, kiu apartenas al la senseksaj aferoj.

seksa

1.
BIO Rilata al sekso1: seksa membro (t.e. peniso) [10]; libera religia praktikado kaj seksa egaleco [11].
2.  
FIZL Rekte aŭ malrekte rilata al sekskuniĝo: seksaj interrilatoj; seksa vivo; seksaj fantazioj; raporto pri la seksa konduto de lernejanoj [12]; la aĝo, kiam gejunuloj havas siajn unuajn seksajn spertojn [13]; fari diferencon inter viroj kaj virinoj en seksaj kontaktoj [14]; seksa ekspluatado kaj prostituado [15]; seksa amo FK .

seksismo

Sinteno prema al iu el la du seksoj, plejofte al inoj: per rasismo, seksismo, kaj aliaj specoj de premado […] la regantoj malfortigas kaj dividas nin [16]; seksismo estas grava delikto por prostituitinoj [17].

seksumi  

(ntr)
Plenumi seksajn2 agojn: levu la manon kiu seksumas du fojojn semajne [18]; laŭ enketo en 1999 unu el kvar altlernejanoj (15-17 jaraj) seksumis [19]; historie, japanoj relative sentabue seksumis [20]; mi nek fumas nek drinkas nek seksumas! [21]. VD:sekskuniĝi

seksumilo, seksilo

(komune)
Ekstera seksorgano: ŝi […] fingris lian balanon tiel sperte, ke lia seksumilo streĉiĝis [22]; Huniŭ, kiu havas fiodoran seksilon, same prifriponas lin kaj traktas lin kiel argilbulon laŭvole knedeblan [23].

aliseksema, aliseksama  

Sekse kaj emocie altirata de individuoj de la alia sekso: aliseksemaj personoj elmontras sian seksemon ĉiutage, multnombre surstrate – prenante sin je la manoj, interkisante, brakumante [24]; aliseksema normismo [25]. SIN:malgeja

aliseksemo, aliseksamo

Seksa kaj emocia allogo al individuoj de la alia sekso: la hungara Konstitucia Kortumo celis nur likvidi diskriminacion inter samseksemo kaj aliseksemo [26]; Jesuo predikis amon, sed ne pri gejeco nek pri aliseksemo [27]; pri amoro ŝi publikigis triangulan modelon el aliseksamo, samseksamo kaj memseksumemo, asertante egalvaloron kaj denaskan inklinon al ĉiuj tri praktikoj [28].

aliseksemulo, aliseksamulo  

Aliseksema persono: aliseksemuloj montras sian seksemon publike – per vira mencio pri „mia koramikino” aŭ ina mencio de „mia edzo” [29]; bonaspekta juna aliseksemulo, kiu havas konstantan partnerinon, sed krome seksumas kun ĉiu havebla alia ino [30]. SIN:malgejo

ambaŭseksa

1.  
BIO Vira kaj ina, havanta ambaŭ seksojn; hermafrodita: kelkaj arb-specioj estas ambaŭseksaj [31]; hermafrodito en vivoscienco (rare ankaŭ ambaŭseksa vivulo) estas vivulo kapabla reprodukti samtempe ovolojn kaj spermojn [32].
2.  
Gea: mi persone ĝis nun uzadis tiun ĉi prefikson („ge“) ĉiam nur por esprimi ian ambaŭseksan familian tutaĵon el personoj starantaj en la sama linio de parenceco [33]; supergrasaj, misformaj dikventruloj ambaŭseksaj [34].

ambaŭseksemo, ambaŭseksamo  

Seksa kaj emocia allogo al individuoj de ambaŭ seksoj: en Germanio la stirneranoj […] estis pioniraj kampanjantoj por la akceptado de masklaj ambaŭseksemo kaj samseksemo [35]; ekde la 1980-aj jaroj Helmut Berger aperas ankaŭ en televidaj serioj, li malferme parolas pri sia ambaŭseksamo [36].

