tradukoj: be br de en es fr hu nl pl pt ru sv

^*ole/o [1]

^*oleo

Grasa fluaĵo el besta (baleno, foko), vegetaĵa (lino, nukso) aŭ ŝtona (nafto, skisto) origino, uzata por nutrado, medicino, lumigado, arto, industrio...: oliva, nuksa oleo; sanktaj oleoj (uzataj por sakramentoj); glata kiel oleo; (frazaĵo) enverŝi oleon en la fajron (inciti ardon de disputantoj) ^Z; olehavaj, oledonaj vegetaĵoj.

olea

1.

Enhavanta oleon: olea pentrado; oleaj haroj, haŭto.

2.

Havanta la naturon de oleo: olea karaktero^Z (cedema. oro, vakso).

olei

Ŝmiri per oleo: olei maŝinon, ŝlosilon, la hokojn de la pordo^Z; oleita papero.

gasoleo, dizeloleo

Naftoderivaĵo taŭga kiel brulaĵo por dizeloj: evidentiĝis, ke estas akvo ankaŭ en la gasoleo [2]; aŭtomobiloj en Ĉinio ĉiujare konsumas ... 20% de dizeloleo de la lando [3].

olivoleo

Oleo el olivoj, uzata por kuiro kaj preparo de manĝaĵoj.

palmoleo

Oleo el la fruktoj de olepalmo (Elaeis guineensis), uzata por kuiro, en sapo, en meĥanikaĵoj...: tian damnan laboron mi havas, sinjoro: fari, kvazaŭ mi aĉetas palmoleon, kaj dume serĉi novajn trovejojn de perlokonkoj [4].

sanktolei

Konsekri, ŝmirante per oleo sanktigita: ili sanktoleis Davidon reĝo super Izrael [5]; la Sanktoleito (mesio); la lasta sanktoleado (unu el la katolikaj sakramentoj).

ŝtonoleo

petrolo