^*spirit/o ^UV

1.

Tuto de la mensaj kapabloj kaj inklinoj; menso: en la mateno lia spirito afliktiĝis [1]; la memfido de ŝia juneca spirito […] fordonis sin al ŝiaj fieraj revoj [2]; pli valoras kontenta spirito, ol granda profito ^PrV ; spirita laboro. sprita

2.

Propra karaktero, karakteriza tendencaro: eduki siajn infanojn en pacema kaj tuthomara spirito; la nuna junularo havas alian spiriton; mi persone ĉiam evitas la diritajn formojn, tamen […] mi neniel povus vidi en tio ĉi ian pekon kontraŭ la reguloj aŭ kontraŭ la komuna spirito de nia lingvo [3]; la spirito de la tempo asertas […] ke ĉio, kio estas nobela, estas malbona kaj malsaĝa, kaj ke kontraŭe, ĉe la malriĉuloj ĉio brilas [4]; mallongeco estas la spirito de saĝo [5].

3.

Nevidebla kaj netuŝebla estaĵo, kiu havas nek korpon nek figuron: la spirito de Dio ŝvebis super la akvo [6]; la Sankta Spirito.

4.

Fantomo: jen la temp', en kiu aperas ordinare la spirito [7].

animo, menso, psiko

Apartenanta al la spirito aŭ al la animo, kontraste kun korpa aŭ materia: mi sopiras vin vidi, por ke mi transdonu al vi ian spiritan donacon [8]; li perdadis ĉian spiritan ekvilibron, se la maŝinisto faris eĉ la plej malgrandan eraron [9]; la rutino kaj spirita inercio komencas iom post iom cedadi [10]; tiu ĉi templo devas donadi spiritan ripozon al la maljunuloj, konsolon al la suferantoj [11]; ilia voĉo estis kiel sonorado de sferoj, sed tiel spirita, ke nenia homa orelo povis ĝin aŭdi [12]; en la spirita mondo sub la flugiloj de la anĝelo [li] ĉion tion vidis [13]; nia laborado celas krei […] unuigitan […] kaj spirite altigitan homaron [14]; vesto eluzita, sed pureco spirita ^PrV . morala

Doktrino asertanta la eblon interrilati kun la animoj de la mortintoj: mi ankaŭ interesiĝas pri spiritismo, ekologio, historio kaj ekonomiko [15]; same kiel aliaj religioj, spiritismo nomas sinmortigon peko, sed, male al kristanismo, diras ke ĝi ne estas nepardonebla peko [16]; ni rimarku ke unu afero estas spiritismo kaj alia spiritualismo [17]; brazila kulturo […] estas intime ligita kun spiritismo [18].

Kapablo senprokraste reagi ĝuste eĉ al surpriza situacio: la maniero de ŝia parolado montris bone edukitan knabinon, al kiu ne mankas spiritĉeesto [19]; la juna oficisto tamen rapide ricevis sufiĉe da spiritĉeesto, por flustri [20]; en tiu momento mi ne havis sufiĉe da spiritĉeesto por atente studadi la tialon de fenomeno [21]. atento, vigleco

La tria persono de la kristana Triunuo: en tiu momento ŝi sentis kvazaŭ […] fajreron de la flamo de la sankta spirito [22].