ambaŭseksema, ambaŭseksama  

Sekse kaj emocie altirata de individuoj de ambaŭ seksoj: ambaŭseksema, ŝi entreprenis amrilatojn kun kelkaj el siaj lernantinoj [37]; la serĉo pri perfekta partnero por ambaŭseksema knab(in)o [38]; la honeste ambaŭseksama kantisto petis al siaj admirantoj kontraŭi tiun malsanon [39].

ambaŭseksemulo  

Ambaŭseksema persono: plu validas malpermeso al lesbaninoj, gejoj kaj ambaŭseksemuloj sub la aĝo de 18 jaroj aliĝi al grupoj defendantaj iliajn interesojn [40]; ĝenerale oni konsideras lin samseksemulo aŭ ambaŭseksemulo, ne estas klare konata [41]. VD:GLAT

ambaŭseksemulino  

Inseksa ambaŭseksemulo: elŝrankiĝinta ambaŭseksemulino [42].

ambaŭseksulo  

BIO Vivulo, kun vira kaj ina sekso samtempe aŭ sinsekve en sia vivo: en la klarigoj pri la farendaĵoj aperas diversaj simboloj: la reĝo, la luno, la suno, la stelo, la ambaŭseksulo, la agloj, la drako... [43]; ambaŭseksuloj sterilas, eĉ nur pro la manko de ĝustaj hormonoj [44].

inseksa, virinseksa

El la ina sekso: li alportas el la grandaj brutoj, ĉu ĝi estas virseksa, ĉu virinseksa, sendifektan li alportu ĝin [45]; ĉiun infanon virinseksan, kiu ne ekkonis kuŝejon de viro, lasu viva [46]; antaŭe kaj poste estis fakte Iduna, tre virinseksa [47]; katino (inseksa kato) [48]; en sia ĝenerala korpoformo la Komodo-varano ne multe diferencas de kelkaj aliaj specioj de varanoj, la inseksaj ekzempleroj eĉ ne estas pli grandaj ol tiuj de aliaj specioj [49].

interseksa

Kiu koncernas la rilatojn inter la du seksoj: oni klarigas, eĉ senkulpigas, la nunan interseksan konduton, kiel rezulton de la milito [50]; oni ankaŭ povas vidi en tiu ankaŭ primokadon de la interseksaj rilatoj: la rajdanto reprezentas la viran principon, li volas agi, rapide aliri la aferon, la ino reagas […] [51].

senseksemo, neniuseksemo  

Pli malpli kompleta manko de seksuma deziro. VD:asketismo, abstinado, platona2

samseksa

BIOFIZL El la sama sekso, kiel alia: samseksaj lernejanoj; la parlamento de Nederlando per 109 kontraŭ 33 voĉoj akceptis la leĝoproponon por malfermi la oficialan nupton ankaŭ por samseksaj paroj [52]; la leĝaj reguloj pri samseksa seksumado en Hungario [53]; malsamseksaj kaj samseksaj rilatoj [54].

samseksemo, samseksamo

Seksa kaj emocia allogo al individuoj de la sama sekso: oficialuloj de la eklezio kondamnis ankaŭ la samseksemon kiel ion nenaturan kaj malsanan [55]; fanatikaj islamistoj […] persekutas samseksemon [56]; en multaj eŭropaj landoj la sinteno al samseksemo funde ŝanĝiĝis [57]; en Usono, Britio kaj iuj eŭropaj landoj oni opinias, ke samseksemo estas afero de persona, libera elekto [58]; la esprimo elŝrankiĝi estas malo de enŝrankiĝi, kio signifas kaŝi sian samseksemon, ambaŭseksemon […] pro timo de la malamo [59].

