tradukoj: cs de en es fr hu it nl pl ru sk

9stir/i SPV

9stiri  

(tr)
1.  
TRATEK Direkti veturilon, ŝipon, avion ktp: ekveturante ili ne rapidis, stiris ŝanĝante unu la alian, babilis, ridis Monato ; ili ne facile alkutimiĝas al la maldekstraflanka stirado aŭ al la multaj mallarĝaj kaj ofte danĝeraj kamparaj ŝoseoj en Irlando [1]; mi atendas la tagon, ekde kiam mi mem devos stiri tramon, buson kaj trajnon [2]; la unua matena tramo, kiun ĉiam stiris tra la geto la sama tramvojisto [3]; se vi estas tro ebria por stiri la aŭton, la elektronika aparato blokas la veturilon kaj vi ne povas starti [4]; la piloto apenaŭ kapablis stiri etan unumotoran flugmaŝinon [5]; per salikbranĉoj oni ligis 15 arbotrunkojn kaj sur tiuj kruce pliajn trunkojn, tia floso povis porti ĝis 150 trunkojn […] kvar aŭ kvin flosistoj stiris [6]; la arkitekto stiris sian novan sport-aŭton je 200 km/h tra laborista kvartalo, kiam li fatale trafis familion [7]; li kulpis pri danĝera stirado; ekzameno por stirrajtigo [8]. SIN:direkti2
2.  
(figure) Direkti, gvidi2: lernejanoj, kies gepatroj mem ĝuis universitatan edukadon […] pli bone povas sin prepari, ĉar ili komprenas la universitatan ĵargonon, ili estas mense stirataj ĝis la universitato [9]; la balotoj montras, ke la slovena popolo premiis Drnovek-on pro lia ĝisnuna stirado de la ekonomio [10]; la landparto sentas la bezonon stiri sin mem kaj ataki siajn proprajn problemojn laŭ propra maniero [11]; dum sia antaŭa prezidanteco Adamkus sukcese stiris sian landon al Eŭropa Unio kaj al membriĝo en Nord-Atlantika Traktat-Organizaĵo [12]; per poŝtelefono kaj interreto oni ne plu devas senti sin en fremdejo, sed povas eldistance stiri siajn hejmajn familianojn, akciojn kaj bezonaĵojn [13]; KOMP normale la programo mem stiras la skanilon, por tio necesas dum la instalo indiki, kiu skanilo estas konektita al la komputilo [14].

stirejo

TEKMAR Ejo el kiu oni stiras, ĉeeste (ekzemple sur ŝipo) aŭ defore (ekzemple pri senpilota avio aŭ raketo): por rigardi la motoron, oni formovas la stirejon laŭ ĉarniroj antaŭen [15]; estis trovita la stireja son-registrilo, kies analizo konkludigis, ke je la tempo de la akcidento la kapitano estis ekster la stirejo [16]; li verkontrolis la pozicion de ŝipo, ties kurson kaj rapidecon, li komparis tiujn ĉi indikojn kun registro sur tabulo en stirejo kaj kun mapo, li ekaŭskultis de la ĵus fininta oficiro informojn pri vetero, sendratajn depeŝojn kaj ĉiujn pluajn faktojn [17].

stirilo  

TEK Aranĝaĵo por stirado, ekzemple stirrado de aŭtomobilo, stirstango de avio ktp: metu mian manon sur la stirilon, mi estas tro malforta [18]; pro la difektiĝo de la veturilo […] li ne plu povis bone teni la stirilon [19]; starveturilo konsistas el eta platformo kun elektra motoro, du flankaj radoj, antaŭa vertikala stango kun horizontala biciklosimila stirilo por ambaŭ manoj [20]; kvar elektraj motoroj troviĝas sub la ŝipo: rezulte, neniu stirilo kaj neniu helicoŝafto povas vibrigi kaj bruigi la ŝipon [21].

stiristo  

TRA Kiu profesie stiras veturilon: li estis luinta fosmaŝinon por sia ĝardeno kaj demandis, ĉu mi volas pruntepreni ĝin, ĝoje mi petis la dungitan stiriston fari fosaĵon ĉe la herbarfino [22]; pli da sekureco postulas tram- kaj bus-stiristoj en la aŭstra ĉefurbo Vieno [23]. SUB:ŝoforo

stirglobo  

KOMP Enigilo uzata en dialogo kun komputilo por indiki datumon sur la ekrano, rulebla globo iom malmergiĝanta el la ebena surfaco de aparato (ekzemple de la klavaro). Rulante la globon, la uzanto movas la kursoron. Alivorte, renversita muso muntita kun pli granda komputila organo.

