tradukoj: be cs de en es fr hu nl pt ru sk

1perspektiv/o PV

perspektivo  

1.  
BELA Bilda prezento de objektoj laŭ la diverseco de aspektoj kaŭzita de ilia malproksimeco kaj pozicio: en tiu pentraĵo la perspektivo estas tre ĝusta; linia, kolora perspektivo; serio da arkaĵoj en perspektivo FK ; aksonometria perspektivo estas sistemo de bilda reprezentado […] pere de projekcio ĉu paralela aŭ cilindra, referencita al tri ortogonaj aksoj, tiele ke ili konservu siajn proporciojn en ĉiu el la tri direktoj de la spaco [1]. VD:projekcio
2.  
Panoramo 1: de tiu monteto oni ĝuas belan ridantan perspektivon; birdoperspektivo; tio estis Nova Holando, la kvina parto de la mondo, kiu preterglitis kun perspektivo de la bluaj montoj [2]; la balkonaĵo elstaras tiel forte antaŭen, ke ĉiuj kiuj rigardas el niaj fenestroj, sur tiu flanko ne havas perspektivon [3]; sur la supro de la monteto, tute apude de la arbaro, kun bela perspektivo staris la nova kastelo [4]; Klaro ekvidis […] tra la interrompo, en la fundo de la perspektivo la murojn de la palaco same mallumajn, kiel la apudaj arboj IK .
3.  
(figure) Aspekto, sub kiu oni prezentas al si pli aŭ malpli malproksiman, precipe estontan okazon: la nuna situacio prezentas vastajn perspektivojn kaj esperojn; la vivo alprenis por li novan kaj pli vervan perspektivon; tiu progreso malfermas novajn perspektivojn; konsola perspektivo; rakontoperspektivo [5]; nun tio estis farita kaj donis la agrablan perspektivon ricevi denove invitojn [6]; la unua ekbrilo de sukceso lumigis antaŭ ŝi perspektivon kun pli bona estonteco en la fino Marta . VD:horizonto2, retrospektivo, vidpunkto2

longperspektiva, longtempa perspektivo

Kiu koncernas, influas, efikas malproksiman estontecon: oni aprobis la longperspektivajn planojn, proponitajn far la Komisiono [7]; en longtempa perspektivo la leĝo funkciis [8].

mallongperspektiva

Kiu koncernas, influas, efikas proksiman estontecon: gravas, ke la psikologio de unuopuloj esploru, kiamaniere iom da materialo, ekiras el la atentujo, tra la mallongperspektiva memoro, en la longperspektivan memoron [9]; dependeco estas tipe karakterizitaj per tuja kontentigo (mallongperspektiva kompenso) [10].

senperspektiva  

Kiu ne prosperos, malhavas ŝancojn de sukceso; senespera: senperspektiva entrepreno; ni […] kompatu […] senperspektivan popolon, kiu falis el unu terura malbono en alian eĉ pli teruran [11]; du kuracistoj atestu, ke la fizika doloro neelteneblas kaj senperspektivas (do ne malaperos) [12].

tradukoj

anglaj

~o: perspective.

belorusaj

~o: пэрспэктыва.

ĉeĥaj

~o: středové promítání perspektiva (zobrazení); sen~a: neperspektivní.

francaj

~o: perspective; long~a, longtempa ~o : à long terme; mallong~a : à court terme; sen~a : sans avenir, sans issue.

germanaj

~o: Perspektive; long~a, longtempa ~o : auf lange Sicht, langfristig; mallong~a : auf kurze Sicht, kurzfristig; sen~a : perspektivlos.

hispanaj

~o: perspectiva.

hungaraj

~o: távlat, perspektíva.

nederlandaj

~o: perspectief.

portugalaj

~o: perspectiva.

rusaj

~o: перспектива. birdo~o: вид с птичьего полёта.

slovakaj

~o: perspektíva, stredové premietanie; sen~a: bezvýhľadný.

fontoj

1. Vikipedio, Aksonometria perspektivo
2. H. C. Andersen, trad. L. L. Zamenhof: Fabeloj, vol. 1, Ĝardeno de la paradizo
3. H. C. Andersen, trad. L. L. Zamenhof: Fabeloj, vol. 2, Malnova domo
4. H. C. Andersen, trad. L. L. Zamenhof: Fabeloj, vol. 3, Ĉio sur sian ĝustan lokon!
5. Monato, Reinaldo Marcelo Ferreira: Ne nur intimaj temoj
6. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
7. -: Protekti la speciojn..., Eŭropa Civitano, 2012-04-25
8. Monato, Evgeni Georgiev: 100 jarojn leĝo pri islamo
9. P. Dasgupta: Loĝi en Homaj Lingvoj: la Substancisma Perspektivo, 2011
10. Vikipedio, Dependeco (medicino)
11. Monato, Stefan Maul: Kompatindaj irakanoj
12. Monato, Bart Demeyere: Eŭtanazio por neplenkreskuloj


ℛevo | datumprotekto | perspe.xml | redakti... | traduki... | artikolversio: 1.21 2018/02/25 20:10:16