samseksema, samseksama  

Sekse kaj emocie altirata de individuoj de la sama sekso: asocio pledanta por egalaj rajtoj de samseksemaj kaj malsamseksemaj civitanoj [60]; por defendi amrilaton samseksaman [61]. VD:geja, lesba

samseksemulo, samseksamulo  

Samseksema persono: Sud-Afriko, ekzemple, en sia konstitucio jam garantias ne-diskriminacion, ankaŭ de samseksemuloj [62]; en „La samseksemulo“, probable lia plej konata poemo, li uzas sintakson tre karakterizan [63]. SIN:gejo

samseksemulino, samseksamulino  

Inseksa samseksemulo: Winnaretta Singer […] konata private kiel samseksemulino […] edziniĝis dufoje sen plenumi seksajn „devojn“ [64]. SIN:lesbo, lesbanino.

virseksa  

El la vira sekso: virseksa infano estas naskita al vi [65]; la ŝafido estu sendifekta, virseksa, havanta la aĝon de unu jaro [66]; anaso virseksa [67]; Tomaso la akvinano kredis, ke virseksa feto ricevas sian animon 40 tagojn kaj ina feto 80 tagojn post koncipo [68].

virseksulo  

Animalo (homo aŭ besto) de la sekso organizita por demeti en aliseksan animalon la semon de ido (kontraste kun ino): „krom tio,“ ŝi diris plue, „ĝi estas virseksulo, kaj la malbeleco sekve ne tiom multe malutilas […][69]; ĉiu virseksulo ĉe vi estu cirkumcidata [70]; li mortigis ĉiujn virseksulojn [71].

unuseksa

BIO Apartenanta al unu sekso, vira aŭ ina: krom la tradiciaj ekleziaj lernejoj unuseksaj, estis fonditaj en la du landpartoj de la irlanda insulo pluraj nesektecaj aŭ interkonfesiaj geaj lernejoj [72]; ne rare okazas ke iuj specioj estas ambaŭseksaj, dum aliaj specioj de la sama familio, kaj eĉ de la sama genro, estas unuseksaj [73].

seksmatura

Kiu estas sekse matura, kapabla naski aŭ generi idojn: en marto kaj aprilo, la seksmaturaj angiloj demetas siajn ovojn en la varmaj kaj profundaj akvoj de la Sargasmaro [74]; en la centro de la aranĝo staris la seksmaturaj geknaboj [75].

seksorgano  

Organo1.a posedanta seksan funkcion: en multaj afrikaj triboj ekzistas de multaj jarcentoj la kutimo grave mutili la inajn seksorganojn [76]; herpet-viruso (tipo 2) kutime kaŭzas inflamajn lezojn de seksorganoj [77]; la skanilo montras ankaŭ seksorganojn kaj mamoprotezon [78]; la fiŝetoj ankoraŭ ne havas evoluintajn seksorganojn [79].

tradukoj

anglaj

~o: sex; ~a: sexual; ~ismo: sexism, gender discrimination; ~umi: to have sex; ~umilo, ~ilo: sex organ, genitalia; ali~ema, ali~ama: heterosexual; ali~emo, ali~amo: heterosexuality; ali~emulo, ali~amulo: heterosexual; ambaŭ~a 1.: hermaphroditic; ambaŭ~a 2.: bisexual; ambaŭ~emo, ambaŭ~amo: bisexuality; ambaŭ~ema, ambaŭ~ama: bisexual; ambaŭ~emulo: bisexual; ambaŭ~ulo : hermaphrodite; in~a, virin~a: female; sen~emo, neniu~emo: asexuality; sam~a: same-sex; sam~emo, sam~amo: homosexuality; sam~ema, sam~ama: homosexual; sam~emulo, sam~amulo: homosexual; sam~emulino, sam~amulino: lesbian; vir~a: male; vir~ulo: male; unu~a : unisexual; ~matura: sexually mature; ~organo: sex organ, genitalia.

belorusaj

~o 1.: пол (мужчынскі, жаночы); ~o 2.: пол (мужчынскі, жаночы); ~o 4.: род (граматычны) ; sam~ema, sam~ama: гомасэксуальны; sam~emulo, sam~amulo: гомасэксуаліст; sam~emulino, sam~amulino: лесьбіянка; vir~ulo: самец.

