tradukoj: be bg ca cs de el en fr hu nl pt ru sk tr

^*vend/i

^*vendi

Cedi ion, kiel proprumaĵon kontraŭ difinita prezo: vendi libron por 50 markoj; ili vendis lin por 20 moneroj^Z; Jozefo estis vendita kiel sklavo^Z; elmeti ion por vendado; vende proponi ion^Z; se vendisto ne mensogas, li aĉetanton ne allogas [1]; en la nunaj tempoj ĉio estas vendebla, eĉ la konsciencoj. aĉetikomerci

vendo

Dono de unu- aŭ pluropaj komercaĵoj kontraŭ mono: pro la alta prezo [...] oni ne antaŭvidas grandajn vendojn [2].

vendejo

Ejo, destinita por publika vendado kaj aĉetado de varoj: sur [la strateto], kiu antaŭe estis vendejo por verdaĵoj, troviĝas [...] porko el kupro [3]; la fiŝo estis kaptita, alportita sur la vendejon, tie oni ĝin vendis, kaj ĝi venis en la kuirejon [4]; la fajraj faŭkoj de la noktaj vendejoj [5].
Rim.: Hodiaŭ la vorto pensigas pri domo, sed la klasikaj ekzemploj sugestas vilaĝan placon (bazaro¹).

vendisto

Komercisto, kiu proponas komercaĵojn al aĉetontoj: la mastrino kiu estris kaj ordonis dum la tuta vivo, nun subite fariĝis pagata vendisto en sia propra vendejo [6].

ĉiovendejo

Granda podetala vendejo, kiu ofertas tre diversajn viv-utilajn komercaĵojn, aranĝitajn laŭ fakoj kaj etaĝoj: Anjon oni arestis je la momento kiam ŝi provis enmanigi al kasistino de la ĉiovendejo ĉe Arbat dekdolaran bileton [7].

forvendi

Sin malembarasi je io per vendo, eventuale je malalta prezo aŭ por detruo: (figure) mi estis jam kun mia haŭto forvendita al la anatomio^Z (ekzekutota); tiuj lastaj forvendas sian tutan riĉaĵon, nur por liberigi siajn hejmulojn [8].

revendi

Vendi ion, kion oni aĉetis: plej multaj retservoj simple revendas sub sia aparta nomo la servon de pli granda ret- aŭ telefon-firmao [9].

supervendejo

superbazaro la loĝantaro de la urba distrikto, kie devis elkreski la supervendejo, ĝin ne deziras [10].

detalvendisto

detalisto