^*mar/o

1.

Iel apartigita parto de la oceano: laŭdu la maron, sed restu sur tero ^PrV ; li jam estas trans montoj kaj maro ^PrV ; la sablo sur la bordo de la maro [1]; liaj elektitaj militestroj dronis en la Ruĝa Maro [2]; en profundegaĵoj de maro ^FK ; kiam la maro estas iom malkvieta kaj la fiŝkaptistoj direktas sin kun siaj ŝipoj hejmen, rigardu, kiel ili tiam transŝipiĝas trans la rifojn [3]. maroj

2.

(evitinde) Oceano: maro ĉiujn riverojn ricevas kaj tamen ne krevas ^PrV .

3.

Iom granda sala lago (precipe en kelkaj propraj nomoj): Kaspia maro, Malviva maro; ĉiuj ĉi tiuj kunvenis en la valo Sidim, kiu nun estas la Sala Maro [4].

4.

(figure) Grandega kvanto: maro da sango^PV ; maro da mizeroj ^PrV [5]; la urbo disvolvis antaŭ li ondiĝantan maron da tegmentoj; la suno lumadis, por aranĝi […] maron da lumo [6]; li englutis maron da teo^PV ; inter diro kaj faro estas vasta maro [7] (granda diferenco vd. abismo, monto).

Homo, kiu iel, ofte per metio, vivas el la maro: Ĥiram sendis en la ŝiparo siajn servantojn ŝipistojn, spertajn maristojn [9]; la maristoj dancis gajajn dancojn sur la ferdeko [10]; marista lernanto [11]; tio estis maristo, tute malgranda persono, kvazaŭ li estus kadeto [12]; leŭtenanto de la maristaro ^FK . ŝipano, ŝipisto, matroso, fiŝkaptisto

(malofte)

Loko kie riveroj fluas en maron: Mazaro […], ĉe ĝia enmarejo oni malkovris praan fenican komercejon, aktiva inter la 6-a kaj la 4-a jarcento a.K. [13].

enfluejo

1.

Kiu estas trans maro, precipe alilande kaj malproksime: (frazaĵo) en landoj transmaraj estas oraj arbaroj ^PrV ; britaj transmaraj teritorioj Ĝibraltaro kaj Montserato [14].

2.

Kiu devenas el trans maro: ĉio transmara estas ĉarma kaj kara ^PrV ; ili min ne komprenas, ĉi tiuj transmaraj barbuloj, idoj de hundoj, fratoj de Fenicianoj kaj Hebreoj [15]; en la vagonaron estas enaranĝitaj apartaj poŝtaj vagonoj, kiuj la tutan transmaran poŝton portas al Bremeno ^FK .

Tiu fazo de fluso, kiam la akvo atingas la plej altan nivelon: estas en ili ondado ‐ kaj ankaŭ malfluso kaj altmaro ‐ kaj en iliaj pensmanieroj kaj en iliaj sentoj [16]; mi reiris al la nordorienta marbordo, formetis la surtuton, ŝuojn kaj ŝtrumpojn, kaj eniris la maron je duonhoro antaŭ altmaro [17].

Tiu fazo de malfluso, kiam la akvo atingas la plej malaltan nivelon: la interspaco inter la altmaro kaj la malaltmaro estas la amplekso de la tajdo [18].

Maro en Hinda Oceano inter Araba Duoninsulo kaj Hindujo: la Adena Golfo estas okcidenta branĉo de Araba Maro, kiu per markolo Bab al-Mandab ligiĝas kun Ruĝa Maro [19]; la Araba Maro estas ligita kun la Omana Golfo, nord-okcidente, kiu per Hormoza Markolo fluas al la Persa Golfo [20].

Interna maro Orient-Eŭropa, inter Rusujo kaj Ukrainujo, norde de la Nigra Maro: forestas simila traktato pri maraj limoj en Azova kaj Nigra Maroj [21].

Azova Maro kun la duoninsulo Krimeo kaj la Kerĉa markolo
PD  [22]

Atlantika maro norde en Eŭropo, inter Pollando kaj Svedujo: apud la Balta Maro ĉe la Danaj golfoj... [23]; dum 20-taga rondveturo ĉirkaŭ Balta Maro oni traveturis 9000 kilometrojn [24].

La plej norda maro Pacifika: Amerikon […] enmigris homoj antaŭ 30 000 - 35 000 jaroj tra Beringa Markolo [25]; ĉe la orienta Pacifiko spuroj [de la Griza baleno] troviĝas en la maroj inter la Beringa Maro [26]. Beringo

Periferia maro en la Arkta Oceano, lavanta la bordojn de la Ĉara Duoninsulo kaj Alasko, komunikiĝanta kun la Beringa Maro per la Beringa Markolo: narvalo loĝas en la tuta Arkta Oceano […], malofte ĝi aperas ĉe la bordoj de Alasko, en la Ĉukĉa Maro kaj en la Orientsiberia Maro [27]; najbaraj maroj [de Orientsiberia Maro] estas okcidente la Lapteva Maro kaj oriente la Ĉukĉa Maro [28]. ĉukĉo

Pacifika maro inter la kontinenta Ĉinujo kaj la Korea duoninsulo: oriente de Bohai-markolo estas la Flava Maro [29]; en okcidento [de Nord-Koreio] situas la Flava Maro kaj en ĝia oriento, la Japana Maro [30].

