dispozici/o SPV

dispozicio Vikipedio

1.  
MEDPSI Emo de la organismo al ofta samspeca malsaniĝo aŭ malbonefika konduto; diatezo1: unu el dek trafitoj havas fortan genetikan dispozicion por la malsano [1]; vi freneziĝis, ĉar vi, verŝajne, havas dispozicion al tio [2]; ofte tiuj kazoj ne fontas en la anonima senkora „socio”, sed en la hejma ĉirkaŭaĵo, neniu kaj nenio vere kapablas kuraci ties mensajn dispoziciojn [3]; la misio de la Biblio estis stimuli la homojn for de la bestaj dispozicioj, for de la sangaj ŝtupoj kaj tendencoj de la egoismo [4]. VD:inklino, fato
2.  
JUR Esprimo de volo, ekz. per testamento, direktivo ks: li formulis en la testamento aliajn dispoziciojn [5]; pro la ŝparigaj dispozicioj estas limigita la agopovo de la polico [6]; kriminala kodo, laŭ kiuj la „aĝo de konsento” estis 14 jaroj en malsamseksaj rilatoj, sed 18 jaroj en rilatoj samseksaj, ‐ abolon de ĉi tiuj diskriminaciaj dispozicioj iniciatis gejaj organizaĵoj jam en 1993 [7]; nova urbestro […] tiele dispoziciis por replenigi – post plurjara dekstrula administrado – la komunuman kason [8]; la sveda reĝo Gustav Vasa dispoziciis, ke la fiŝkaptista vilaĝo Ekenäs […] estu nomata urbo [9]. VD:ordono, instrukcio, testamento, klaŭzo, direktivo
3.  
Aranĝo de io plurparta en la spaco: kvankam la ĥemia strukturo de normalaj kaj infektaj prionoj ne diferencas inter si, tamen ekzistas grandaj diferencoj en la spaca dispozicio de la molekuloj (en la terciara strukturo de proteinoj) [10]. VD:dividi, dismeti
ĉeĥe:
dispozice, náklonnost, předpoklad, příkaz, rozmístění
france:
1. prédisposition 2. disposition (jur.)
germane:
Disposition 1. Anfälligkeit, Anlage (Med.), Neigung (Med.) 2. Zuweisung, Anweisung 3. Verteilung (im Raum)
hispane:
1. predisposición 2. disposición (jur.)
katalune:
1. predisposició 2. disposició
pole:
1. predyspozycja 2. dyspozycja
portugale:
1. disposição, predisposição, inclinação, tendência 2. disposição (jur.), cláusula
ruse:
1. предрасположенность 2. распоряжение (юр.)
slovake:
náklonnosť, nálada, príkaz, smernica

administraj notoj