bulgaraj

~o: пол; ~a: полов, сексуален; ~ismo: полова дискриминация; ~umi: правя секс; ~umilo, ~ilo: полов орган (използван за секс); ali~ema, ali~ama: хетеросексуален; ambaŭ~a: хермафродитен; ambaŭ~ema, ambaŭ~ama: бисексуален; ambaŭ~emulo: бисексуален човек или мъж; ambaŭ~emulino: бисексуална жена; ambaŭ~ulo: хермафродит; in~a, virin~a: от женски пол; sam~a: от същия пол; sam~ema, sam~ama: хомосексуален; sam~emulo, sam~amulo: хомосексуалист; sam~emulino, sam~amulino: лесбийка; vir~a: от мъжки пол; ~matura: полово зрял; ~organo: полов орган.

ĉeĥaj

~o: pohlaví, rod, sex, sexus; ~a: pohlavní, sexuální; ~umi: souložit; ~umilo, ~ilo: pohlavní orgán; ali~ema, ali~ama: sexuálně přitahovaný jiným pohlavím; in~a, virin~a: samičí, ženský; sam~a: stejného pohlaví; sam~ema, sam~ama: homosexuální; sam~emulo, sam~amulo: homosexuál; vir~a: mužský; vir~ulo: muž, osoba rodu mužského; unu~a: jednopohlavní; ~matura: pohlavně dospělý; ~organo: pohlavní orgán.

francaj

~o: sexe; ~a: sexuel; ~ismo: sexisme; ~umi: avoir une relation sexuelle, copuler; ~umilo, ~ilo: organe sexuel; ali~ema, ali~ama: hétérosexuel (adj.), hétérosexuelle (adj.); ali~emo, ali~amo: hétérosexualité; ali~emulo, ali~amulo: hétéroseksuel; ambaŭ~a 1.: androgyne (adj.), bissexué, hermaphrodite (adj.), monoïque; ambaŭ~a 2.: des deux sexes, mixte (des deux sexes); ambaŭ~emo, ambaŭ~amo: bisexualité; ambaŭ~ema, ambaŭ~ama: bisexuel (adj.), bisexuelle (adj.); ambaŭ~emulo: bisexuel; ambaŭ~emulino: bisexuelle; ambaŭ~ulo : androgyne (subst.), hermaphrodite (subst.); in~a, virin~a: femelle, féminin; inter~a: intersexe; sen~emo, neniu~emo: asexualité; sam~a: de même sexe; sam~emo, sam~amo: homosexualité; sam~ema, sam~ama: homosexuel, homosexuelle; sam~emulo, sam~amulo: homosexuel; sam~emulino, sam~amulino: homosexuelle, lesbienne; vir~a: masculin, mâle; vir~ulo: mâle; unu~a : dioïque; ~matura: nubile; ~organo: organe sexuel. sen~a: asexué.

frisaj

~ismo: seksisme, geslachtsdiskriminaasje; ali~ema, ali~ama: heteroseksueel; ali~emulo, ali~amulo: heteroseksueel; ambaŭ~ema, ambaŭ~ama: biseksueel; ambaŭ~emulo: biseksueel; in~a, virin~a: froulik; sen~emo, neniu~emo: aseksualiteit; sam~ema, sam~ama: homoseksueel; sam~emulo, sam~amulo: homoseksueel; vir~a: manlik.