stirlernejo

Lernejo pri aŭtomobilstirado.

stirpermesilo, stirrajtigilo

TRA Dokumento pruvanta sukcesan ekzamenadon pri stirado kaj permesanta stiradon de veturilo en publika trafiko: montru al mi vian stirorajtigilon [24]; renovigi sian stirpermesilon [25]; aŭtomobila stirpermesilo estas postulata por aŭtovojaĝantoj [26].

stirsigno  

KOMP Signo uzata por stiri enigon, eligon aŭ datumtransmeton (kaŭzanta ekigon, reĝimŝanĝon, haltigon); ekzemple la stirsigno CR (aŭ ĈR, dekume 13) kaŭzanta la „ĉaret-revenon“: la nullarĝa spaceto estas stirsigno en la cifereca kompostado por marki vortlimojn per distanco, kiu ĝenerale ne estas videbla [27]; la eventuala streketo estas la stirsigno kies bildigo dependas je la linifaldo: [nur] se [ne la tuta] vorto lokeblas sur la linio, okazas vortotransporto kaj la bildigo de eventuala streketo egalas tiun de vortodivida streketo [28].

stirstango

1.
TEK Stangoforma stirilo oblikvigebla, precipe tiu uzata por stiri avion.
2.  
KOMP Enigilo uzata en dialogo kun komputilo por indiki koordinatojn (precipe en komputilaj ludoj) forme simila al avia stirstango: Atari 2600 videoludilo kun stirstango [29].

memstira

TEK Kiu mem sin stiras: memstira raketo.

defora stirado  

TEK Stirado de ekstere kaj de malproksime: defore stirata raketo, avio, procezo. VD:teleregi

tradukoj

anglaj

~i: steer; ~globo: track ball, rolling ball; ~permesilo, ~rajtigilo: driving licence; ~signo: control character; ~stango: joystick; defora ~ado: remote control.

ĉeĥaj

~i: řídit, směrovat; ~ejo: lodní můstek; ~ilo: kormidlo, volant, řídítka; ~isto : kormidelník, pilot, řidič; ~globo: trackball; ~lernejo: autoškola; ~permesilo, ~rajtigilo: řidičský průkaz; ~signo: řídicí znak; ~stango: knipl letadla, řídicí páka, joystick.

francaj

~i: conduire (piloter), piloter; ~ejo: cabine de pilotage; ~ilo: dispositif de guidage, volant subst.; ~globo: boule de commande; ~lernejo: auto-école; ~signo: caractère de commande; ~stango 1.: manche à balai (avion); ~stango 2.: joystick; mem~a: autoguidé; defora ~ado: commande à distance.

germanaj

~i: lenken, steuern, führen; ~ejo: Fahrerhaus, Cockpit, Führerhaus, Kommandobrücke, Brücke (Schiff); ~ilo : Lenkrad, Steuer; ~isto : Fahrer; ~globo: Rollkugel, Trackball; ~lernejo: Fahrschule; ~permesilo, ~rajtigilo: Fahrerlaubnis, Führerschein; ~signo: Steuerzeichen; ~stango: Steuerhorn, Joystick; mem~a: selbststeuernd, selbstfahrend; defora ~ado: Fernsteuerung.

hispanaj

~i: conducir, manejar, pilotar, navegar (pilotar una nave); ~ejo: cabina de pilotaje; ~ilo: volante, manillar, mando (de dirección de un vehículo), timón; ~isto : piloto, chófer; ~globo: mando con forma de bola (para aparatos informáticos), ratón de bola; ~lernejo: autoescuela; ~permesilo, ~rajtigilo: carnet de conducir, licencia de conducción; ~signo: carácter de control; ~stango 1.: palanca de mando; ~stango 2.: joystick; mem~a: autoguiado; defora ~ado: teledirigido.

hungaraj

~i: kormányoz, irányít, vezet ; ~ejo: vezetőfülke, vezetőállás; ~ilo: kormány; ~globo: pozicionáló gömb; ~lernejo: autósiskola; ~signo: vezérlőkarakter; ~stango 1.: botkormány; ~stango 2.: botkormány, joystick; mem~a: önirányító, önvezérelt; defora ~ado: távirányítás.

