tradukoj: be bg de en es fr hu lat nl pl ru sk sv

^*buton/o

^*butono

1.

Plata aŭ globforma peceto el korno, metalo aŭ ŝtofo, uzata por kunteni partojn de vestoj aŭ de aliaj objektoj, kaj kelkfoje nur por ornami: butono de jako, de sako, de manumo, de ŝuo.

2.

Io similanta butonon: prembutono de elektra sonorilo; maldekstra, meza, dekstra musbutono (prembutonoj de muso). klavo

3.

Burĝono de floro; florkapeto.

butonumi

Kunigi per butonoj, enigante ilin en la destinitajn fendetojn: butonumi surtuton pro malvarmo; (frazaĵo) butonumi iun malvaste [1] (severe obeigi iun).

butoni

malbuton(um)i

Disigi partojn de vesto eligante la butonojn el la fendoj.

butontruo

Fendeto por enigi la butonon.

ekrana butono

Fenestraĵo, areo de komputila ekrano entenanta tekston kaj, kutime, desegnaĵon de butono ― ortogramon aŭ rondeton, iam bildigitan per la Askiaj rektaj aŭ rondaj krampoj: [ ] ( ). La uzanto povas ŝanĝi la staton de la areo (kaj de la responda variablo ― reĝimo, opcio) per la muso aŭ per la klavaro: oni distingas tri butonspecojn: prembutono, markobutono kaj radiobutono; en dialogujo kutime estas butonoj „Bone“, „Rezignu“, ofte ankaŭ „Jes“ kaj „Ne“.