germanaj

~o 3.: Sexualität, Geschlechtsleben; ~o: Geschlecht; ~a 2.: sexuell; ~a: geschlechtlich; ~umi: Sex haben, Geschlechtsverkehr ausüben; ~umilo, ~ilo: Geschlechtsorgan; ali~ema, ali~ama: heterosexuell, gegengeschlechtlich; ali~emo, ali~amo: Heterosexualität; ali~emulo, ali~amulo: Heterosexueller, Gegengeschlechtlicher; ambaŭ~a 1.: zwittrig; ambaŭ~a 2.: bisexuell; ambaŭ~a: zweigeschlechtlich; ambaŭ~emo, ambaŭ~amo : Bisexualität; ambaŭ~ema, ambaŭ~ama : bisexuell; ambaŭ~emulo : Bisexueller; ambaŭ~emulino : Bisexuelle; ambaŭ~ulo : Zwitter; in~a, virin~a: weiblich; inter~a: zwischengeschlechtlich; sen~emo, neniu~emo: Asexualität; sam~a : homosexuell; sam~a: gleichgeschlechtlich; sam~emo, sam~amo: Homosexueller; sam~ema, sam~ama: homosexuell; sam~emulo, sam~amulo: Homosexueller, Schwuler, Warmer Bruder; sam~emulino, sam~amulino: Homosexuelle, Lesbe; vir~a: männlich; vir~ulo: Männchen (besto aŭ planto); unu~a: eingeschlechtlich; ~matura: geschlechtsreif; ~organo: Geschlechtsorgan.

hebreaj

~o: מין, מℷדר; sam~ema, sam~ama: חד-מיני, הומוסקסואלי; sam~emulo, sam~amulo: הומוסקסואל; sam~emulino, sam~amulino: הומוסקסואלית, לסבית.

hispanaj

~o: sexo; ~a: sexual; ~ismo: sexismo; ~umi: tener relación (sexual); ~umilo, ~ilo: órgano sexual; ali~ema, ali~ama: heterosexual; ambaŭ~a 1.: hermafrodita; ambaŭ~ulo : hermafrodita; in~a, virin~a: hembra, femenina; sam~a: del mismo sexo; sam~ema, sam~ama: homosexual; sam~emulo, sam~amulo: homosexual; sam~emulino, sam~amulino: lesbiana; vir~a: macho, masculino; vir~ulo: macho; ~matura: sexualmente maduro; ~organo: órgano sexual.

hungaraj

~o: nem ; in~a, virin~a: nőnemű; sam~a: azonos nemű; sam~ema, sam~ama: homoszexuális; sam~emulo, sam~amulo: homoszexuális; sam~emulino, sam~amulino: leszbikus, leszbi; vir~a: hímnemű; vir~ulo: hím; ~matura: ivarérett. sen~a: ivartalan, nemi jelleg nélküli, aszexuális.

idaj

~o: sexuo; ~a: sexuala; ~ismo: sexuismo; ali~ema, ali~ama: heterosexuala; ali~emulo, ali~amulo: heterosexualo; in~a, virin~a: femina; sam~ema, sam~ama: homeosexuala; sam~emulo, sam~amulo: homeosexualo; sam~emulino, sam~amulino: homeosexualino; vir~a: maskula; vir~ulo: maskulo.

indoneziaj

~o: seks; ~a: seksual; ~ismo: seksisme; ~umi: [kopulasi] berkopulasi, [setubuh] bersetubuh; ~umilo, ~ilo: organ genital, organ seksual; ali~ema, ali~ama: heteroseksual; ambaŭ~a 1.: biseksual, hermafrodit, monoseus; in~a, virin~a: betina, feminin; sam~ema, sam~ama: homoseksual; sam~emulo, sam~amulo: gay, homo, homoseksual, lesbian; sam~emulino, sam~amulino: lesbian; vir~a: jantan, maskulin; unu~a : dioseus; ~matura: matang (secara) seksual; ~organo: organ genital, organ seksual.

italaj

~o: sesso; ~a: sessuale; ~ismo: sessismo; ~umi: fare sesso; ~umilo, ~ilo: organo sessuale; ambaŭ~a 1.: androgino (agg.), ermafrodita (agg.); ambaŭ~ulo : androgino (sost.), ermafrodita (sost.); in~a, virin~a: femminile; sam~ema, sam~ama: omosessuale (agg.); sam~emulo, sam~amulo: omosessuale (sost.); sam~emulino, sam~amulino: lesbica (sost.); vir~a: mascile; vir~ulo: maschio; ~matura: sessualmente maturo; ~organo: organo sessuale.