italaj

~i: condurre (guidare), pilotare, guidare; ~ejo: cabina (di pilotaggio); ~globo: trackball; ~lernejo: autoscuola, scuola guida; ~signo: carattere di controllo; ~stango 1.: cloche, barra di comando; ~stango 2.: joystick; mem~a: autoguidato, intelligente (autoguidato); defora ~ado: teleguidato.

nederlandaj

~i: besturen; ~ejo: stuurhut, cockpit; ~ilo: stuur, stuurstang; ~lernejo: autorijschool; ~signo: stuurteken; ~stango 1.: stuurknuppel; defora ~ado: afstandsbediening.

polaj

~isto : kierowca; ~signo: znak sterujący.

rusaj

~i: вести (автомобиль и т.п.), управлять (машиной); ~ejo: рубка (корабля), центр управления (полётом и т.п..); ~ilo: устройство управления, руль; ~globo: шаровой манипулятор; ~lernejo: автошкола; ~signo: управляющая литера; ~stango 1.: рычаг управления; ~stango 2.: координатная ручка, рычажный указатель, джойстик; mem~a: с автоматическим управлением; defora ~ado: дистанционное управление.

slovakaj

~ejo: miestnosť kormidelníka; ~ilo: kormidlo, riadidlá, volant; ~isto : pilot, vodič, šofér, kormidelník; ~lernejo: autoškola; ~permesilo, ~rajtigilo: vodičský preukaz; ~signo: ovládacia klávesa; ~stango: knipel lietadla, riadiaca páka, joystick.

fontoj

1. Monato, Garbhan MacAoidh: Enmigrado anta kaj inta
2. Monato, Stefan Maul: Aŭtomat-homo
3. Monato, Zofia Banet-fornalowa: Listo de Sendler
4. Monato, S. Maul: Finfine oni povas diboĉi sen pento
5. Monato, Jomo Ipfelkofer: Ni neniam konos la veron
6. Monato, Walter Klag: Vakeroj de Alpoj
7. Monato, Garbhan Macaoidh: Malbona investo
8. Monato, Carlo Minnaja: Kiu ĉi mi?
9. Monato, Guido Van Damme: Studentoj universitaton soifantaj
10. Monato, P. Gubbins: Slovenio: Ordo tordita -- dekstren maldekstren
11. Monato, Guido Van Damme: Lando disfalos
12. Monato, Last: Prezidinto prezidantas
13. Monato, Franz-Georg Rössler: Strato de la eŭropa kulturo
14. Monato, Roland Rotsaert: De papero al komputilo: bitigo de presitaj dokumentoj
15. Vikipedio, GAZ-66
16. Vikipedio, Flugo 9525 de Germanwings
17. Vikipedio, Oficiroj de Titanic
18. trad. senlime: La Granda Diktatoro, 2005
19. Monato, Gerrit Berveling: Katastrofa reĝinotago
20. Monato, Evgeni Georgiev: Veturilo elstara
21. Monato, Christian Bertin: Reĝino de la maroj
22. Monato, Dommastrumo: Ĝardenumi
23. Monato, Walter Klag: Stire al sekureco
24. Monato, Sergeo Dereviannykh: Kiu instigas nin al farado, kiel plej multe faras
25. Monato, Roberto Pigro: Hundo ĉe la fundo
26. Monato, Alice Liu: Bicikle al Nord-Koreio
27. Vikipedio, Nullarĝa spaceto
28. Vikipedio, Eventuala streketo
29. Vikipedio, Atari 2600

~globo: Mankas dua fontindiko.
~globo: Mankas fonto, kiu estas nek vortaro nek terminaro.
~lernejo: Mankas dua fontindiko.
~lernejo: Mankas fonto, kiu estas nek vortaro nek terminaro.
mem~a: Mankas dua fontindiko.
mem~a: Mankas fonto, kiu estas nek vortaro nek terminaro.
defora ~ado: Mankas dua fontindiko.
defora ~ado: Mankas fonto, kiu estas nek vortaro nek terminaro.


ℛevo | datumprotekto | stir.xml | redakti... | traduki... | artikolversio: 1.20 2019/02/18 12:10:19