^*divers/a ^MT

1.

Malsamspeca: laŭ diversa maniero; ŝtonoj de diversa grandeco; monpaperoj de diversa valoro; diverskoloraj vestoj [1]; amaso da diversgentaj homoj eliris [2]; la amaso […] kuras en diversajn flankojn [3]; tie estis virinoj de diversaj aĝoj, de diversa eksteraĵo kaj videble ankaŭ de diversaj karakteroj ^Marta ; diverskonsista socio ^Marta ; tiun ĉi flankon diversaj Esperantistoj povas klarigi al si en la plej diversa maniero kaj en la plej diversaj gradoj [4]; la intelektuloj […] renkontis tie problemojn kiuj estis specifaj, ne universalaj, ofte diversaj de tiuj de la proletaro aŭ de la amaso [5]. alia, diferenca, kalejdoskopa, mozaika

2.

(nur plurale) Kelke da malsamaj: diversaj muzikaj instrumentoj [6]; fari diversajn aferojn [7]; forĝanto de diversaj majstraĵoj el kupro kaj fero [8]. pluraj

(ntr)

Prezenti inter si malsamojn, diferencojn: la vico […] povas regione diversi [9]; la lokaj kondiĉoj tiel diversas, ke neniu kohera tapeto teksiĝas el tiuj fadenoj [10]; la lingvoj de la mondo tre diversas inter si, ne malplej multe en la leksiko kaj semantiko [11]; se io estas ne uzata plu kaj diversas de la pli ofta kaj logika formo, tion ni ellasis aŭ markis per malaproba noto, eĉ se ĝi estas zamenhofa [12]. diferenci

Malsameco: la diverseco de la klimatoj; ekzistas diverseco de donacoj, sed la sama spirito [13]; riĉa kolordiverseco aperis sur ĉiuj arbaroj [14]; la grandioza diverseco de niaj ideoj ^FK ; spite al la diverso de la devenoj de la internacia parolantaro de Esperanto, elkristaliĝis ankaŭ kelkaj originalaĵoj, unikaj nur al la Esperanto-komunumo [15].

Igi diversa, diferencigi, variigi, ŝanĝi: diversigita kolekto de korkoj [16]; estas grave sekvi sanan kaj diversigitan manĝomodelon [17]; ĉarma radio, ĵetita sur la esencon de la ekzistado, por ĝin belkolorigi kaj diversecigi ^Marta .

Fariĝi diversa, varia: ili poste dividiĝis kaj diversiĝis [18]; [la] kolekto sufiĉe vastiĝis […] kaj tre diversiĝis [19]; multaj japanaj kompanioj fiaskis, kiam ili diversiĝis, neglektante sian propran aferon [20].

Unueca, unutona, nevaria: pri la nutraĵo, mi povas diri ke ĝi estas bona sed iomete maldiversa: ni ricevis senŝanĝe tomatojn, kukumojn kaj kaprinan fromaĝon je la matenmanĝo [21]. unuforma, monotona¹, enuiga, teda