japanaj

~o 1.: 性 [せい], 性別 [せいべつ]; ~a: 性の [せいの], 性的な [せいてきな]; ~ismo: 性差別 [せいさべつ]; ~umi: 性交する [せいこうする], セックスする [せっくすする]; ali~ema, ali~ama: 異性愛の [いせいあいの]; ali~emulo, ali~amulo: 異性愛者 [いせいあいしゃ]; ambaŭ~a 1.: 両性具有の [りょうせいぐゆうの]; ambaŭ~a 2.: 両性の [りょうせいの]; ambaŭ~ema, ambaŭ~ama: 両性愛の [りょうせいあいの]; ambaŭ~emulo: 両性愛者 [りょうせいあいしゃ]; in~a, virin~a: 女性の [じょせいの] (homo), 雌の [めすの] (besto aŭ planto); sam~a: 同性の [どうせいの]; sam~ema, sam~ama: 同性愛の [どうせいあいの]; sam~emulo, sam~amulo: 同性愛者 [どうせいあいしゃ]; sam~emulino, sam~amulino: 同性愛の女性 [どうせいあいのじょせい]; vir~a: 男性の [だんせいの] (homo), 雄の [おすの] (besto aŭ planto); vir~ulo: 男性 [だんせい] (homo), 雄 [おす] (besto aŭ planto); unu~a: 単性の [たんせいの]; ~matura: 性的に成熟した [せいてきにせいじゅくした]; ~organo: 生殖器 [せいしょくき].

katalunaj

koreaj

~ismo: 성 차별.

nederlandaj

~o: geslacht; ~a: seksueel; ~ismo: seksisme, geslachtsdiscriminatie; ~umilo, ~ilo: geslachtsorgaan; ali~ema, ali~ama: heteroseksueel; ali~emulo, ali~amulo: heteroseksueel; ambaŭ~ema, ambaŭ~ama: biseksueel; ambaŭ~emulo: biseksueel; ambaŭ~ulo : hermafrodiet; in~a, virin~a: vrouwelijk; sen~emo, neniu~emo: aseksualiteit; sam~ema, sam~ama: homoseksueel; sam~emulo, sam~amulo: homoseksueel, homo; sam~emulino, sam~amulino: lesbische, lesbienne; vir~a: mannelijk; vir~ulo: mannetje (besto aŭ planto); ~matura: geslachtsrijp; ~organo: geslachtsorgaan.

persaj

~ismo: جنسیت‌گرایی، تبعیض جنسیتی.

polaj

~o 1.: płeć; ~o 2.: płeć; ~o 3.: seks; ~o 4.: rodzaj; ~a 1.: płciowy; ~a 2.: płciowy, seksualny; ~ismo: seksizm; ~umi: uprawiać seks, kochać się; ~umilo, ~ilo: organ płciowy; ambaŭ~a 1.: obojnaczy, dwupłciowy; ambaŭ~ulo : hermafrodyta, obojniak; in~a, virin~a: żeński, żeńskiej płci; sam~a: tej samej płci; sam~ema, sam~ama: homoseksualny; sam~emulo, sam~amulo: homoseksualista, gej (pot.), pedał (obraźliwie); sam~emulino, sam~amulino: homoseksualistka, lesbijka (pot.), lesba (obraźliwie), pedałówa (obraźliwie); vir~a: męski, męskiej płci; vir~ulo: samiec; ~matura: dojrzały płciowo; ~organo: organ płciowy. ~a membro: członek.

