psik/o ,

psiko, psiĥo

: Menso, precipe kiel studobjekto de psiĥologio, kiu rigardas ĝin loko de ĉiuj konsciaj kaj nekonsciaj inklinoj, komprenoj, emocioj, voloj...: tiuj kutimoj enradikiĝas profunde en nia psiko; psikaj fenomenoj; mizero kaj angoro […] kreas katastrofajn tajdojn […] en la homa psiko [1]; [ili] pli bone konas la infanan psikon [2]; la metodo estas adaptita al la psiĥo de la moderna homo [3]. Psiĥo (mita figuro)animo, spirito, psiĥologio, psikologio, psikopatio

1. Monato, Albisturo Kvinke: Opinio: Sobraj pensoj de sobrulo
2. Monato, Donald Broadribb: Ne al ĉiuj plaĉos ĉi literatura gemeto, 2003
3. La metodo Cseh: mitoj, fortoj kaj malfortoj

: Psiĥologia klinika metodo, ellaborita de Freŭdo, celanta malkovri per diversaj procedoj konsciigi la subkonsciajn ide-sistemojn, kies neperceptita ĉeesto kaŭzas mensajn aŭ eĉ korpajn perturbojn, kaj kies origino estas la libido: psikanalizo elmontris, kiom estas utile, esplori la plej sekretajn refaldojn de nia subkonscio, por ke ni liberiĝu de la malklaraj fortoj, kiuj nin katenas [4]; Sigmund Freud, aŭstra psikologo kaj fondinto de psikanalizo, enkondukis sonĝojn en modernan psikologion kaj donis gravan atenton al ĝi [5]; [la teksto] denuncis la personismon kaj la familiismon de psiĥanalizo [6].

4. C. Baudouin: La Arto de Memdisciplino: Psikagogio, 1926
5. Monato, Reza Kheir-Khah: Sonĝo: Mirinda dimensio de nia vivo
6. T. Garcia-Fons: Psiĥiatrio ― Flegi aŭ disciplini, Le Monde diplomatique en Esperanto, 2013-01-01

: Ano de la psiĥanaliza skolo, kuracanto per la psiĥanaliza metodo: antaŭ 90 jaroj naskiĝis Claude Piron (1931-2008), belga, poste svisa tradukisto, psikanalizisto [7].

7. -: Claude Piron naskiĝis antaŭ 90 jaroj, La Ondo de Esperanto, 2021-02-26