1ripar/i

ripari  

(tr)
Remeti difektitan aferon en bonan, uzeblan staton: oni dungis ŝtonhakistojn kaj ĉarpentistojn […], feraĵistojn kaj kupraĵistojn por ripari la domon [1]; kiam [ili] aŭdis, ke la muregoj de Jerusalem estas riparataj kaj ke la breĉoj komencis esti fermataj ili tre ekkoleris [2]; [ili] estis en la ŝipeto, riparante la retojn [3]; sian solan paron [da ŝuoj] ili fordonis por ripari [4]; la trovitaj loĝejoj estis malnovaj, riparendaj, por ebligi ilian uzadon [5]; mi iris por riparigi mian brakhorloĝon [6]. SUB:fliki, sanigiVD:korekti, rebonigi
1. trad. L. L. Zamenhof: La Malnova Testamento, II. Kroniko 24:12
2. trad. L. L. Zamenhof: La Malnova Testamento, Neĥemja 4:7
3. La Nova Testamento, Marko 1:19
4. Frederiko Schiller, trad. L. L. Zamenhof: La rabistoj, Akto Dua
5. Monato, Donald Broadribb: Kial la malestimo je la afrika medicino?, 2007
6. Marjorie Boulton: Dinomanio, Monato, jaro 1994a, numero 2a
angle:
repair
beloruse:
рамантаваць, рапараваць
ĉeĥe:
napravit, odčinit, opravit, opravovat, spravit
france:
réparer, restaurer (réparer)
germane:
reparieren, wiederherstellen
hispane:
reparar, arreglar (reparar)
hungare:
javít, helyreállít
katalune:
reparar
nederlande:
repareren, herstellen, maken
perse:
تعمیر کردن، بازسازی کردن، ترمیم کردن
pole:
naprawiać, reperować
portugale:
reparar, consertar, restaurar
ruse:
чинить, починить, ремонтировать, отремонтировать, исправлять, исправить
slovake:
napraviť, odčiniť, opraviť
svede:
reparera
tokipone:
pona

riparo

1.  
La ago ripari, riparado: la tempiojn ‐ sen riparo ‐ anserpiede stampas faldoj [7]; la ministra kabineto malpermesis renovigon, riparon kaj rekonstruadon de administrejoj [8]; dum la jaro 2000 estis investitaj en bazaj riparlaboroj kaj modernigoj […] milionoj da usonaj dolaroj [9]; la kompanio […] prokrastis la urĝe bezonatan ripar-programon [10].
2.  
Riparaĵo, la rezulto post riparado: dum la tri pasintaj monatoj la vesto pli eluziĝis, en diversaj lokoj ĝi vidigis riparojn kaj flikojn Marta .
7. Raymond Schwartz: La Stranga Butiko, Antaŭsignoj
8. Monato, Laimius Straznickas: Litovio: Ĉiea ŝparado
9. Monato, Evgeni Georgiev: Pliigita aktivado de LUKoil
10. Monato, Paul Gubbins: Politiko elreligita
angle:
1. repair
ĉeĥe:
náprava, odčinění, oprava, správka
france:
réparation
germane:
Reparatur 2. Flicken
hispane:
1. reparación
hungare:
1. javítás 2. javítás (helye is)
katalune:
1. reparació
pole:
1. naprawa, reperacja
ruse:
1. ремонт, починка
slovake:
napravenie, náhrada, reparácia

riparaĵo  

Parto riparita, remetita en taŭgan staton: unu amalgama denta riparaĵo enhavas averaĝe proksimume unu gramon de hidrargo [11].
france:
réparation (endroit réparé)
hungare:
javított (alkat)rész

riparado  

Ago ripari: tiom da diversaj klopodoj sole pri la pureco, riparado, rebonigado [12]; registara instanco respondeca pri konservado kaj riparado de la kanaloj [13].
angle:
repair
ĉeĥe:
opravování, provozní údržba, provádění oprav
france:
réparation (action)
germane:
Wiederherstellung
hispane:
reparación
hungare:
javítás
perse:
تعمیر، بازسازی، ترمیم
pole:
naprawa, reperacja
ruse:
ремонт, починка
slovake:
opravovanie, prevádzková údržba

riparejo

Laborejo ekipita por ripari aparatojn ks: mi devis dufoje porti la komputilon al riparejo: la kosto de la riparado estis granda por homo, kiel mi [14]; la karcero funkciis kiel ĉefdunganto kaj certigis la bazajn bezonojn de la malgranda vilaĝo: elektron, telegrafon, riparejon, flegejon, panejon [15].
14. Monato, Garbhan Macaoidh: Damnita komputilo! Diabla Interreto!, 2003
15. Monato, Marta Solís: La fino de l' mondo, 2006
france:
atelier
germane:
Reparaturwerkstatt, Werkstatt

riparisto

Homo, kiu profesie riparas objektojn, ĉesigas paneojn: la alarmo sonoras […] kaj riparisto estas sendata [16]; horloĝriparisto [17].
ĉeĥe:
opravář
france:
dépanneur, réparateur
perse:
تعمیرکار
pole:
konserwator
slovake:
opravár, údržbár

neriparebla

1.
(pri objektoj) Tia, ke oni ne povas ĝin ripari: ili jam bone scias, ke la subpieda grundo jam neripareble fendiĝis [18]; tre verŝajne malpura aero neripareble damaĝas la cerbon de beboj antaŭ ilia naskiĝo [19].
2.
(figure) Tia, ke oni ne povas ĝin malfari aŭ korekti: doloro pro farita, neriparebla ago kaj neevitebla disiĝo [20]; li per sia senbrida mordemo sukcesos neripareble damaĝi nian internacian reputacion [21]; Unesko […] atentigas pri la neriparebla perdo, kiun la homaro suferas, kiam eĉ unu lingvo estas forgesita [22].
18. Monato, MORI: Sub kruela mano
19. Monato, Paulo Sérgio Viana: Malpura aero damaĝas infanan cerbon, 2015
20. Stellan Engholm: Al Torento, ĉapitro IV, 1930
21. Monato, Ĉu ni mortu miskomprene? (2)
22. Monato, Garvan Makaj (Garbhan MacAoidh): Ĉu gravas, se lingvoj mortas?, 2011
france:
irréparable
germane:
irreparabel, kaputt, zerstört

administraj notoj

~aĵo: Mankas dua fontindiko.