Maro en la Arkta oceano, norde de Uralo kaj de la limo inter Siberio kaj Eŭropo: Jenisejo ‐ enfluejo Karaa Maro [31]. Karao

Parto de la Atlantiko norde de Sudameriko kaj limigita per vasta insularo, i.a. Antiloj: Kubon varmigas trankvilaj marondoj de la Kariba Maro [32]; dum tiu periodo la nombro de urbanoj [kreskos…] en Latin-Ameriko kaj la regiono de la Kariba Maro de 394 ĝis 609 milionoj [33].

Maro ĉe la Siberia bordo de la Arkta Oceano, inter la Karaa Maro kaj la Orientsiberia Maro: permafrosto de insulo situanta en la insularo Ljaĉov, en Lapteva Maro, norde de Siberio [34]; Olenjok [unu el] alfluantoj de la Lapteva maro [35]. Laptevo

Sala lago inter Israelo kaj Jordanio, nutrata de la rivero Jordano: malgraŭ tiaj malfavoraj kondiĉoj en la sal-broma akvo de la Malviva Maro ekzistas vivaj kreitaĵoj [36]; unufoje [mi] min banis en la Malviva Maro kaj pasigis unu sabaton en Jerusalemo [37].

(malofte)

Mediteraneo: Nolan iam renkontis Burr-on en unu el niaj ŝipoj, kiam grupo da usonanoj vizitis ĝin sur la Mezmaro [38]; boato de Mezmara speco [39].

Interna maro Atlantika inter Eŭropo kaj Azio, ĉe la bordoj de Rusujo, Ukrainujo, Rumanujo, Bulgarujo, Turkujo kaj Kartvelujo: la juna okulisto denove serĉis praktikadon en alia loko, en Ĥerson, apud Nigra Maro, li klopodis sensukcese ^VivZam ; ankaŭ el Rusio ĝis Ankaro estas funkcianta tubo, sed oni elektis novan vojon sub la Nigra Maro [40]; antaŭ 600 jaroj la Litova Granda Duklando etendiĝis ĝis la Nigra Maro kaj estis la plej granda ŝtato en Eŭropo [41].

Parto de la Atlantiko limanta al nordokcidenta Eŭropo kaj orienta bordo de Britujo: la vera nigra oro de Britio ne estas la petrolo de la Norda Maro, sed la angla lingvo [42]; ĝia akvo fluas al la rejna baseno kaj plue al la Norda Maro [43].

Maro en la norda Pacifiko, okcidente de Kamĉatko kaj Kuriloj: Saĥaleno estas azia insulo inter la Japana Maro kaj la Oĥocka Maro [44]; okcidente de Hokajdo estas Japana Maro, sud-oriente estas Pacifiko, nord-oriente estas Oĥocka Maro [45]. Oĥocko

Pacifika maro oriente de la kontinenta Ĉinujo: Japanion ĉirkaŭas maroj, Pacifika oceano en la oriento kaj Japana Maro en la okcidento, norde aldoniĝas Oĥocka Maro kaj sude Orientĉina Maro [46].

Maro ĉe la Siberia bordo de la Arkta Oceano, inter la Lapteva Maro kaj la Ĉukĉa Maro: la Arkta Oceano havas preskaŭcirklan formon, kaj ĝia areo […] inkluzivas plurajn marojn kaj golfojn: nome la Bafina Golfo, la Barenca Maro, la Boforta Maro, la Ĉukĉa Maro, la Orientsiberia Maro, la Gronlanda Maro, la Hudsona Golfo, la Hudsona Markolo, la Karska Maro, la Lapteva Maro, la Blanka Maro kaj aliajn [47]; Jana (rivero) […] enfluas la orientsiberian maron, parton de la glacia nordpolusa maro [48].

Maro en Hinda Oceano inter nord-orienta Afriko kaj Araba Duoninsulo: Dio kondukis la popolon ĉirkaŭire, per la vojo tra la dezerto, al la Ruĝa Maro [49]; ili elmoviĝis de la monto Hor laŭ la vojo al la Ruĝa Maro, por ĉirkaŭiri la landon de Edom [50]; Eritreo estas ŝtato etendiĝanta en nordorienta Afriko sur marbordo de Ruĝa Maro [51].

Pacifika maro sude de la kontinenta Ĉinujo.