portugalaj

rusaj

~o 1.: пол (мужской, женский); ~o 2.: пол (мужской, женский); ~o 3.: секс; ~o 4.: род(грамматический); ~a 1.: половой; ~a 2.: половой, сексуальный; ~ismo: секси́зм; ~umi: заниматься сексом; ~umilo, ~ilo: половой орган; ambaŭ~a 1.: обоеполый; ambaŭ~ulo : обоеполый (в знач. сущ.); in~a, virin~a: женского пола; sam~a: однополый; sam~ema, sam~ama: гомосексуальный; sam~emulo, sam~amulo: гомосексуалист; sam~emulino, sam~amulino: лесбиянка; vir~a: мужского пола; vir~ulo: самец, особа мужского пола; ~matura: половозрелый; ~organo: половой орган.

slovakaj

~o: pohlavie, rod, sex; ~a: pohlavný; ~umi: súložiť; ~umilo, ~ilo: pohlavný orgán; ali~ema, ali~ama: sexuálne priťahovaný iným pohlavím; in~a, virin~a: samičí, ženský; sam~a: rovnakého pohlavia; sam~ema, sam~ama: homosexuálny; sam~emulo, sam~amulo: homosexuál; sam~emulino, sam~amulino: lesba; vir~a: mužský, samčí; vir~ulo: muž, samec; unu~a: jednopohlavný; ~matura: pohlavne dospelý; ~organo: pohlavný orgán.

