¹abism/o

1.  ↝

Profundegaĵo: mallumo estis super la abismo [1]; neforgesebla alterno de belegaj pejzaĝoj alpaj: krutaj rokmuroj, ombraj abismoj, idiliaj paŝtejoj [2]; (figure) ŝiaj pupiloj, nigraj kaj profundaj kiel abismo, brulis kiel vulkanoj ^Marta ; (figure) ŝi falis en senfundan abismon de malespero [3]. interkrutejo, fendego, kaverno, kratero², ravino, valo

2.  ↝

(figure) Plena, ĝisfunda ruiniĝo: memoru […] ekkonu antaŭe la profundecon de la abismo, antaŭ ol vi ensaltas en ĝin! [4]; la esperojn de mia vivo mi devis vidi forfali en la abismon, kaj restis al mi nenio [5]; la morgaŭa tago ofte ruinigadis kaj ĵetadis en abismon de forgeso tion, kion ŝi kun granda malfacileco sukcesis atingi hieraŭ ^Marta ; la tradiciaj partioj falis en abismon [6]. bankroto, depresio¹, malhaŭso

3.  ↝

(figure) Plena, esenca neakordigebla diferenco: fremda animo estas abismo sen limo ^PrV ; estas giganta abismo inter malriĉaj kaj industriaj landoj [7]; evidentiĝas, ke daŭre ekzistas abismo inter diversaj klasoj koncerne universitatan edukadon [8]. faŭko, fundo, maro, senfundaĵo, glutejo.

Rilata al abismo: en la abisma mallumo, vido estus malĉefa kaj tuŝsenso […] estus ĉefa [9]; (figure) abismaj fundoj kun silente kaj kaŝite embuskantaj rampaĵoj de minacaj tentoj ^Marta .