^*persist/i ^UV

(ntr)

1.

(iu) Energie daŭrigi, eĉ malgraŭ ĉiu ajn malhelpaĵo, tion, kion oni komencis fari aŭ pensi: ŝi persistas en sia amo kaj obstine sin alkroĉas al tiu, kiu ŝin forĵetis [1]; mi ne povis estri la lernantojn, kaj se mi persistus resti ilia instruisto, tiam mi fariĝus nervmalsana [2]; la fripono persistas, ke li ne estas ŝtelisto [3]; kiu persistos ĝis la fino, tiu estos savita [4]; la malsanulo, jam furioza pro doloroj, tamen persistis al sia vivo [5]; la leporo persistis kaj gratis trian fojon [6]; nur la malsprituloj persistas en malvera opinio [7]; ne hontu penti pri faro, hontu persisti en eraro ^PrV . algluiĝi, elteni, insisti, kroĉiĝi, obstini, rezisti

2.

(io) Longe daŭri: ankoraŭ estis froste dum la noktoj, kaj neĝmakuloj persistis sur la bruna […] kaj verda tereno [8]; la klopodoj […] por solvi la krizon, kiu persistas [9]; nun ekzistas kvar endemiaj regionoj, kie poliomjelito persistas [10]; kelkafoje, la koŝmareco de eventoj persistas dum la tuta vivo [11]; la urbaj dialektoj de la skota persistas en moderna formo inter malpli klerigitaj homoj [12]. enradikiĝi

Rim.: Persisti montras prefere energion, obstini montras malpravan malcedemon.

Sinteno de tio aŭ tiu, kiu persistas, daŭrigas malgraŭ malfacilaĵoj: arton […] oni lernas praktikante ĝin kun persisto [13]; ĉu vi havas kuraĝon kaj persiston [14]? li opiniis, ke nenio kontraŭstaras senŝancele la tempon kaj la persiston [15]; Ludoviko heredis de sia patro […] obstinon kaj persiston [16]; la paŭzon sekvis la denove ekaŭdebla brueto, eĉ pli timiga, ĝuste pro sia insista persisto [17].

Kiu emas persisti, ne facile rezignas, estas tenaca: ne estu persistema en malbona afero [18]; ili estis la plej bonaj, piaj, laboremaj kaj persistemaj infanoj en la tuta mondo [19]; via obstineco kaj persistemo legi filozofiajn verkojn, kiujn ŝi tre malaprobas, ĉagrenis ŝin [20]; sufiĉas memorigi […] la bataladon de proletaro en Rusio […] obstinegan, persisteman [21].

Homo persistema; malrezignema: memoru Iŝmaelon kaj Idrison kaj Zul-Kifl; ili ĉiuj estis persistemuloj [22]; la venko fina ĉiam apartenas al persistemuloj [23].