tokiponaj

volapukaj


fontoj

1. H. Sienkiewicz trad. L. Zamenhof: Quo vadis?, ĉapitro 62a
2. La Universala Deklaracio de Homaj Rajtoj, Art. 2a
3. Monato, Stefan Maul: Kancelierino
4. L. L. Zamenhof: Lingvaj Respondoj, 1. Vortfarado
5. Ludoviko Lazaro Zamenhof: Fundamenta Krestomatio de la lingvo Esperanto, 5, el la vivo kaj sciencoj, bagateloj
6. B. Prus, trad. Kazimierz Bein: La Faraono, vol. 3, Ĉapitro XVI
7. Monato, Albisturo Kvinke: Sekretoj de la konfesejo
8. A. Kris: Scenaj obscenoj... drastaj kontrastojLa Ondo de Esperanto
9. Monato, Zlatko Tišljar: Pastro-povo ekstremdekstra
10. trad. L. L. Zamenhof: La Malnova Testamento, Readmono 23:1
11. Monato, Marko Naoki LINS: Turkio ante portas
12. Monato, Seksaj Rilatoj
13. Monato, Seksaj Rilatoj
14. Monato, Boris Kolker: En spegulo de l' sarkasmo
15. Monato, Evgeni GEORGIEV: Seksa sklaveco: ĉu defio al la 21a jarcento?
16. -: Kio estas la Anarkiista Federacio?, anarkiismaj esperantistoj..., [vidita en 2008-03]
17. Monato, Boris Kolker: En spegulo de l' sarkasmo
18. L. Beaucaire, Kruko kaj Baniko el Bervalo, 1974
19. Monato, Hori Jasuo: Poŝtelefonoj: Ĉu beno aŭ malbeno?
20. Monato, Isikawa Takasi: Tro lacaj por seksumi
21. H. Schicke: Longa kaj sana vivoMonato
22. C. Piron: Ĉu ŝi mortu tra-fike?, 1982
23. Lao She, trad. Wang Chongfang: Kamelo Ŝjangzi, 1988
24. Monato, Paweł Fischer-Kotowski: Parado de toleremo (2)
25. Vikipedio, Deviga aliseksemo
26. Monato, Michel Duc Goninaz: Ĵurnalisma deontologio
27. Monato, Hubertus Schweizer: Biblia fundamento
28. Vikipedio, Alice Schwarzer
29. Monato, Russ Williams: Parado de toleremo (3)
30. Vikipedio, Der bewegte Mann
31. Vikipedio, artikolo „arbo“, 2006-04-07
32. Vikipedio, Hermafrodito (vivoscienco)
33. L. L. Zamenhof: Lingvaj Respondoj, 1. Vortfarado
34. V. Sapoĵnikov: Humuraĵetoj, Jekaterinburg: Sezonoj, 1992
35. Vikipedio, Anarkiismo
36. Vikipedio, Helmut Berger
37. Vikipedio, Simone de Beauvoir
38. Monato, Marko Naoki Lins: Torturado televida
39. Vikipedio, Freddie Mercury
40. Monato, István Ertl: Gajiĝas gejoj
41. Vikipedio, Walt Whitman
42. Vikipedio, Joanna Erbel
43. Vikipedio, Alkemio
44. M. M. Campagna: Riismo..., soc.culture.esperanto, 1994-02-21
45. trad. L. L. Zamenhof: La Malnova Testamento, Levidoj 3:1
46. trad. L. L. Zamenhof: La Malnova Testamento, Nombroj 31:18
47. Monato, El la nordia mitologio
48. Monato, Donald Broadribb: Facillingva legolibro
49. Monato, Izabel C. O. Santiago: Faŭno: La "drakoj" de Komodo: Gigantaj bestoj sur izola insulo
50. J. Francis: La Granda Kaldrono, 1978
51. Vikipedio, Des Knaben Wunderhorn (Mahler)
52. Monato, Gerrit Berveling: Edziĝoj ankaŭ por samseksaj paroj
53. Monato, Francisko Simonnet: Ĉu bona seksa konduto?
54. Monato, István Ertl: Aĝo de konsento
55. Monato, Zlatko Tišljar: Pastro-povo ekstremdekstra
56. Monato, Michel Duc Goninaz: Ĵurnalisma deontologio
57. Monato, Gerrit Berveling: Geja paro en Malavio
58. Monato, Atanasije Marjanović: Ekstravaganca aŭ perversa
59. Vikipedio, Elŝrankiĝo
60. Monato, JSL: Finnlando: Novtipa prezidanto
61. G. Kamaĉo: Berveling, poeto sentabua, Monato, numero 1994-12
62. Monato, Gerrit Berveling: Gejeco disputata
63. G. Kamaĉo: Berveling, poeto sentabua, Monato, 1994:12
64. Vikipedio, Winnaretta Singer
65. trad. L. L. Zamenhof: La Malnova Testamento, Jeremia 20:15
66. trad. L. L. Zamenhof: La Malnova Testamento, Eliro 12:5
67. H. C. Andersen, trad. L. L. Zamenhof: Fabeloj, vol. 2, Malbela anasido
68. Monato, Opinio: Kie la toleremo?
69. H. C. Andersen, trad. L. L. Zamenhof: Fabeloj, vol. 1, Malbela anasido
70. trad. L. L. Zamenhof: La Malnova Testamento, Genezo 17:10
71. trad. L. L. Zamenhof: La Malnova Testamento, I. Reĝoj 11:15
72. Monato, Garbhan Macaoidh: Nesekteca edukado
73. Ĉarlz Darvin, trad. Klivo Lendon: La Origino de Specioj, ĉapitro 4a
74. Vikipedio, Angilo
75. R. Hauger: Deĉifrado de la paskinsula skriboMonato
76. Monato, Gerrit Berveling: Toleremo kaj liberecoj en Nederlando
77. V. Lemelev: Infektoj: Mikroboj provokas neinfektajn malsanojn ŝanĝiĝi al infektajMonato
78. Monato, Stefan Maul: Du mil ok
79. Monato, Petro Desmet': Jubile, jubilade, gargantuece palatkareseme

ambaŭ~emulino: Mankas dua fontindiko.
sen~emo, neniu~emo: Mankas fontindiko.
sen~emo, neniu~emo: Mankas fonto, kiu estas nek vortaro nek terminaro.
sam~emulino, sam~amulino: Mankas dua fontindiko.


administraj notoj

pri ~o 1.:
      Mankas ekz BOT. [MB]
    

ℛevo | datumprotekto | seks.xml | redakti... | traduki... | artikolversio: 1.55 2018/08/31 16:10:24